Luku 21:8 - Panake Pi La: Ula: Buka pita: Kine Pieke Buka

⁸ Yesuma꞉ alota꞉ Ma꞉nda꞉ma꞉ iki makeaama꞉na꞉ wotu handeteke hapa꞉peke. Hali wopuma꞉ ya biki la꞉paleke ipulu alota꞉ I̱ta꞉ ipikie alo hata꞉ hande nate a꞉pa꞉la꞉mee lolo pelemepate ikana꞉ma꞉ iki na ta꞉lia꞉pa꞉peke.

Luku 21:8 ပူးပေါင်းရင်းမြစ်များ

Ma꞉tiu 24:11

Koto mandake dina꞉ koneta꞉ yayapiki pi walaasa꞉ potopede haliweki wopu tiaaso hata꞉ wanda꞉hali wopu makealieke.

Ma꞉tiu 3:2

Mo hande hepenina꞉ Kilu Tombuao Hala꞉ ekita꞉ teke pa꞉ta꞉ ya꞉la꞉ma꞉ ika꞉ hoke haumanu paeyao mina꞉pa꞉lao hoki wala꞉pa꞉peke leekeme.

Ma꞉tiu 4:17

Koto tomona꞉ta꞉ Yesuma꞉ ipika꞉ pi walolota꞉ dupa Koda꞉na꞉ Kilu Tombuao Hala꞉ ekita꞉ teke pa꞉ta꞉ ya꞉la꞉ma꞉ ika꞉ hoke haumanu hoki walaa la꞉ka꞉la꞉pa꞉peke lo hayekeme.

Luku 17:23

Mandane tapakema꞉ iki pa꞉ta꞉ dupa lelimikie. Mo nane handa꞉pe o Doane handa꞉pe laa lolo pelemepate na weiya꞉ mea pua꞉pa꞉peke. Pa ekipeke.

Luku 21:7

Koto leekeeki ikana꞉ma꞉ opua alota꞉ Disao. Do aleeki manuta꞉ handima꞉ ipiliepe. Kutupa ipuluekema꞉ haena꞉ta꞉ eki hau pulu pa꞉la꞉eki handuluma꞉pe laa lota꞉ pimikime.

Luku 21:9

Ikana꞉ma꞉ Tapake ma꞉nda꞉ma꞉ tapake ma꞉nda꞉ yaapo a꞉nda꞉ pita꞉la꞉me o Homeke tapakema꞉ kone a꞉nda꞉ pu alu alu pita꞉la꞉me pi opimika꞉na꞉ta꞉ kota꞉ ikana꞉ma꞉ paala꞉ma꞉ na homu hapa꞉peke. Dupiki haumanu amba꞉la a꞉pa꞉peke ya꞉la꞉pate pa mo hande paetolo nateta꞉ teke pa꞉ta꞉ laa na pita꞉la꞉me.

Dioni 5:43

I̱ta꞉ yaka Apa꞉na꞉ bikina꞉ epolopate ikana꞉ma꞉ I̱ na handa꞉ minelememe. Hali ma꞉nda꞉ ipika꞉ kone epea꞉ka꞉na꞉ta꞉ ikana꞉ma꞉ kutupiki hali handa꞉ milimikie.

Dioni 8:24

Koto peleme ekina꞉ iki pa꞉ta꞉ ika꞉ hoke hau taapuna꞉ hao homilimikie laa loa꞉me. I̱ do halima꞉ alo pi na opimika꞉na꞉ta꞉ ikita꞉ hoke hau taapuna꞉ hao homilimikie leekeme.

Dioni 8:28

Koto ekina꞉ Yesuma꞉ iki pa꞉ta꞉ alota꞉ Ikana꞉ma꞉ wetepena꞉ Wanda꞉halina꞉ Eiyeke mea a꞉meiyaemeka꞉na꞉ta꞉ I̱ do halima꞉ la꞉tiki pua꞉ ekita꞉ ota꞉ ya꞉ka꞉ta꞉me laa koto natena꞉ hone wilimikie. Kutupa make I̱ma꞉ ya kone hau ma꞉nda꞉ na piki hande Apa꞉ma꞉ walea꞉eki homeke pu haowa꞉ ekita꞉ hone wilimikie.

