Luku 18:13 - Panake Pi La: Ula: Buka pita: Kine Pieke Buka

¹³ Koto leekepate mo dakisi mu hayeke halima꞉ta꞉ ipika꞉ siki mo pate leke hata꞉ta꞉ oli ya nane kone na handa꞉liake panda꞉ puniao hata꞉ ipika꞉ hakokona꞉ litolo hata꞉ alota꞉ Koda꞉o. I̱ta꞉ hoke hau polo somema꞉ I̱ a꞉ta꞉ma꞉ homa꞉e leekeme.

Luku 18:13 ပူးပေါင်းရင်းမြစ်များ

Ma꞉tiu 10:3

Pilipi make Badolomiu make Tomasi make mo hande dakisi mu hayeke some Ma꞉tiu make A꞉lopia꞉sina꞉ eiyeke Dia꞉mesi make Ta꞉dia꞉si make

Ma꞉tiu 6:5

Yeni pimika꞉na꞉ta꞉ mo hande yayapiki hau pu haleme haliwekina꞉ hau na honda꞉pa꞉peke. Wanda꞉halima꞉ iki handena꞉ hone hone witolo hata꞉ mandane pota꞉ hopiki nina꞉ make yeni da pa꞉ta꞉manu make tialiao hata꞉ Koda꞉ pa꞉ta꞉ yeni pu halememe. I̱ma꞉ iki pa꞉ta꞉ ota꞉ pi alome. Ikana꞉ma꞉ ika꞉ pimi hauna꞉ yenki manuta꞉ ame do hata꞉ mu paeyaasememe.

Ma꞉tiu 9:13

Hande Baiboloma꞉ alota꞉ Mo hoteke lia hala꞉la꞉ ekita꞉ I̱ma꞉ hone na pa꞉la꞉pate a꞉ta꞉ma꞉ homo hasa꞉ hau homeke hone pa꞉la꞉me la꞉la꞉ pina꞉ tekemanu amba꞉la hone uemena꞉ ikana꞉ma꞉ pua weiya꞉pe. I̱ma꞉ta꞉ epeke hau pu hala꞉ wanda꞉hali hone ma꞉nda꞉ la꞉ka꞉la wina꞉yeke wi loluekema꞉ na epoa꞉pate pa hoke hau pu hala꞉ wanda꞉halima꞉ hone ma꞉nda꞉ la꞉ka꞉la wina꞉yeke wi loluekema꞉ epoa꞉me leekeme.

Maka 11:25

Kutupa make Koda꞉ pa꞉ta꞉ tiao hata꞉ yeni pimika꞉na꞉ta꞉ ma꞉nda꞉ma꞉ iki pa꞉ta꞉ hoke hau pa꞉la꞉eki pa꞉ta꞉ hone pa upaleke hata꞉ pimika꞉na꞉ta꞉ kota꞉ ipika꞉ hoke hau tombuao pa paeyaapa꞉peke leekeme. Ika꞉ hepeni nane hala꞉ Apa꞉ma꞉ ika꞉ hoke hau paeyaena꞉yeke ma꞉nda꞉ma꞉ iki pa꞉ta꞉ hoke hau pa꞉la꞉eki paeyaapa꞉peke leekeme.

Luku 17:12

Ipikita꞉ da ma꞉nda꞉ pa꞉ta꞉ polueke alo pulu haena꞉ kiki yaapo haliwekita꞉ ika꞉ lokena꞉ kindi yeni hayeke haliwekima꞉ Yesu a꞉pa manda꞉hande pimikime. Ikita꞉ hosiki siki papate hata꞉

Luku 22:41

Koto laa Yesuta꞉ iki mina꞉pa꞉lao mo toopi baasa꞉ tupa꞉ leke mopate pua tumiki yotuao pita꞉ yeni piekeme.

Luku 23:48

Kutupa mo hande hau handuluekema꞉ mombelemeke wanda꞉hali paeyaoma꞉ta꞉ mo piekeeki hando haota꞉ a꞉ta꞉ma꞉ homolo hata꞉ ika꞉ hakoko lutia pulu hata꞉ pao da la꞉ka꞉la pemekeme.

