Luku 19:9 - Panake Pi La: Ula: Buka pita: Kine Pieke Buka

⁹ Yesuma꞉ mo hali pa꞉ta꞉ alota꞉ Da꞉ta꞉la꞉ ekita꞉ ame do da pa꞉ta꞉ a꞉pa꞉la꞉me. Pa ekipeke do halita꞉ Eipoloha꞉ma꞉na꞉ mondu tanka꞉la꞉ peala꞉ tapake hali yeke loa꞉me.

Luku 19:9 ပူးပေါင်းရင်းမြစ်များ

Luku 13:16

Koto tupa꞉ kone do Eipoloha꞉ma꞉na꞉ tapake wanda꞉ta꞉ hoke temokoma꞉ 18 bapina꞉ tonkao ula꞉ puta꞉ mo Hoto Pila꞉ Natena꞉ta꞉ na ka꞉la꞉pa꞉ tapaena꞉pe laa lota꞉ piekeme.

Luku 13:30

Koto ekina꞉ta꞉ ame do wetepena꞉ haleme wanda꞉hali mandaneta꞉ titina꞉ halimikie. Kutupa titina꞉ haleme wanda꞉halita꞉ wetepena꞉ halimikie leekeme.

Luku 16:24

Koto ekina꞉ ipikana꞉ma꞉ anekema꞉ wi alo hata꞉ alota꞉ Apa꞉ Eipoloha꞉ma꞉o. I̱ pa꞉ta꞉ a꞉ta꞉ma꞉ homa꞉e. Do ti to hala꞉ ekima꞉ I̱ tanda tieke peaasa꞉ ekina꞉ La꞉satesima꞉ ipika꞉ kiki ma̱lekema꞉ ikali pa꞉ta꞉ tenke lao yaka kekeke kosa꞉ pina꞉yeke wataena꞉ tapae laa leekeme.

Luku 16:30

Hande hamoko halima꞉ ipika꞉ pi hombo peaaso alota꞉ A꞉pa Eipoloha꞉ma꞉o. Kotota꞉ ana꞉ dia꞉me. Pate amba꞉ homeeke hali ma꞉nda꞉ma꞉ paa tiao lolo pea꞉ka꞉na꞉ta꞉ kota꞉ mo haliwekima꞉ ika꞉ hoke hau peleme ekimanu hoki walimikie laa leekeme.

Luku 2:30

Do ekina꞉ yeke loa꞉me. Naka꞉ hande wanda꞉hali da꞉taalo pa꞉la꞉ hali ame yaka lekema꞉ handolome.

Luku 3:8

Ika꞉ pimi hoke haumanu paeyao amba꞉ hoki waleme ekina꞉ wanda꞉halima꞉ handena꞉ mo epeke kiliki a꞉ela꞉ tima꞉ pa꞉la꞉eki pina꞉ epeke haumanu pea꞉pa꞉peke. Koto ekina꞉ta꞉ ikana꞉ma꞉ Nika꞉ meita꞉ Eipoloha꞉ma꞉e laa kutupiki pimanu na lapa꞉peke laata꞉ Dionima꞉ iki pa꞉ta꞉ alota꞉ Opua꞉pe. Koda꞉ma꞉ do toopimanu meaata꞉ Eipoloha꞉ma꞉na꞉ mondu semba꞉lala꞉ wanda꞉hali ana꞉na꞉ wepia haena꞉ lapeke ya꞉la꞉me alome.

Loma꞉ 4:16

Eipoloha꞉ma꞉ Koda꞉ pa꞉ta꞉ hone tulaeyeke ekina꞉ Koda꞉ma꞉ hande pi la꞉ wiekeme. Koda꞉ma꞉ta꞉ Eipoloha꞉ma꞉ ipika꞉ hoki nane halo pimiki wanda꞉hali paeyao pa꞉ta꞉ hande la꞉ wieke pita꞉ iki pa꞉ta꞉ pa hameke halena꞉yeke loa꞉me. Hande Lo Pimanu oto pa꞉ta꞉ haleme wanda꞉hali pa꞉ta꞉ homeke dia꞉ya꞉la꞉pate hande Eipoloha꞉ma꞉ma꞉ pieke tupa꞉ Koda꞉ pa꞉ta꞉ hone tulao haleme wanda꞉hali pa꞉ta꞉ make hala꞉la꞉me. Eipoloha꞉ma꞉ta꞉ niki paeyaona꞉ apa꞉ hala꞉me.

Ka꞉leisia 3:14

Kutu pieke ekita꞉ mo hande Eipoloha꞉ma꞉ pa꞉ta꞉ Neke tamba꞉ mulueke laa la꞉ wieke pima꞉ta꞉ Yesu Ketiso pa꞉ta꞉ yama꞉ mo Diendaili wanda꞉hali make tamba꞉ meaata꞉ kota꞉ niki make Koda꞉ pa꞉ta꞉ hone tulaaso hata꞉ ipika꞉ pi la꞉ wia꞉ Sipitidi miomono piekeme.

Ka꞉leisia 3:29

Ikita꞉ Ketiso ipika꞉eki haemeka꞉na꞉ta꞉ kota꞉ ikita꞉ mo Eipoloha꞉ma꞉na꞉ hoki nane wanda꞉hali hata꞉ Koda꞉na꞉ kulueke laa pi la꞉ wiekeeki milimikie.

Ka꞉leisia 3:7

Kotoeki hone wimika꞉na꞉ta꞉ mo hone tulaleme wanda꞉hali iki paeyaota꞉ ota꞉ Eipoloha꞉ma꞉na꞉ wekiwandiki hala꞉me hone wia꞉pa꞉peke.

1 Pida 2:10

Amba꞉ta꞉ iki Koda꞉na꞉ wanda꞉hali na haemepate ameta꞉ ipika꞉eki halememe. Amba꞉ta꞉ iki Koda꞉na꞉ a꞉ta꞉ma꞉ homa꞉la꞉ hau hone na wimipate ameta꞉ ipika꞉ a꞉ta꞉ma꞉ homa꞉la꞉ hau a꞉pa꞉leke melememe.