Luku 21:16 - Panake Pi La: Ula: Buka pita: Kine Pieke Buka

¹⁶ Ika꞉ apa꞉ ama꞉ma꞉ make ika꞉ kame tonuma꞉ make ika꞉ tapake tonuma꞉ make ika꞉ yankeke tonuma꞉ make iki hala꞉ moneaya꞉ka꞉na꞉ta꞉ mandaneta꞉ ota꞉ homomena꞉ limikie.

Luku 21:16 ပူးပေါင်းရင်းမြစ်များ

Ma꞉tiu 10:21

Haliwekima꞉ ika꞉ hamekemanu kone lia homaena꞉ mea halimikie. Ateke tonuma꞉ ika꞉ weki wandiki pa꞉ta꞉ make homeke hau kone pina꞉ lelimikie. Mo wekiwandikima꞉ make paa ateke inkiki pa꞉ta꞉ la꞉ka꞉la꞉ moneao a꞉nda꞉ litolo hata꞉ mo ateke inkiki ma꞉nda꞉ma꞉ lia homaena꞉ halimikie.

Maka 13:12

Kutupa hameke ma꞉nda꞉ma꞉ ipika꞉ kamesiki ota꞉ homena꞉ lelieke. Atekema꞉ make ipika꞉ weki kone ota꞉ homena꞉ laata꞉ weki wandiki tonuma꞉ make tiaota꞉ ika꞉ ateke inkiki yaapo ota꞉ homena꞉ lelimikie leekeme.

Luku 12:53

Ateke tonuma꞉ta꞉ pa eiyeke ame̱le̱ a꞉nda꞉ lualu peaata꞉ eiyeke tonuma꞉ta꞉ ateke tonu ame̱le̱ a꞉nda꞉ lualu pilimikie. Inkiki tonuma꞉ta꞉ waneke tonu ame̱le̱ a꞉nda꞉ lualu peaata꞉ waneke tonuma꞉ta꞉ inkiki tonu ame̱le̱ a꞉nda꞉ lualu pilimikie. Halikina꞉ inkiki tonuma꞉ta꞉ ika꞉ aeya꞉ tonu ame̱le̱ a꞉nda꞉ lualu peaata꞉ mo aeyeke tonuma꞉ta꞉ ika꞉ halikina꞉ inkiki tonu ame̱le̱ a꞉nda꞉ lualu pilimikie leekeme.

Luku 21:15

Pa ekipeke I̱ma꞉ iki pa꞉ta꞉ kutupiki pimanu make epeke hone make kua꞉ka꞉na꞉ta꞉ ika꞉ a꞉nda꞉ tunkuliki haliweki homeke a꞉nda꞉ma꞉ make na tumbalimikie. Kutupa ika꞉ pi na yoko baalimikie.

Luku 21:17

Yaka biki melemeke handaa wanda꞉hali paeyaoma꞉ iki ota꞉ kiaalimikie.

Aposolo 12:2

Ipikana꞉ma꞉ Dionina꞉ hameke Dia꞉mesita꞉ kepete hokuluma꞉ liekeme.

Aposolo 7:59

kutupa toopima꞉ litolo haena꞉ Sidipenima꞉ yeni pitolo alota꞉ Tekehali Yesuo. Yaka temoko nakana꞉ma꞉ handa꞉ mie leekeme.

Peneme Yaeyekeeki 12:11

Ipikita꞉ nika꞉ kame tonuma꞉ mo Sipisipi Ma꞉na꞉ Ikikina꞉ wema꞉ make mo ota꞉ ekie laa waleme ekima꞉ make bepolaya꞉me. Kutupa make ikana꞉ma꞉ ika꞉ da꞉ta꞉la꞉ ekita꞉ pina꞉ pa hoeyao homa꞉la꞉ ekita꞉ pa pulumeke laa lememe.

Peneme Yaeyekeeki 2:13

Ika꞉ haleme pa꞉ta꞉ta꞉ I̱ma꞉ hone ulume. Mo Sadanima꞉ ipika꞉ kilu tombuao hala꞉eki ula꞉ alena꞉e. Ikita꞉ I̱ pa꞉ta꞉ ota꞉ hau pu halememe. Kutupa mo Sadani hala꞉ alena꞉ yaka hande hone tulao hao hata꞉ e pokawao haya꞉ hali A꞉ntipa꞉si lu homaeya꞉ nate nina꞉ kone I̱ pa꞉ta꞉ hone tulao halemeeki hoki na walememe.

Peneme Yaeyekeeki 6:9

Kutupa mo Sipisipi Ma꞉na꞉ Ikikima꞉ yunki peao tonkaake ale ka꞉la꞉pea꞉ ale pa꞉ta꞉ta꞉ mo hande amba꞉ Koda꞉na꞉ pi walaaso hata꞉ kima꞉ na homeke walaemeke handa limiki haliwekina꞉ temokomanu mo oloda oto pa꞉ta꞉ wieke handoa꞉me.