Luku 5:8

Kutu piekeeki handaata꞉ Saimono Pidama꞉ Yesu teke pa꞉ta꞉ tumiki yotuao alota꞉ Tekehalio. I̱ta꞉ hoke hau polo somema꞉ I̱ kiao pue leekeme.

Aposolo 2:37

Mo wanda꞉halima꞉ koto pi opuaata꞉ ika꞉ puki pa꞉ta꞉ aweeke handaa Pida pa꞉ta꞉ make mandane aposolo haliweki pa꞉ta꞉ make alota꞉ Kametitio. Nikana꞉ma꞉ eki peomonope laa lemekeme.

Loma꞉ 5:8

Kutu pulu pa꞉la꞉pate Koda꞉ma꞉ niki pa꞉ta꞉ ipika꞉ pukima꞉ wopu homa꞉la꞉ ekita꞉ peneme yao yaala꞉ ekita꞉ dupa. Nikita꞉ hoke hau pu haloma꞉ wanda꞉hali hamono kone Ketisota꞉ nika꞉eki peaaso hata꞉ homeekeme.

2 Kotindi 7:11

Koda꞉ma꞉ do ika꞉ ka꞉nda꞉ma꞉ homemeeki pa꞉ta꞉ yama꞉ pa꞉la꞉eki handa꞉pe. Titina꞉ta꞉ ika꞉ bu alo hata꞉ a̱i̱ koto kone ika꞉ peleme hoke haumanu tikitiki yamena꞉ la꞉la꞉me. Kutaata꞉ ika꞉ pimi hoke hau manuta꞉ ameta꞉ ota꞉ mina꞉pa꞉laloma꞉me laa waluekema꞉ hone wopu witeleme ekina꞉ make iki epeaala꞉ma꞉ handa꞉pe. A꞉pa꞉e. Ameta꞉ topo wopu pea pimika꞉ta꞉me. Ikana꞉ma꞉ta꞉ mo ata꞉ka꞉ peaaseke mineke panka꞉la꞉ hau make puki yoka꞉ miniki hasa꞉ hau make pea pimika꞉ta꞉me. Ota꞉ aloma꞉ epeke honemanu witolo hata꞉ puki wopu wia pimika꞉ta꞉me. Kutupata꞉ hoke hau a̱i̱ koto kone panisi pealuekema꞉ tikitiki yao hata꞉ pimika꞉ta꞉me. Koto peleme ekita꞉ mo amba꞉ putia epoloma꞉ hau paeyao pa꞉ta꞉ta꞉ ikita꞉ ata꞉ka꞉ na piki wanda꞉halie laa wala꞉la꞉eki handolome.

1 Timodi 1:15

Ota꞉ opua hone tulaapeke ya꞉la꞉ ota꞉ pi ma꞉nda꞉ta꞉ dupa. Ketiso Yesuma꞉ hoke hau pu haloma꞉ wanda꞉hali da꞉taaluekema꞉ yeke do kenkena꞉ epeekeme. Koto ekina꞉ mo hoke hau wopu pita꞉la꞉ halita꞉ I̱ ya꞉pate

Hibulu 4:16

Nika꞉ ka꞉nda꞉ma꞉ homa꞉la꞉ natemanu epea꞉ka꞉na꞉ ipika꞉ a꞉ta꞉ma꞉ homa tamba꞉ mina꞉la꞉eki kia꞉ka꞉na꞉ muluekema꞉ aela꞉ bao hata꞉ mo pa hameke a꞉ta꞉ma꞉ homo hala꞉ Koda꞉ teke pa꞉ta꞉ pomana꞉e.

Hibulu 8:12

Kutaata꞉ ika꞉ pu hoeyaasa꞉ haumanu paeyaota꞉ I̱ma꞉ pa paeyaalueke. Kutupa make ika꞉ hoke hau paeyao I̱ma꞉ hone ma꞉nda꞉ na wiki hoto paeyao hone yonka꞉latiki pulueke laa leekeme.