Luku 20:10 - Panake Pi La: Ula: Buka pita: Kine Pieke Buka

¹⁰ Wetepena꞉ mo waini kiliki talemeke nate opolo epeeketa꞉ mo hande haliwekima꞉ ipika꞉ putu piliki wiaemekeeki meaena꞉yeke ipika꞉ e pokaeyeke hali ma꞉nda꞉ tapaeyekeme. Kutu piekepate hande halita꞉ mo haliwekima꞉ yombua bao ala꞉ta꞉ ma꞉nda꞉ siki make na haleke pa tapaemekeme.

Luku 20:10 ပူးပေါင်းရင်းမြစ်များ

Luku 13:34

Diutuseleme Diutuselemeo. A꞉ta꞉ tiekee. Nakana꞉ma꞉ta꞉ mo potopede haliwekita꞉ liki hau ombu peaata꞉ toopima꞉ lu homao haleme. I̱ma꞉ta꞉ ikita꞉ mo hande wanda꞉ koka꞉la꞉ma꞉ ipika꞉ ikiki sunu ipika꞉ popake itiki oto pa꞉ta꞉ mea momba꞉lao hala꞉ tupa꞉ I̱ma꞉ make koto tupa꞉ kone naka꞉ wekiwandiki ya kikima꞉ hapisa꞉ pu halopate nakana꞉ma꞉ kiao haleme.

Luku 20:11

Kutu pimiki handaata꞉ paa ipika꞉ e pokaeyeke hali ma꞉nda꞉ tapaeyekeme. Kutu piekepate mo haliwekima꞉ta꞉ mo halita꞉ yaala꞉ meao yombua bao ombu ala꞉ta꞉ ma꞉nda꞉ make na haleke pa tapaemekeme.

Luku 20:9

Kutupa Yesuma꞉ mo wanda꞉hali pa꞉ta꞉ onkoluma꞉ pi ma꞉nda꞉ la halolo alota꞉ Hali homeke ma꞉nda꞉ ipikita꞉ waini pu e pokaata꞉ mo eta꞉ mandane haliwekima꞉ handeteke haena꞉ta꞉ yenki mulu pimiki ekita꞉ hosikima꞉ putupa ipiki pa꞉ta꞉ hala꞉tiki pina꞉yeke halaata꞉ nate hokuluna꞉ papate peekeme.

Dioni 15:16

I̱ta꞉ ikana꞉ma꞉ na mea haena꞉ lelemepate pa ikita꞉ I̱ma꞉ talopu meaata꞉ ikita꞉ pua hande u halo pa꞉la꞉ napeke a꞉eyamina꞉yeke mea haena꞉ lolome. Koto ekina꞉ ikana꞉ma꞉ yaka Apa꞉ pa꞉ta꞉ ala꞉ta꞉ ma꞉nda꞉ yaka biki alo hata꞉ honke lemeka꞉na꞉ta꞉ ipikana꞉ma꞉ iki pa꞉ta꞉ ota꞉ kilieke.

Loma꞉ 7:4

Ya kame tonuo. Koto tupa꞉ iki pa꞉ta꞉ make ula꞉me. Ikita꞉ Ketiso ipika꞉ loke kone haleme ekina꞉ hande Lo Pimanu pa꞉ta꞉ ikita꞉ homolo hata꞉ pa ameta꞉ mo Koda꞉ma꞉ paa mea tiaeyeke halina꞉eki halememe. Koto ekita꞉ nikana꞉ma꞉ Koda꞉na꞉ epeke haumanu pu hamonoyeke pa꞉la꞉me.