Luku 19:13 - Panake Pi La: Ula: Buka pita: Kine Pieke Buka

¹³ Poluekema꞉ hata꞉ ipikana꞉ma꞉ ipika꞉ e pokao haemeke kiki yaapo haliweki wi la꞉ meaata꞉ iki paeyao pa꞉ta꞉ 20 kina hale hale pea iki pa꞉ta꞉ alota꞉ I̱ polua꞉ hoki nane do kitolo manima꞉ bisinisi pea ikana꞉ma꞉ ekipa haka꞉ta꞉pao milimio laa e poka꞉pa꞉peke leekeme.

Luku 19:13 ပူးပေါင်းရင်းမြစ်များ

Ma꞉tiu 25:16

Mo 5 daoseni kina mieke e pokaasa꞉ halima꞉ kuta kone mo manima꞉ e honkopu hao pokaata꞉ 5 daoseni ma꞉nda꞉ apa꞉tao wiekeme.

Ma꞉tiu 25:20

Kutu pieke toma꞉na꞉ta꞉ mo hande 5 daoseni kina mieke halima꞉ a꞉pa koto 5 daosenima꞉ e poka meayeke 5 daoseni ma꞉nda꞉ halolo hata꞉ alota꞉ You halio. Nakana꞉ma꞉ I̱ pa꞉ta꞉ 5 daoseni kipateta꞉ pa I̱ma꞉ e pokaaso hata꞉ mealo 5 daoseni ma꞉nda꞉ doma꞉ mie leekeme.

Ma꞉tiu 25:22

Koto somena꞉ hoki naneta꞉ mo hande 2 daoseni kina mieke halima꞉ a꞉pa koto 2 daosenima꞉ e poka meayeke 2 daoseni ma꞉nda꞉ halolo hata꞉ alota꞉ You halio. Nakana꞉ma꞉ I̱ pa꞉ta꞉ 2 daoseni kipateta꞉ pa I̱ma꞉ e pokaaso hata꞉ mealo 2 daoseni ma꞉nda꞉ doma꞉ mie leekeme.

Ma꞉tiu 25:24

Kutupa koto somena꞉ hoki naneta꞉ mo hande 1 daoseni kina mieke hali a꞉pa make ipika꞉ you hali pa꞉ta꞉ alota꞉ You halio. Neketa꞉ na nokopele ale napeke no make na tande ale alena꞉ kilikimanu talopu hale somee. Koto hauma꞉ta꞉ neketa꞉ taka꞉la papeke hali haleme hone witolo

Luku 19:12

Koto ekina꞉ Yesuma꞉ alota꞉ Hali tieke ma꞉nda꞉ta꞉ kenke ma꞉nda꞉ nane pua ipikita꞉ ika꞉ kini hali pituluekema꞉ peekepate kone paa la꞉ka꞉la ipuluekema꞉ peekeme.

Luku 19:14

Koto laa peekepate mo hande halina꞉ da haliwekima꞉ ipiki honditi pitolo hata꞉ ipika꞉ peeke hoki nane mandane haliwekima꞉ pua lena꞉ tapaaso alota꞉ Do halita꞉ nika꞉ kini hali pitaapeketa꞉ nikita꞉ ki pa꞉la꞉me laa lolo pena꞉ tapaemekeme.

Dioni 12:26

Hali epima꞉ yaka e pokaaluekema꞉ hone pia꞉ka꞉na꞉ta꞉ ipikana꞉ma꞉ ya hoki nane telia꞉ mea epena꞉e. Yaka e pokaasa꞉ halita꞉ I̱ halo alena꞉ kone diki mandakena꞉ halupekema꞉ loa꞉me. Yaka e pokaasa꞉ halita꞉ yaka Apa꞉ma꞉ koto halina꞉ biki tieke wina꞉ lelieke leekeme.

Ka꞉leisia 1:10

Do alo pima꞉ta꞉ mo wanda꞉hali ta꞉na꞉ma꞉ homa꞉ tiaaluekema꞉ alope. Dia꞉me. Ota꞉ dia꞉me. I̱ma꞉ta꞉ Koda꞉ma꞉ ta꞉na꞉ma꞉ homolo pa꞉la꞉eki weitolome. I̱ma꞉ta꞉ wanda꞉halima꞉ ya biki daeyaena꞉ taapolope. Dia꞉me. Koto hau puluekema꞉ taapoa꞉ka꞉na꞉ta꞉ kota꞉ I̱ta꞉ Ketisona꞉ e pokaaso hali na hapeke ya꞉la꞉me.

Dia꞉mesi 1:1

I̱ta꞉ Dia꞉mesi Koda꞉ make Tekehali Yesu Ketiso yaapona꞉ e pokaaso hali halome. Do wape pitolo ekita꞉ hande ika꞉ kenke nane mina꞉pa꞉lao pemeke Isulai 12 tapake ika꞉ wanda꞉hali pa꞉ta꞉ tapaasome. Iki pa꞉ta꞉ keiyae pi alome.

2 Pida 1:1

I̱ta꞉ Saimono Pida mo hande Yesu Ketisona꞉ e pokaasa꞉ make aposolo halima꞉ loa꞉me. Mo hande niki da꞉taasa꞉ Koda꞉ Yesu Ketisona꞉ tikitiki hau pita꞉la꞉eki pa꞉ta꞉ yama꞉ hone tulaala꞉eki hala꞉la꞉ ekita꞉ nika꞉ hande ota꞉ seliapo piki ekima꞉ handekeeki meleme wanda꞉hali pa꞉ta꞉ do tameiya꞉ tapaasome.