Luku 2:14 - Panake Pi La: Ula: Buka pita: Kine Pieke Buka

¹⁴ Oli ya manda hala꞉ Koda꞉na꞉ pi lapa꞉peke. Ipikana꞉ma꞉ ta꞉na꞉ma꞉ homolo hata꞉ kenkena꞉ haleme haliwekina꞉ puki lopaala꞉me laa lemekeme.

Luku 2:14 ပူးပေါင်းရင်းမြစ်များ

Ma꞉tiu 21:9

Kutupa mo Yesu hatuku pulu hata꞉ titina꞉ hao wetepe hao pimiki wanda꞉hali paeyaoma꞉ wi aneke hapu kini pea la꞉ alu alu pitolo hata꞉ alota꞉ Hosa꞉na꞉e. Deipidina꞉ eiyeke pa꞉ta꞉ ta꞉na꞉e laata꞉ Mo Tekehalina꞉ bikina꞉ ipula꞉ halita꞉ Koda꞉ma꞉ ta꞉na꞉ma꞉ homena꞉e. Koda꞉na꞉ biki mea a꞉meiyamana꞉e laa la꞉tia pemekeme.

Luku 1:79

Kutupata꞉ mo homa꞉la꞉ ekina꞉ paala꞉ma꞉ homolo hata꞉ timba꞉ la꞉pa pa꞉la꞉ ekina꞉ tu̱ pa꞉ta꞉ haleme wanda꞉hali pa꞉ta꞉ make Koda꞉ma꞉ oli ya nane hata꞉ pa̱a̱ peanialieke. Nikita꞉ mo puki lopa꞉niao pula꞉ pota꞉na꞉ pomonoyeke ipikana꞉ma꞉ nika꞉ pota꞉ walolo hata꞉ do haumanu pilieke laa leekeme.

Luku 19:38

Mo wanda꞉halima꞉ la꞉tia pulu alota꞉ Mo Tekehalina꞉ bikina꞉ ipula꞉ kini halita꞉ Koda꞉ma꞉ epeaena꞉e. Hepeni nane haleme tapakema꞉ a꞉nda꞉ peliaaso hata꞉ Koda꞉na꞉ biki tieke miniliaena꞉e la꞉tia pemekeme.

Luku 2:13

Koto kone oli hepeni nane haemeke enisolo titi wopuma꞉ mo hande enisolo homeke ame̱le̱ apa꞉tao a꞉pa pambo hata꞉ Koda꞉na꞉ pi laaso hata꞉ alota꞉

Luku 2:15

Mo hande enisolo tapake pa la꞉ka꞉la ya nane pemeke hoki nane mo ma꞉na꞉ handeteke haemeke haliwekima꞉ pi hotiolo hata꞉ alota꞉ Mo Tekehalima꞉ niki pa꞉ta꞉ la kia꞉ ekita꞉ oni Beteleha꞉ma꞉ da nane pa꞉la꞉eki handomana꞉ bape lemekeme.

Luku 3:22

mo Holi Sipitidita꞉ ba melipuma꞉ handekeeki hola꞉pa꞉niao Yesuna꞉ lokena꞉ a꞉pa holopeekeme. Kutaa oli ya nanema꞉ pi ho̱la̱꞉make homekema꞉ pi alo alota꞉ Neketa꞉ ota꞉ yaka puki piki wekie. Yaka pukima꞉ neke pa꞉ta꞉ ta꞉na꞉ma꞉ wotu homolome leekeme.

Dioni 14:27

I̱ma꞉ iki mina꞉pa꞉lao pulupate puki lopa꞉niaasa꞉ ekita꞉ iki pa꞉ta꞉ pa wina꞉ laa pulume. Yaka puki lopa꞉niaasa꞉eki kone iki pa꞉ta꞉ kitolome. Kutupa mo kenke wanda꞉halima꞉ iki pa꞉ta꞉ kita꞉la꞉ tupa꞉ pa na kitolome. Koto ekina꞉ hone eleke eleke na wiki paala꞉ma꞉ na homa꞉pa꞉peke laa leekeme.

Dioni 17:4

Neke tieke haleeki do kenkena꞉ hata꞉ walaata꞉ kutupa nakana꞉ma꞉ wale e make poko paeyaowa꞉me.

Dioni 3:16

Do ekina꞉yeke loa꞉me. Koda꞉ma꞉ kenke wanda꞉hali pa꞉ta꞉ pukima꞉ wotu homolo hata꞉ ipika꞉ Weki homeke kone kiekeme. Kutupa hali epima꞉ ipika꞉ Weki pa꞉ta꞉ hone tulao haya꞉ka꞉na꞉ta꞉ kota꞉ koto hali na homeke deto hala꞉eki mina꞉yeke kiekeme.

Aposolo 10:36

Ikana꞉ma꞉ do ekita꞉ amba꞉ ta handeleme handa꞉e. Koda꞉ma꞉ mo Isulai wanda꞉hali pa꞉ta꞉ pi tapaeyekeeki loa꞉me. Ipikana꞉ma꞉ mo a꞉nda꞉ peliaasa꞉ Pi Seliapota꞉ Yesu Ketiso pa꞉ta꞉ yama꞉ walena꞉ leekeme. Yesuta꞉ wanda꞉hali make ala꞉ta꞉ ala꞉ta꞉ make paeyaona꞉ Tekehalie.

