Luku 17:30 - Panake Pi La: Ula: Buka pita: Kine Pieke Buka

³⁰ Mo Wanda꞉halina꞉ Eiyeke peneme yao walia꞉ natena꞉ta꞉ homeke tupa꞉ kone ipilieke.

Luku 17:30 ပူးပေါင်းရင်းမြစ်များ

Ma꞉tiu 16:27

Wanda꞉halina꞉ Eiyeke ipika꞉ Atekena꞉ pa̱a̱ taapuna꞉ ipika꞉ enisolo hatuku a̱i̱ kutaa kone ipilieke. Kutaata꞉ wanda꞉hali homeke homekema꞉ ika꞉ pu haeme hau manuna꞉ ana꞉ piki yenki kone iki pa꞉ta꞉ hale hale pilieke.

Ma꞉tiu 24:3

Koto hoki naneta꞉ Yesuma꞉ mo Olipi pote manda pitina꞉ta꞉ ipika꞉ disaipolo haliwekima꞉ a꞉mbao lota꞉ pitolo alota꞉ Nakana꞉ma꞉ mo hande le pita꞉ handima꞉ opolo ipilia꞉pe. Kutaa mo naka꞉ paa la꞉ka꞉la epolo peleeki pita꞉ do yu ya paelo pa꞉la꞉eki yaapo telipina꞉ teke pa꞉ta꞉ ya꞉lia꞉ ekita꞉ eki patehau pilia꞉ ekima꞉ niki walia꞉pe lemekeme.

Ma꞉tiu 24:37

Hande Noana꞉ natena꞉ pimiki tupa꞉ta꞉ hande Wanda꞉halina꞉ Eiyeke epea꞉ka꞉na꞉ make mandake hau kone pilimikie.

Ma꞉tiu 24:39

Koto wanda꞉halima꞉ta꞉ wetepe epolo pieke hau manuta꞉ hone na wiki pa ika꞉ hone pieke haumanu pua꞉tiki pulu haena꞉ hande ikali tieke taa ipulu iki paeyao handa꞉pa꞉la꞉ mea peekeme. Mo hande Wanda꞉halina꞉ Eiyeke opolo ipuluta꞉ koto piekeeki kone pilieke.

Ma꞉tiu 26:64

Yesuma꞉ hombo peaaso alota꞉ Koto aletaa leekeme. I̱ma꞉ iki paeyao pa꞉ta꞉ alome. Wetepena꞉ta꞉ mo Wanda꞉halina꞉ Eiyeketa꞉ mo wele pita꞉la꞉ Koda꞉na꞉ popeke nane kikina꞉ pitilia꞉eki make hando ya nane koa tukiki pa꞉ta꞉ hola꞉pa꞉niao ipilia꞉eki make ikana꞉ma꞉ hando pilimikie leekeme.

Maka 13:26

Koto natena꞉ta꞉ Wanda꞉halina꞉ Eiyeketa꞉ koa tukiki pa꞉ta꞉ hata꞉ wele wotu pitolo hata꞉ make pa̱a̱ tieke pitolo hata꞉ make epolo pa꞉la꞉eki handilimikie leekeme.

Luku 17:24

Wanda꞉halina꞉ Eiyekena꞉ epolo pa꞉la꞉ ekita꞉ mo ti tekele pitolo hata꞉ mo ya honiki honiki paeyaona꞉ pa̱a̱ peao hala꞉ tupa꞉ kone pilieke.

Luku 17:29

Kutu pimikipate Lodama꞉ mo Sodomo da mina꞉pa꞉layeke natena꞉ta꞉ ti uleke make talo talo hake lanka꞉ ma꞉nda꞉ biki solopa oli ya pa꞉ta꞉ yama꞉ lopa꞉niaeyeke ekima꞉ wanda꞉hali paeyaosiki lu homaeyekeme.

Luku 21:22

Pa ekipeke do hau paeyaota꞉ hande Baiboloma꞉ la꞉la꞉ tupa꞉ Mo tanda mia꞉peke natemanu la꞉la꞉ nate peneme yaaluekema꞉ pilieke.

Luku 21:27

Koto tomona꞉ kone Wanda꞉halina꞉ Eiyeketa꞉ oli koa pa꞉ta꞉ honkopu tieke make pa̱a̱ peaasa꞉eki ame̱le̱ opolo ipilieke.

1 Kotindi 1:8

Kutupa ame kini pua pea pa mo paelo pa꞉la꞉ Natena꞉ epena꞉ kone Koda꞉ma꞉ iki wopu da̱o̱la haatiki puemena꞉ la꞉tiki pu halieke. Koto mo nika꞉ Tekehali Yesu Ketisona꞉ Natena꞉ iki pa꞉ta꞉ eki hau ma꞉nda꞉ na handa꞉ wilieke loa꞉me.

