Luku 17:26 - Panake Pi La: Ula: Buka pita: Kine Pieke Buka

²⁶ Hande Noa hayeke natena꞉ pu haemeke tupa꞉ mo Wanda꞉halina꞉ Eiyeke ipika꞉ nate manuna꞉ make mandake haumanu pilimikie.

Luku 17:26 ပူးပေါင်းရင်းမြစ်များ

Kini Pieke 6:5

Mo Tekehalima꞉ do kenkena꞉ haemeke wanda꞉hali paeyaoma꞉ hoto paeyao ika꞉ putia peme hoke haumanu make ika꞉ temokona꞉ honemanu u tia peme ekimanu make hando haota꞉

Kini Pieke 6:7

I̱ma꞉ do wepolo wanda꞉hali make hotekemanu make bamanu make paeyaota꞉ I̱ma꞉ kone homena꞉ lia baalueke laa I̱ma꞉ta꞉ pa ekipeke wepia polope leekeme.

Kini Pieke 6:8

Pate mo Tekehalima꞉ta꞉ Noa yaapota꞉ ta꞉na꞉ma꞉ homeekeme.

Luku 17:22

Kutupa Yesuma꞉ ipika꞉ disaipolo haliweki pa꞉ta꞉ alota꞉ Ikana꞉ma꞉ mo Wanda꞉halina꞉ Eiyekena꞉ nate homeke a꞉nda꞉ handuluekema꞉ hone wopu ulu pelemepate ota꞉ na handilimikie.

Luku 17:24

Wanda꞉halina꞉ Eiyekena꞉ epolo pa꞉la꞉ ekita꞉ mo ti tekele pitolo hata꞉ mo ya honiki honiki paeyaona꞉ pa̱a̱ peao hala꞉ tupa꞉ kone pilieke.

Luku 17:27

Wanda꞉halima꞉ ika꞉ ne ikali na꞉tiki wanda꞉ mea꞉tiki halina꞉ da pua꞉tiki putia a꞉pa Noa kawaso pa꞉ta꞉ honda꞉ pambeeke nate opolo epeekeme. Kutu piki haumanu pu haemekepate koto tomona꞉ kone ikali talo hata꞉ iki paeyao lu homaeyekeme.

Luku 17:7

Iki ma꞉nda꞉ hondoma꞉ naka꞉ e pokaasa꞉ halima꞉ naka꞉ ena꞉ kenke lu wiaena꞉ o naka꞉ sipisipi ma꞉na꞉ handeteke haena꞉ leka꞉na꞉ta꞉ kota꞉ koto some paa la꞉ka꞉la naka꞉ da a꞉pa꞉tiki pia꞉ka꞉na꞉ta꞉ a̱i̱ ne a꞉pa nae pita꞉ lo halepe.

Luku 18:8

I̱ma꞉ iki pa꞉ta꞉ ota꞉ pi alome. Ipikana꞉ma꞉ koto kone ika꞉ pota꞉ epeaalieke. Kutu pilia꞉pate Wanda꞉halina꞉ Eiyeketa꞉ paa la꞉ka꞉la ipilia꞉ dina꞉ta꞉ do kenke wanda꞉hali paeyao pa꞉ta꞉ta꞉ paa hone tulaleme tapaketa꞉ handilia꞉pe o na handilia꞉pe laa leekeme.

Hibulu 11:7

Koda꞉ma꞉ wetepe epolo pieke hau manuta꞉ Noa pa꞉ta꞉ kinki piekeme. Koto hau manuta꞉ Noama꞉ handa꞉peke na yekepate kone ipika꞉ hone tulaaso hata꞉ Koda꞉na꞉ pi opiekeme. Koto leeke Koda꞉na꞉ kakena꞉ homolo mo wepie leeke kawaso tieke wepiekeme. Koto kawasoma꞉ta꞉ ipiki make ipika꞉ wekiwanda꞉ make peteleekeme. Noama꞉ mo hande Koda꞉ma꞉ leeke pi telia pieke handaa Koda꞉ma꞉ mo hone tulaasemeke hala꞉la꞉ tikitiki piki hauta꞉ Noa pa꞉ta꞉ haleekepate paa pa haemeke mandane wanda꞉hali paeyaota꞉ ota꞉ hoeyaeyekeme.

2 Pida 2:5

Koda꞉ma꞉ta꞉ mo hande amba꞉ kenkena꞉ hoke yenkita꞉ na mina꞉pa꞉lae yekepate ipiki hoki walemeke wanda꞉halita꞉ ikali tala꞉ ekima꞉ mina꞉ leekeme. Ipikana꞉ma꞉ tamba꞉ mieke wanda꞉halita꞉ mo ota꞉ ekina꞉ pi walo hayeke hali Noa pita꞉ mandane watake hata꞉ wanda꞉hali pea tamba꞉ miekeme.

2 Pida 3:6

Kutupa make mo hande ikali tea꞉ ekima꞉ta꞉ hande amba꞉ kenke hoeyaeyekeme.