Luku 20:22 - Panake Pi La: Ula: Buka pita: Kine Pieke Buka

²² Niki la kie. Mo Kapomani tieke Sisa pa꞉ta꞉ dakisi mani hala꞉la꞉ ekita꞉ a꞉pa꞉la꞉pe o hoela꞉pe. Halomonope o na halomonope lemekeme.

Luku 20:22 ပူးပေါင်းရင်းမြစ်များ

Ma꞉tiu 17:25

Pidama꞉ hombo peaaso alota꞉ Aowe. Lopao hala꞉me leekeme. Koto hoki naneta꞉ Pidama꞉ da pa꞉ta꞉ honda꞉ pambolo haena꞉ Yesuma꞉ ipiki pa꞉ta꞉ pi amba꞉la alo alota꞉ Saimonoo naka꞉ honema꞉ta꞉ eki hone wilipe laata꞉ Do kenkena꞉ handeteke haleme Kini haliwekima꞉ epi ameda pa꞉ta꞉ dakisi mani mea꞉tiki pu halimipe. Ika꞉ tapake pa꞉ta꞉ kone mea꞉tiki pilimikipe o tapake ma꞉nda꞉ ma꞉nda꞉ pa꞉ta꞉ mea꞉tiki pilimikipe.

Luku 20:21

Koto hambemeke ma꞉na꞉ ikiki haliwekima꞉ pua lota꞉ pitolo alota꞉ Wala꞉la꞉ Halio. Nikana꞉ma꞉ta꞉ nakana꞉ma꞉ lo hale pi make walo hale pi make ota꞉ pi lo haleme hone witoloma꞉me. Kutupa nakana꞉ma꞉ mo biki ula꞉ wanda꞉hali pa꞉ta꞉ hone ma꞉nda꞉ na u hake iki paeyao pa꞉ta꞉ mandake hau piki wanda꞉halie laata꞉ Koda꞉na꞉ ota꞉ hau pita꞉la꞉ pi homeke walo haleme laa alota꞉

Luku 20:23

Koto lemekepate Yesuma꞉ ika꞉ makeaaso pimikieki amba꞉ handaata꞉ mo haliweki pa꞉ta꞉ alota꞉

Luku 23:2

ipiki ma̱leke litolo alota꞉ Nikana꞉ma꞉ta꞉ do halita꞉ nika꞉ wanda꞉hali hatuku pu hoeyaaso hata꞉ mo wanda꞉hali pa꞉ta꞉ mo Sisana꞉ dakisi mani na hala꞉pa꞉pe laata꞉ ipikita꞉ ipika꞉ kone Ketiso laa Kini hali halome la ala꞉me lemekeme.

Aposolo 5:37

Kotoeki pieke hoki naneta꞉ mo Ka꞉lili nane hao epeeke hali Diudasita꞉ kapomanima꞉ wanda꞉halina꞉ biki minolo haena꞉ Diudasi ipiki tiaeyekeme. Ipikana꞉ma꞉ make haliweki wopu yola꞉ mea hatuku peekepate pa koto hali make lieke handa ipiki ame̱le̱ ta̱lemeke haliweki make ta꞉ta꞉ ta꞉ta꞉ pea tankulupu alu alu pimikime.

Loma꞉ 13:7

Koto ekina꞉ mo haliweki pa꞉ta꞉ halo peleme ekita꞉ ota꞉ hala꞉pa꞉peke. Dakisi mani ta꞉ta꞉ ta꞉ta꞉ piki ekimanu ma꞉nda꞉ ma꞉nda꞉ lo hala꞉pa꞉peke. Kutupa mo haliweki pa꞉ta꞉ homu pea hata꞉ ika꞉ pi make opua꞉pa꞉peke.