1 Kotindi 6:9

Hande hoke hau pu haleme wanda꞉halima꞉ Koda꞉na꞉ Kilu Tombuao Hala꞉ ekina꞉ pua꞉peke na ya꞉la꞉ ekita꞉ hone na witelemepe. Ika꞉ kone na makeaapa꞉peke. Mo wanda꞉halina꞉ loke hoeyao haleme wanda꞉hali make toopi tima꞉ wepia ula꞉ ale pa꞉ta꞉ panda꞉ puniao haleme wanda꞉hali make tooli ka꞉tao haleme wanda꞉hali make mo wanda꞉ pa꞉ta꞉ pita꞉la꞉eki hali ma꞉nda꞉ pa꞉ta꞉ kone pu haleme haliweki make kutupu haleme wanda꞉weki make

Epesese 5:6

Ma꞉nda꞉ma꞉ hone na wiki pimanu alo hata꞉ iki makeaapa꞉na꞉ wotu handeteke hapa꞉peke. Koda꞉na꞉ pi na opitolo hata꞉ hande hoke haumanu pu haleme wanda꞉hali pa꞉ta꞉ Koda꞉ ipika꞉ mineke panka꞉la꞉eki mo wanda꞉hali pa꞉ta꞉ yapilieke.

2 Desalonaika 2:3

ma꞉nda꞉ma꞉ do aloeki manuma꞉ iki na yola꞉ mina꞉ lapa꞉peke. Mo hande ponka꞉ di pilu ula꞉ nateta꞉ pa hameke na opolo ipilieke. Mo nate epolo pa꞉la꞉ di teke pa꞉ta꞉ ya꞉ka꞉na꞉ta꞉ Koda꞉na꞉ pi na opiki a꞉nda꞉ lita꞉la꞉eki amba꞉la opolo ipilieke. Kutupa make mo wanda꞉hali hoeyaalo pa꞉la꞉ hoke halita꞉ wetepe ti to hala꞉ alena꞉ pena꞉ titina꞉ amba꞉la peneme yaalo ipilieke.

2 Timodi 3:13

Hoke hau pu hala꞉ haliweki make yayapiki hau pita꞉la꞉ haliweki make ika꞉ ika꞉ kone makea alu alu pitolo hata꞉ ika꞉ hoke hau manuta꞉ ota꞉ mea daeyalimikie.

1 Dioni 4:1

Yaka pukipiki ta꞉ma꞉ni sunuo. Mo Koda꞉na꞉ Sipitidi moloma꞉me aleme wanda꞉hali paeyao pa꞉ta꞉ hone na tulaake pa ika꞉ ekita꞉ Koda꞉ pa꞉ta꞉ yama꞉ a꞉pa꞉la꞉pe laa amba꞉la handaa handa꞉pa꞉peke. Pa ekipeke mo makeaaso potopede hali paeyaota꞉ mo kenke honiki paeyao pa꞉ta꞉ pelemeke loa꞉me.

2 Dioni 1:7

Mo Yesu Ketisota꞉ ota꞉ kenke hali epeekeme laa hone na wilimi makeaaso hali wopu do kenke honiki honiki pominelememe. Kutupiki some a꞉nda꞉ta꞉ makeaaso hali make Ketisona꞉ a꞉nda꞉ tunkuliki halie.

Peneme Yaeyekeeki 1:3

Ma꞉nda꞉ epima꞉ do buka pa꞉ta꞉ la꞉ ula꞉ ekimanu ipula꞉ ekita꞉ Koda꞉ma꞉ ota꞉ epeaasa꞉me. Kutupa make epi amedama꞉ do la꞉ ula꞉ pimanu opitolo hata꞉ ika꞉ puki tukiki nane mendimika꞉na꞉ta꞉ ikita꞉ Koda꞉ma꞉ ota꞉ epeaasa꞉me. Pa ekipeke do haumanu pulu pa꞉la꞉ nateta꞉ teke pa꞉ta꞉ ya꞉leke loa꞉me.

Peneme Yaeyekeeki 12:9

Mo popake itiki hake si tieke hombeleketa꞉ tolu lopaeya꞉me. Ipikita꞉ mo hande amba꞉ kiake hayeke keto biki Sadani la꞉la꞉ alee. Ipikana꞉ma꞉ta꞉ mo kenke wanda꞉hali paeyao makeaeyeke halie. Ipikita꞉ ipika꞉ enisolo titi ame̱le̱ oni kenkena꞉ tolu lopaeya꞉me.