Kolosi 3:4

Ika꞉ ota꞉ da꞉ta꞉la꞉ ekita꞉ Ketiso yaalo ipiki opolo epea꞉ka꞉na꞉ta꞉ kota꞉ iki make ipiki ame̱le̱ mandakena꞉ opolo a꞉pa ipika꞉ pa̱a̱ pa꞉la꞉eki telipilimikie.

2 Desalonaika 1:7

Kutupa iki niki paeyaona꞉ ka꞉nda꞉ pa꞉la꞉eki ipikana꞉ma꞉ yoka꞉ mea baalieke. Koda꞉ma꞉ kutu piki hauta꞉ Tekehali Yesu ipika꞉ honkopu tieke haasa꞉ enisolomanu tonka꞉na꞉ hepeni mina꞉pa꞉lao opolo epemeka꞉na꞉ kutu pilieke.

1 Pida 1:13

Ika꞉ honema꞉ pea꞉peke hau hone hone u hapa꞉peke. Kutupa leke leke lo hapa꞉peke. Yesu Ketiso opolo epea꞉ka꞉na꞉ta꞉ iki pa꞉ta꞉ a꞉ta꞉ma꞉ homa tamba꞉ mina꞉la꞉eki kilieke. Kotoeki homekena꞉ ika꞉ hone ti lao hao hapa꞉peke.

1 Pida 1:7

Mo tekipuleke laasa꞉ haumanu ipula꞉ ekina꞉ teketa꞉ mo ikana꞉ma꞉ Koda꞉ pa꞉ta꞉ hone tulaleme ekita꞉ ota꞉eki yaaluekema꞉ ipu hala꞉me. Kenke pa꞉ta꞉ awa mina꞉la꞉ kolota꞉ hoeyaapeke ya꞉la꞉pate kone haliwekima꞉ ota꞉ kolope o hoke ekipe laa pa handuluekema꞉ tima꞉ yanka hando halememe. Koto piteleme tupa꞉ kone ika꞉ hone tulaaseme ekina꞉ taka꞉lao hamena꞉ la handilieke. Mo kolota꞉ ota꞉ epeke ale ya꞉la꞉pate kone ikana꞉ma꞉ Koda꞉ pa꞉ta꞉ hone tulaleme ekima꞉ta꞉ mo kolo make ota꞉ lombei pa꞉la꞉me. Taka꞉lao haemeka꞉na꞉ta꞉ mo Yesu Ketisona꞉ opolo ipilie natena꞉ ikita꞉ yeiya꞉ laasa꞉eki mu pa̱a̱ peaasa꞉eki mu titina꞉ amba꞉la haasa꞉eki mu pilimikie.

1 Pida 4:13

Kotoeki na pikita꞉ Ketisona꞉ ka꞉nda꞉ putu piliki minoloma꞉me laa ta꞉na꞉ma꞉ homa꞉pa꞉peke. Kota꞉ ipika꞉ pa̱a̱ pita꞉la꞉eki opolo ipilie pita꞉ma꞉ iki pa꞉ta꞉ ta꞉na꞉ma꞉ homa꞉la꞉ ekita꞉ tumbalieke.

1 Dioni 2:28

Ota꞉e. Yaka wekiwandikio. Ipiki yaapo ta꞉ma꞉ni pea hapee. Pa ekipeke ipiki opolo epea꞉ka꞉na꞉ta꞉ nikita꞉ honkopu haasa꞉ ekima꞉ tumbulu pa꞉la꞉ tupa꞉ loa꞉me. Kutupa koto mo ipilia꞉ natena꞉ta꞉ ipiki handolo hata꞉ yaala꞉ma꞉ na homolo polome tupa꞉ loa꞉me.

1 Dioni 3:2

Ota꞉ yaka ta꞉ma꞉ni sunuo. Nikita꞉ ameta꞉ Koda꞉na꞉ wekiwandiki ya꞉la꞉pate pa mo wetepena꞉ halo polome ekita꞉ a̱i̱ na peneme yaala꞉me. Koto pa꞉la꞉pate mo Ketiso opolo ipilia꞉ dina꞉ta꞉ nikita꞉ ipikima꞉ kone handulumeke. Pa ekipeke ipikita꞉ ota꞉ ipika꞉ hala꞉eki nika꞉ lekema꞉ handolo polome ekina꞉ loa꞉me.

Peneme Yaeyekeeki 1:7

Ipikita꞉ ya hapi manda oli ipula꞉ handa꞉e. Paeyaoma꞉ handilimikie. Mo ipiki ikoko lia doloma꞉ awemeke haliwekina꞉ make loa꞉me. Kutupa do kenkena꞉ hala꞉ wanda꞉hali paeyaoma꞉ta꞉ ipiki handolo hata꞉ e̱ tieke lelimikie. Koto ekina꞉ta꞉ kutu pilieke.