Luku 18:32 - Panake Pi La: Ula: Buka pita: Kine Pieke Buka

³² Ipikita꞉ Diendaili haliweki pa꞉ta꞉ mea halimikie. Koto haliwekima꞉ta꞉ ipiki kitao laa manda꞉ manda꞉ meaota꞉ ipika꞉ lokena꞉ dopi taalimikie.

Luku 18:32 ပူးပေါင်းရင်းမြစ်များ

Ma꞉tiu 16:21

Koto natena꞉ kini pu meata꞉ Yesuma꞉ ipika꞉ disaipolo tonu peneme yao alo hata꞉ dupa leekeme. I̱ta꞉ ota꞉ Diutuseleme da nane polueke. Kutu pua꞉ka꞉na꞉ta꞉ koto pa꞉ta꞉ mo you haliwekima꞉ make yeni peao haleme you haliwekima꞉ make wape pea wala꞉tiki pu haleme haliwekima꞉ make I̱ tanda tieke ota꞉ wotu kilimikie leekeme. I̱ kiao limika꞉na꞉ta꞉ homuluepate hoto tepo naku pa꞉ta꞉ wia paa da꞉taa tiao halueke leekeme.

Ma꞉tiu 20:19

Koto haliwekima꞉ ipiki kitaaso hata꞉ ipika꞉ lokena꞉ dopi tao yumbua baota꞉ homena꞉ lilimikie. Kutupa ipikita꞉ nate tepo wiaata꞉ paa tiao da꞉taa halieke leekeme.

Ma꞉tiu 22:6

Kutaa make mandane haliwekima꞉ta꞉ mo hande tapaeyeke haliweki da꞉ka꞉pa꞉ minaata꞉ luma꞉ luma꞉ pimikime.

Ma꞉tiu 26:67

Koto laata꞉ ikana꞉ma꞉ ipika꞉ leke popeleke pa꞉ta꞉ dopi talo hata꞉ ipiki yombimikime. Mo ipiki yombimiki haliwekima꞉

Ma꞉tiu 27:2

Kutaata꞉ mo haliwekima꞉ Yesu mea senima꞉ tonkaota꞉ mo hande Loma꞉ Kapomani You hali tieke Pailedi pa꞉ta꞉ hatuku pemekeme.

Maka 14:65

Kutupa mandane haliwekima꞉ ipika꞉ lokena꞉ dopi taata꞉ ipika꞉ leke popeleke a꞉mbao ipiki litolo hata꞉ alota꞉ Neke lia꞉ halina꞉ biki la kie lemekeme. Kutupa mo da handeteke haemeke haliwekima꞉ yombua baemekeme.

Maka 15:1

Da ka꞉la꞉paaso siki yeni peao haemeke you haliwekima꞉ make tondiki haliwekima꞉ make wape pea wala꞉tiki pu haemeke haliwekima꞉ make ka̱le̱sete haliweki paeyaoma꞉ make pi hotimikime. Kutupa mo haliwekima꞉ Yesu tonkao mea Pailedi pa꞉ta꞉ hatuku pemekeme.

Luku 18:33

Ipiki yombua baota꞉ homena꞉ lilimikie. Kutu pilimipate ipikita꞉ wiaata꞉ nate tepona꞉ paa tiao da꞉ta halieke leekeme.

Luku 23:1

Mo hande tapake paeyao tiao Yesuta꞉ mo Pailedi pa꞉ta꞉ hatuku puaata꞉

Luku 23:11

Kutupa Hetodi make ipika꞉ a꞉ndeli minimiki haliweki ame̱le̱ Yesu eto eto lao pa ale au laemekeme. Kutupa ota꞉ epeke au leke dau hokulu mea yamao paa Pailedi pa꞉ta꞉ tapaa moneayekeme.

Luku 23:35

Mo wanda꞉halima꞉ handolo haena꞉ mo Diu wanda꞉halina꞉ you haliwekima꞉ Yesu kitaaso hata꞉ dupa lemekeme. Mandane wanda꞉halita꞉ pa꞉ta꞉la꞉tiki piekepate ipikita꞉ hande Koda꞉ma꞉ ma̱leke lila꞉ Ketiso haya꞉ka꞉na꞉ta꞉ kota꞉ ipika꞉ kone petelena꞉e lemekeme.

Dioni 18:22

Yesuma꞉ koto pi leeke handaa mo tembolo da handeteke hayeke hali homekema꞉ ipika꞉ kadapoma꞉ lia alota꞉ Do yeni peao haleme you haliwekina꞉ you halina꞉ pi hombo peaaso hata꞉ ekipeke kutupiki pi alepe leekeme.

Dioni 18:28

Kaiya꞉pasi hayeke alena꞉ mina꞉pa꞉lao mo Kapomani You halina꞉ da pa꞉ta꞉ Yesu hatuku mea pemekeme. Da panake ka꞉la꞉polo haena꞉ mea pemekeme. Diu haliwekima꞉ta꞉ mo Lombei Pupa Yapeeke ekina꞉ ne pambemekeeki noluekema꞉ iki hoeyaama꞉na꞉ ika꞉ nindi pelemeeki hone witolo hata꞉ mo da tukiki pa꞉ta꞉ na peke hama꞉ nane pa haemekeme.

Dioni 18:30

Mo haliwekima꞉ ipika꞉ pi hombo peaaso alota꞉ Do halima꞉ ketete na pia꞉ka꞉na꞉ yoluta꞉ neke pa꞉ta꞉ na hatuku epolo puma꞉me lemekeme.

Dioni 18:32

Koto lemeke ekima꞉ta꞉ Yesu ipikana꞉ma꞉ amba꞉ pi la꞉ witolo hata꞉ ipika꞉ homolo pa꞉la꞉ tupa꞉ kone yaaluekema꞉ lemekeme.

Dioni 18:35

Pailedima꞉ ipika꞉ pi hombo peaaso alota꞉ Naka꞉ honema꞉ta꞉ I̱ta꞉ Diu hali patema꞉ alepe. Naka꞉ wanda꞉halima꞉ make ika꞉ yeni peao haleme you haliwekima꞉ make I̱ pa꞉ta꞉ neke hatuku mea epememe. Nakana꞉ma꞉ eki hau pelepe leekeme.

Aposolo 2:23

Amba꞉ kone Koda꞉ma꞉ hone wiaata꞉ Yesuta꞉ ikana꞉ma꞉ milimikie laa pi la꞉ wiekeme. Kutupa ikana꞉ma꞉ta꞉ mo hoke hau pu haleme haliwekima꞉ Yesuta꞉ hande a꞉ka꞉tei wapepiki tina꞉ ikokoma꞉ tamendiaena꞉ lemeke ekima꞉ ikana꞉ma꞉ kone Yesu limikime.

Aposolo 3:13

Eipoloha꞉ma꞉ Aisa꞉ke Dieikope ika꞉ Koda꞉ta꞉ nika꞉ apa꞉ titina꞉ Koda꞉ma꞉ kone mo wele pita꞉la꞉eki ipika꞉ e pokaeyeke hali Yesuna꞉ biki mea a꞉meiyaaso hata꞉ haleekeme. Kutu pa꞉la꞉pate ikana꞉ma꞉ Pailedi pa꞉ta꞉ luekema꞉ hatuku pua Pailedima꞉ta꞉ paa pena꞉ loluekema꞉ taapolo haena꞉ kone ikana꞉ma꞉ luekema꞉ taapeme hali ipikina꞉ loa꞉me.