Loma꞉ 5:1

Nika꞉ hone tulaaloma꞉ ekima꞉ Koda꞉ma꞉ nikita꞉ ipiki yaapo tikitiki hamono la꞉la꞉me. Kutu pa꞉leke handa Koda꞉ma꞉ nika꞉ puki lopao ipiki ame̱le̱ hamono la꞉la꞉me. Nika꞉ Tekehali Yesu Ketisoma꞉ pa꞉la꞉ ekina꞉ pa꞉la꞉me.

Epesese 1:6

Koda꞉ma꞉ niki pa꞉ta꞉ pa hameke a꞉ta꞉ma꞉ wotu homa꞉la꞉ ekina꞉ make ipika꞉ hone pieke Eiyeke niki kitolo pa hameke kita꞉la꞉ ale tonka꞉na꞉ ka꞉la꞉ ekina꞉ make Koda꞉na꞉ pi laamana꞉e.

Epesese 1:9

amba꞉ ipikana꞉ma꞉ do hau pulueke hone wiekeeki pa꞉la꞉me. Kutupata꞉ hande amba꞉ ipika꞉ a꞉mbao wieke honeta꞉ Ketisoma꞉ yaena꞉yeke koto make ame niki pa꞉ta꞉ peneme yaala꞉me.

Epesese 2:4

Nikana꞉ma꞉ pi na opu haoma꞉ ekina꞉ nika꞉ temokomanu homa wimikipate kone Koda꞉ma꞉ a꞉ta꞉ma꞉ wopu homolo hata꞉ niki pa꞉ta꞉ pukima꞉ wotu homeeke ekina꞉ Ketiso ame̱le̱ niki mea da꞉taeyekeme. Koda꞉ ipika꞉ pa hameke a꞉ta꞉ma꞉ homeeke ekima꞉ iki mea da꞉taala꞉me.

Epesese 2:7

Koto hande Koda꞉ma꞉ pieke hauta꞉ ipikana꞉ma꞉ pukima꞉ homolo hata꞉ Yesu Ketiso niki pa꞉ta꞉ ka꞉la꞉ ekima꞉ wetepena꞉ halo peleme wanda꞉halima꞉ ipikana꞉ma꞉ ota꞉ pa hameke a꞉ta꞉ma꞉ wopu homo hala꞉eki nate paeyao handa꞉tiki pina꞉ piekeme.

Pilipai 2:11

Kutupa mo Ateke hala꞉ Koda꞉na꞉ biki yeiya꞉ laaluekema꞉ iki paeyaoma꞉ paeyao opina꞉ peneme yaaso hata꞉ Yesu Ketiso ipiki homeketa꞉ ota꞉ Tekehalie laa lelimikie.

Pilipai 2:13

Kota꞉ pa ekipeke Koda꞉ma꞉ta꞉ ikana꞉ma꞉ ipika꞉ hone pa꞉la꞉ hau pulu pa꞉la꞉eki peawaluekema꞉ ika꞉ hone pina꞉yeke ika꞉ tukiki pa꞉ta꞉ e pokolo ombu hala꞉me.

Kolosi 1:20

Eiyeke pa꞉ta꞉ yama꞉ Koda꞉ma꞉ mo do kenkena꞉ oli ya nane ula꞉ alemanu paeyao paa la꞉ka꞉la ipiki ame̱le̱ a꞉pa ta꞉ma꞉ni pina꞉ hone wiekeme. Koda꞉ma꞉ a꞉nda꞉ peliayeke ekita꞉ ipika꞉ Eiyeketa꞉ a꞉ka꞉tei wape piki ti manda homena꞉ leeke ekima꞉ oli ya do kenke nane ula꞉ alemanu paeyao paa la꞉ka꞉la ipiki ame̱le̱ a꞉pa ta꞉ma꞉ni pina꞉ leekeme.

2 Desalonaika 2:16

Koda꞉ nika꞉ Apa꞉ma꞉ niki pukima꞉ homolo hata꞉ ipika꞉ a꞉ta꞉ma꞉ homa tamba꞉ mina꞉la꞉ ekina꞉yeke mo na paelo pa꞉la꞉ aela꞉ baasa꞉ hau make epeke hone tulaasa꞉ hau make niki kia꞉me.

Peneme Yaeyekeeki 5:13

Kutupa oli ya nane make kenkena꞉ make kenke oto nane make dawala pa꞉ta꞉ da꞉ta hala꞉ ala꞉ta꞉ ala꞉ta꞉ paeyaoma꞉ emeli lemeeki opua꞉me. Dupa lememe. Mo kini seana꞉ pila꞉ hali make mo Sipisipi Ma꞉na꞉ Ikiki make yeiya꞉ lao make biki miniliao make pa̱a̱ make wele make hoto paeyao pa u haena꞉e lememe.