Luku 20:23 - Panake Pi La: Ula: Buka pita: Kine Pieke Buka

²³ Koto lemekepate Yesuma꞉ ika꞉ makeaaso pimikieki amba꞉ handaata꞉ mo haliweki pa꞉ta꞉ alota꞉

Luku 20:23 ပူးပေါင်းရင်းမြစ်များ

Ma꞉tiu 16:1

Mo Pa꞉tisi haliweki make Sa꞉dusi haliweki tonka꞉na꞉ Yesu pa꞉ta꞉ a꞉pa ipika꞉ anke yololo alota꞉ Koda꞉ma꞉ neke pa꞉ta꞉ do wele a꞉nda꞉ ku haya꞉ka꞉na꞉ta꞉ kota꞉ nikana꞉ma꞉ handomono mo welema꞉ na handeke hau ma꞉nda꞉ pie lemekeme.

Ma꞉tiu 22:18

Koto lemeketa꞉ Yesuma꞉ ika꞉ kekeke hake hone pambao wimikieki handolo hata꞉ alota꞉ Ikita꞉ hoke makeaasa꞉ haliwekie. Ya anketa꞉ ekipeke yola꞉ lemepe laa la alota꞉

Luku 20:20

Koto ekina꞉ yeketa꞉ ikana꞉ma꞉ pota꞉ ma꞉nda꞉ weitolo hata꞉ mandane haliwekima꞉ lota꞉ pita꞉la꞉eki manuma꞉ Yesu tamena꞉yeke ma꞉na꞉ yapa꞉ pimikime. Mo haliweki pa꞉ta꞉ alota꞉ Makeaaso hata꞉ kone ikana꞉ma꞉ homu piki pimanu alememe hone wina꞉ lota꞉ pulu pupe lemekeme. Ika꞉ hone tukiki pa꞉ta꞉ta꞉ Koto lota꞉ pilimi ekima꞉ pa makeaaso hata꞉ Yesuna꞉ kiki tondoliki honda꞉ lia mo Loma꞉na꞉ Kapomani You halina꞉ kiki nane hala꞉ monealumeke laa honema꞉ pimikime.

Luku 20:22

Niki la kie. Mo Kapomani tieke Sisa pa꞉ta꞉ dakisi mani hala꞉la꞉ ekita꞉ a꞉pa꞉la꞉pe o hoela꞉pe. Halomonope o na halomonope lemekeme.

Luku 20:24

Mo toopi kiliki homeke ma꞉nda꞉ i̱ pa꞉ta꞉ wala꞉pe. Do a̱o̱a̱o̱ pita꞉ biki yaapota꞉ epina꞉eki ya꞉ka꞉ta꞉pe laa lota꞉ piekeme. Ikana꞉ma꞉ alota꞉ Mo Sisana꞉ ekie lemekeme.

Luku 5:22

Kutupa mo haliwekima꞉ hone wimiki ekita꞉ Yesuma꞉ amba꞉ hone wia iki pa꞉ta꞉ alota꞉ Ekipeke ikana꞉ma꞉ ika꞉ hone pa꞉ta꞉ do honemanu witelemepe laa lota꞉ pitolo alota꞉

Luku 6:8

Kutu pimikipate Yesuma꞉ta꞉ mo haliwekina꞉ hone wimikieki amba꞉ handa꞉ wiaata꞉ mo kiki hapueke endiki hali pa꞉ta꞉ alota꞉ Tiao. Do wanda꞉halina꞉ leke popeleke nane epoe leekeme. Mo halita꞉ tiao mo wanda꞉halina꞉ leke popeleke nane tiao halo yapeekeme.

Aposolo 13:10

Neketa꞉ Sadanina꞉ halie. Epeke alemanu paeyao pa꞉ta꞉ a꞉nda꞉ lu halemee. Mo hoke hoke yayapiki haumanu pita꞉la꞉eki neke pa꞉ta꞉ tumba pila꞉me laata꞉ Tekehalina꞉ ota꞉ pimanu kone nakana꞉ma꞉ta꞉ yayapiki pimanu laa la꞉ka꞉laluekema꞉ taapo haleme.

1 Kotindi 10:9

Ikana꞉ma꞉ ika꞉ hoke hau manuma꞉ Koda꞉ma꞉ pia꞉ handeeke tupa꞉ nikana꞉ma꞉ mo Tekehali pa꞉ta꞉ hoke hone u tiaaluekema꞉ hone na umana꞉ pea꞉pa꞉peke. Mo hande mandane kutupiki hau pimiki wanda꞉halita꞉ mo hoke ketoma꞉ aweeke ekima꞉ homemekeme.

1 Kotindi 3:19

I̱ma꞉ do alo pita꞉ do ekina꞉yeke loa꞉me. Kenke haliwekina꞉ hone wopu witelemeeki manuta꞉ Koda꞉ma꞉ handaata꞉ hone na wiki pa ekie laa lelieke. Mo Baibolona꞉ wape pa꞉la꞉eki dupa. Koda꞉ma꞉ mo kenkena꞉ hone wotu witeleme haliwekita꞉ ika꞉ hone wotu witelemeeki manuma꞉ta꞉ iki kone hona꞉ meao tamina꞉ lelieke laa la꞉la꞉me.

Epesese 4:14

Koto tupa꞉ haoma꞉ka꞉na꞉ta꞉ nikita꞉ weki wandikisunu leke na halumeke. Hande poma꞉ dawala mea pominolo pita꞉la꞉ tupa꞉ mandane yayapiki pi aleme haliwekima꞉ ika꞉ ta꞉ta꞉ piki pi make ika꞉ hone wia makeaaseme ekimanu make wanda꞉hali walolo hata꞉ hao hoeyaena꞉ alememe.

Hibulu 4:13

Koda꞉ma꞉ na handena꞉ yeke ala꞉ta꞉ ma꞉nda꞉ a꞉mbao panka꞉ wia꞉peke na ya꞉la꞉me. Dia꞉me. Koda꞉ma꞉ handa꞉leketa꞉ ipika꞉ leke popelekena꞉ta꞉ mo wepia ula꞉ ala꞉ta꞉ ala꞉ta꞉ paeyao ota꞉ peneme yao lumbupa ula꞉me. Kutupa niki paeyaoma꞉ nika꞉ puma꞉ hau manuta꞉ ipiki pa꞉ta꞉ ota꞉ peneme yaalumeke.