Luku 2:39 - Panake Pi La: Ula: Buka pita: Kine Pieke Buka

³⁹ Mo Tekehalina꞉ pi ula꞉ ekima꞉ pea꞉pa꞉peke la꞉la꞉ hau paeyao pu paeyaepeketa꞉ mo Ka꞉lili nane ota꞉ ipilika꞉ haepeke da Na꞉sa꞉tete nane paa pepekeme.

Luku 2:39 ပူးပေါင်းရင်းမြစ်များ

Ma꞉tiu 3:15

Koto leekepate Yesuma꞉ ipika꞉ pi hombo peaaso hata꞉ alota꞉ Pina꞉ma꞉ hone ma꞉nda꞉ na wiki. Do pulu polopa꞉ hauta꞉ Koda꞉na꞉ hone pa꞉la꞉ hauna꞉ pitolo pitolopa꞉me. Koto leekeeki Dionima꞉ opuaata꞉ A꞉pa꞉la꞉me bapitaisi peanoe leekeme.

Luku 1:26

Kutupa Elisa꞉bedima꞉ weki loke lomba haena꞉ sumba꞉ yunki mindiki a꞉pa opeeke dina꞉ta꞉ Koda꞉ma꞉ hande enisolo Keipitele mo Ka꞉lili nane hayeke da Na꞉sa꞉tete da pa꞉ta꞉ tapaeyekeme.

Luku 1:6

Mo wanda꞉ hali yaapota꞉ Koda꞉na꞉ leke popelekena꞉ tikitiki yao hata꞉ ipika꞉ pi ula꞉ ekimanu paeyao opu haepekeme.

Luku 2:4

Hali ma꞉nda꞉ Diosepeta꞉ mo Ka꞉lili nane hayeke da Na꞉sa꞉tete da mina꞉pa꞉laota꞉ mo Diudia nane hayeke da Beteleha꞉ma꞉ da pa꞉ta꞉ peekeme. Koto data꞉ hande kini hali Deipidi mendieke dae. Diosepeta꞉ Deipidina꞉ tapake hali hayekeeki yaalo koto da pa꞉ta꞉ peekeme.

Luku 2:51

Kutupata꞉ Yesuta꞉ ipika꞉ apa꞉ ama꞉ yaapona꞉ pi opua Na꞉sa꞉tete nane mandakena꞉ pemekeme. Kutupa ipika꞉ apa꞉ ama꞉ yaapona꞉ pi nate paeyao opua homu pea hayekeme. Kutu piekepate ipika꞉ ama꞉ma꞉ta꞉ mo hande lemeke pimanu paeyaota꞉ hone na yonka꞉lake hone pa wia hayekeme.

Luku 4:16

Kutupa Yesu ipika꞉ daeyeke da Na꞉sa꞉tete da pa꞉ta꞉ pua ipika꞉ pu hayeke tupa꞉ Diu wanda꞉halina꞉ hoto pitu haemeke natena꞉ Koda꞉na꞉ pi hotu haemeke da pa꞉ta꞉ peekeme. Kutupa ipikana꞉ma꞉ mo Baibolo buka yata꞉puluekema꞉ yeke tiao hayekeme.

Luku 4:23

Koto lemeke handaa Yesuma꞉ mo wanda꞉hali pa꞉ta꞉ alota꞉ Ota꞉ loa꞉me laa Ikana꞉ma꞉ I̱ pa꞉ta꞉ make mo wanda꞉halima꞉ amba꞉ loma꞉ loma꞉ pa꞉la꞉me pi siki ma꞉nda꞉ dupa lelimikie. Dokeda halio. Naka꞉ yenita꞉ naka꞉ kone mea epeapeke lelimikie. Kutupa pi ma꞉nda꞉ make I̱ pa꞉ta꞉ dupa lelimikie. Hau ma꞉nda꞉ ma꞉nda꞉ mo Kapeneami teke da nane hata꞉ pi hande hau manuta꞉ nikana꞉ma꞉ amba꞉ opuma꞉me. Kota꞉ do naka꞉ ota꞉ teke da pa꞉ta꞉ make kutupiki homeke haumanu kone pie laa lelimikie laata꞉