Luku 22:2 - Panake Pi La: Ula: Buka pita: Kine Pieke Buka

² Mo yeni peao haemeke teke haliwekima꞉ make mo Lo Pi wala꞉tiki pu haemeke haliwekima꞉ make Yesu a꞉mbao luekema꞉ yeke mandane pota꞉manu wopu weimikime. Pa ekipeke. Ikita꞉ mo wanda꞉hali paala꞉ma꞉ homolo hata꞉ pimikime.

Luku 22:2 ပူးပေါင်းရင်းမြစ်များ

Ma꞉tiu 12:14

Kutu pieketa꞉ kota꞉ mo Pa꞉tisi haliwekima꞉ koto da mina꞉pa꞉lao hama puaata꞉ Yesu luekema꞉ a꞉nda꞉ lomba꞉ wimikime.

Ma꞉tiu 21:38

Kutu piekepate mo hande e handeteke haemeke haliwekima꞉ mo hande teke halima꞉ tapaeyeke weki epeekeeki handaata꞉ kota꞉ ikana꞉ma꞉ ika꞉ hone lombolo hata꞉ alota꞉ Hande e tekehali ipika꞉ anketeke mulu pa꞉la꞉ wekita꞉ koto ipula꞉ma꞉ ota꞉ lumana꞉e la alota꞉ Luma꞉ka꞉na꞉ta꞉ mo eta꞉ kota꞉ ota꞉ nika꞉ e wilieke lemekeme.

Ma꞉tiu 26:2

Ika꞉ hone wilimi tupa꞉ nate homeke hao ma꞉nda꞉na꞉ta꞉ mo hande Lombei Pupa Yapeeke Nate ipilieke. Koto natena꞉ta꞉ haliwekima꞉ mo Wanda꞉halina꞉ Eiyeketa꞉ a꞉ka꞉tei wape piki tina꞉ endiao lina꞉ halimikie leekeme.

Maka 14:1

Diu wanda꞉halima꞉ Lombei Pupa Yapeeke nate make Na Pombei Yaake Palaowa Nala꞉ di make hone uluekema꞉ ne pambaaluekema꞉ nate yaapo titina꞉ amba꞉la꞉ wiekeme. Kutupa mo yeni peao haemeke you haliwekima꞉ make wape pea wala꞉tiki pu haemeke haliwekima꞉ make Yesu a꞉mbao mina lu pimiki pota꞉ weimikime.

Luku 20:19

Koto leeke ekina꞉ mo yeni peao haemeke haliwekina꞉ you haliweki make hande pi ula꞉eki walo haemeke haliwekima꞉ make Yesu koto kone minuluekema꞉ yeke taapemekeme. Ekipeke ika꞉ hone witolota꞉ Ipikana꞉ma꞉ lea꞉ onkoluma꞉ pita꞉ iki pa꞉ta꞉ kone lea꞉me hone witolo hata꞉ pimikime. Kutu puluekema꞉ pimikipate mo wanda꞉halima꞉ paala꞉ pieke handa paemekeme.

Dioni 11:57

Kota꞉ mo yeni peao haemeke you haliweki make mo Pa꞉tisi haliweki tonka꞉na꞉ ikana꞉ma꞉ pi alo alota꞉ Hali epima꞉ Yesu hala꞉eki handea꞉ka꞉na꞉ta꞉ Yesu da꞉ka꞉pa꞉ minomonoyeke niki a꞉pa la kia꞉pa꞉peke lemekeme.

Aposolo 4:27

Ota꞉ leekeme laata꞉ Do daoni tieke pa꞉ta꞉ Hetodi pita꞉ Pontiasi Pailedi yaapoma꞉ make mo Diendaili haliweki pita꞉ Isulai wanda꞉hali ame̱le̱ make paeyaoma꞉ momba꞉laata꞉ naka꞉ yakopiki E Pokaeya꞉ Halita꞉ hande Ketiso haena꞉ lele hali Yesu mea lopaaluekema꞉ tiao haememe.