Luku 2:47 - Panake Pi La: Ula: Buka pita: Kine Pieke Buka

⁴⁷ Yesuma꞉ta꞉ tandapiki hombo peatiki pieke ekina꞉ mo ipika꞉ pi opimiki wanda꞉hali paeyaota꞉ penkilipa꞉tia pomimikime.

Luku 2:47 ပူးပေါင်းရင်းမြစ်များ

Ma꞉tiu 13:54

ipika꞉ teke da nane paa peekeme. Ipikana꞉ma꞉ ika꞉ pi hotu haemeke da pa꞉ta꞉ pi waleekeeki opitolota꞉ wanda꞉hali wopuma꞉ penkili pimikime. Do somema꞉ dupiki mana꞉ pi manuta꞉ hando pa꞉ta꞉ opia꞉pe laa lota꞉ pualu alu pitolo alota꞉ Mo hande ipika꞉ pieke na handeke hau manuna꞉ teketa꞉ ekipape laata꞉

Ma꞉tiu 22:33

Mo mombelemeke wanda꞉halima꞉ koto leeke pi opitolota꞉ mo pina꞉ paala꞉ pieke penkili polo hata꞉ leke opo handa꞉ hake wimikime.

Ma꞉tiu 7:28

Yesuma꞉ do koto pimanu walo paeyaeyeketa꞉ mo hande mombelemeke wanda꞉hali paeyaoma꞉ta꞉ leke opo handaake wimikime.

Maka 1:22

Kutupa wanda꞉halima꞉ta꞉ Yesuma꞉ waleeke pi opuaata꞉ leke opo handake wimikime. Wape pea wala꞉tiki pu haemeke haliwekima꞉ walo haemeke tupa꞉ na waleke ipikana꞉ma꞉ biki ula꞉ halima꞉ wala꞉la꞉ tupa꞉ waleeke handa pimikime.

Maka 11:18

Wanda꞉hali wopuma꞉ Yesuna꞉ waleeke pimanu opuaata꞉ penkili pimiki handaata꞉ mo yeni peao haemeke you haliwekima꞉ make mo wape pea wala꞉tiki pu haemeke haliwekima꞉ make Yesu pa꞉ta꞉ paala꞉ma꞉ homolo hata꞉ ipiki lu alu palo pimiki pota꞉ weimikime.

Maka 6:2

Kutupa mo Hoto Pila꞉ Natena꞉ Diu haliwekina꞉ pi hotu haemeke da tukiki pa꞉ta꞉ honda꞉ pamba puaata꞉ pi waleekeme. Mo yeni pu haemeke da pa꞉ta꞉ pitimiki wanda꞉hali wopuma꞉ opua penkilipa꞉tia pominolo hata꞉ alota꞉ Do wala꞉la꞉eki paeyaota꞉ ipikana꞉ma꞉ hando pa꞉ta꞉ opua pa꞉la꞉pe. Do halima꞉ ipikana꞉ma꞉ epeke honemanu ekipa handa꞉ wia mea pa꞉la꞉pe laa ipikana꞉ma꞉ wele pita꞉la꞉ ekimanu do aleke welema꞉ pita꞉la꞉pe.

Luku 2:18

Kota꞉ koto haliwekima꞉ la halemeke ekimanu opimiki wanda꞉hali paeyaoma꞉ta꞉ penkilipa꞉tia pomimikime.

Luku 2:46

Nate tepo peaota꞉ oli yeni pu haemeke da pa꞉ta꞉ Yesu pitiekeeki handa꞉ wipikime. Yesuta꞉ mo Diu wanda꞉halina꞉ pi walo hayeke haliweki ame̱le̱ pita꞉ ika꞉ pi opitolo hata꞉ make lota꞉ pita꞉la꞉ ekimanu pitolo pitimikime

Luku 4:22

Ipika꞉ leeke pi manuma꞉ tende pieke handaa iki paeyao siki leke opa penkiliputia pominolo hata꞉ make haleke lomba mo ikana꞉ma꞉ ipikina꞉ do pi lemekeme. Ipikita꞉ Diosepena꞉ eiyeke dia꞉yekea laa ika꞉ ika꞉ kone lota꞉ pu alu alu pimikime.

Luku 4:32

Mo wanda꞉halima꞉ta꞉ Yesuma꞉ waleekeeki opuaata꞉ leke opo handake wimikime. Pa ekipeke. Ipikana꞉ma꞉ biki ula꞉ halima꞉ wala꞉la꞉ tupa꞉ waleeke handaa pimikime.

Dioni 7:15

Mo Diu haliwekima꞉ penkilipitolo hata꞉ alota꞉ Do halita꞉ sukulu na piki halima꞉ kone wopu handa ula꞉ ekita꞉ ekipa pa꞉la꞉pe lemekeme.

Dioni 7:46

Mo tembolo da handeteke haemeke haliwekima꞉ ika꞉ pi hombo peaaso alota꞉ Amba꞉ hata꞉ make do halima꞉ ala꞉ tupa꞉ ma꞉nda꞉ma꞉ dupiki pi na leekeme.