Luku 2:36 - Panake Pi La: Ula: Buka pita: Kine Pieke Buka

³⁶ Mo A꞉sea tapake hali Pa꞉nuele ipika꞉ waneke A꞉na꞉ma꞉ta꞉ Koda꞉na꞉ pi la꞉mea halo hayeke wanda꞉ hayekeme. Ipika꞉ haliki yaapota꞉ bapi watake hata꞉ hao haliki homeekeme.

Luku 2:36 ပူးပေါင်းရင်းမြစ်များ

Kini Pieke 30:13

Liama꞉ alota꞉ I̱ta꞉ ta꞉na꞉ tieke wopu pa꞉la꞉me. Ameta꞉ wanda꞉wekima꞉ I̱ta꞉ ta꞉na꞉ma꞉ homa꞉la꞉ wanda꞉e lelimikie laa ipika꞉ bikita꞉ A꞉sia leekeme.

Luku 2:35

ika꞉ hone a꞉mbao wita꞉la꞉ ekimanu peneme yao lelimikie. Kutupa ka꞉nda꞉ pikieki ma꞉nda꞉ make kepete ne haake ekima꞉ leke naka꞉ puki awilieke laa leekeme.

Luku 2:38

Mo wanda꞉ta꞉ koto pita꞉ kone ipikana꞉ma꞉ koto pa꞉ta꞉ opolo puata꞉ mo weki handaata꞉ Koda꞉ pa꞉ta꞉ keiyae pi laata꞉ Koda꞉ma꞉ mo Diutuseleme wanda꞉hali da꞉taena꞉yeke handeteke haemeke wanda꞉hali paeyaoma꞉ opina꞉ mo wekina꞉ pi wotu leekeme.

Aposolo 2:18

Aowe. Koto nate manuna꞉ I̱ma꞉ yaka Holi Sipitidi hale hale pua꞉ka꞉na꞉ta꞉ yaka e pokao haleme wanda꞉halima꞉ kone yaka pi la꞉ mea hala꞉tiki pilimikie.

Aposolo 21:9

Kutupa ipika꞉ wandiki tonkoputa꞉ Koda꞉na꞉ pi la꞉ u haemeke potopede wandikitonu haemekeme.

1 Kotindi 11:5

Kutupa make wanda꞉ homeke a꞉nda꞉ma꞉ wanda꞉hali ame̱le̱ hata꞉ ipika꞉ you aka꞉ na dopuaake pi wala o yeni pia꞉ka꞉na꞉ta꞉ kota꞉ ipika꞉ haliki pa꞉ta꞉ yaala꞉ma꞉ homaasa꞉me. Kutu piki wanda꞉ta꞉ mo you itiki makole mea bao hala꞉ wanda꞉ma꞉ handa꞉la꞉me.

1 Kotindi 12:1

Ya kametitio. Ya hone pa꞉la꞉ ekita꞉ ikana꞉ma꞉ mo hande Holi Sipitidima꞉ ota꞉ kita꞉la꞉eki manuna꞉ hone eleke eleke na uemena꞉ hone witolome.

1 Timodi 3:2

Ketiso wanda꞉hali hatuku pula꞉ halita꞉ eki a꞉nda꞉ na piki hali yelieke. Ipikita꞉ wanda꞉ homeke ma꞉la꞉ halie. Ipikita꞉ hone wotu lenkene pea ula꞉ halie. Ipika꞉ lokena꞉ handeteke hata꞉ e na kapa꞉lake epeke tupa꞉ pita꞉la꞉ halie. Mo na handeke wanda꞉hali make ipika꞉ da pa꞉ta꞉ mea peliaasa꞉ hali yelieke. Ipikita꞉ pi epeke tupa꞉ wala꞉la꞉ halie.

1 Timodi 5:9

Mo kosa꞉piki wanda꞉wekina꞉ biki ula꞉ wapena꞉ta꞉ dupiki wanda꞉na꞉ biki homeke wia꞉peke. Wanda꞉ ma꞉nda꞉ ipika꞉ bapi hali tieke tepo paeya꞉ka꞉na꞉ make ipikita꞉ hali homekena꞉ da peeke wanda꞉ make