Luku 16:31 - Panake Pi La: Ula: Buka pita: Kine Pieke Buka

³¹ Koto leekepate Eipoloha꞉ma꞉ma꞉ alota꞉ Hande Mosesima꞉ make potopede haliwekima꞉ amba꞉ lao ula꞉ ekimanu na opimika꞉na꞉ta꞉ kota꞉ mo homa꞉la꞉ hali ma꞉nda꞉ paa tiao epea꞉ka꞉na꞉ make hone ma꞉nda꞉ la꞉ka꞉la na wilimikie leekeme.

Luku 16:31 ပူးပေါင်းရင်းမြစ်များ

Kini Pieke 9:27

Mo Koda꞉ma꞉ta꞉ Dieipedina꞉ tapake daetolota꞉ ipika꞉ monduma꞉ monduma꞉ pilia꞉ wekiwandikina꞉ wekiwandikita꞉ mo Semena꞉ wanda꞉hali ame̱le̱ haena꞉e. Keinanita꞉ Dieipedina꞉ pa hameke e pokaasa꞉ hali halieke laa leekeme.

Luku 16:30

Hande hamoko halima꞉ ipika꞉ pi hombo peaaso alota꞉ A꞉pa Eipoloha꞉ma꞉o. Kotota꞉ ana꞉ dia꞉me. Pate amba꞉ homeeke hali ma꞉nda꞉ma꞉ paa tiao lolo pea꞉ka꞉na꞉ta꞉ kota꞉ mo haliwekima꞉ ika꞉ hoke hau peleme ekimanu hoki walimikie laa leekeme.

Luku 17:1

Yesuma꞉ ipika꞉ disaipolo haliweki pa꞉ta꞉ alota꞉ Wanda꞉hali hoke hau pa꞉ta꞉ pena꞉ yeke pu tiaasa꞉ haumanu opolo epolo pa꞉la꞉pate kutu piki haumanu pina꞉ pu tiaasa꞉ someta꞉ paala꞉e. Hoke yenki milieke.

Dioni 5:47

Kutu pulu pimipate ipikana꞉ma꞉ wape pieke ekimanu ikana꞉ma꞉ hone na tulaaleme ekina꞉ I̱ma꞉ alo pi manuta꞉ ekipa hone tulaalimikipe.

Aposolo 19:8

Kutupa mo pi hotu haemeke da pa꞉ta꞉ puata꞉ sumba꞉ tepona꞉ hata꞉ Koda꞉na꞉ Kilu Tombuao Hala꞉ ekina꞉ paala꞉ma꞉ na homeke pi yokaalu pea꞉tiki pea honke alo hata꞉ pi la꞉tiki piekeme.

Aposolo 26:28

Kutupa Akatipama꞉ Polo pa꞉ta꞉ alota꞉ Naka꞉ honema꞉ta꞉ I̱ta꞉ paa koto kone Ketiso hali hanoyeke alepe laa leekeme.

Aposolo 28:23

Kutupa nate wiata꞉ ipika꞉ haya꞉ da pa꞉ta꞉ haliweki wopu pua mombelememe. Kutupa Poloma꞉ mo haliweki pa꞉ta꞉ mo hande Koda꞉na꞉ Kilu Tombuao Hala꞉ pimanu walo haya꞉eki da ka꞉la꞉paaso la pua timba꞉ laeya꞉me. Yesuna꞉ pi opua mina꞉yeke ipikana꞉ma꞉ hande Mosesina꞉ wape pa꞉la꞉ Lo Pimanu make mo potopede haliwekina꞉ wape pelemeeki pa꞉ta꞉ make laa walea꞉me.

2 Kotindi 4:3

Nikana꞉ma꞉ peneme yao waloloma꞉ Pi Seliapota꞉ ma꞉nda꞉ pa꞉ta꞉ a꞉mbao wia꞉ka꞉na꞉ta꞉ kota꞉ mo alupa꞉la꞉ pota꞉na꞉ polo peleme wanda꞉hali pa꞉ta꞉ homeke a꞉mbao ula꞉me.

2 Kotindi 5:11

Koda꞉ paala꞉ma꞉ homa꞉peke ya꞉la꞉ ekita꞉ nikana꞉ma꞉ hone uluma꞉me. Koto ekina꞉ta꞉ nikana꞉ma꞉ta꞉ mandane wanda꞉hali hone la꞉ka꞉laluekema꞉ taapo haloma꞉me. Koda꞉ma꞉ta꞉ nika꞉ hau paeyaosiki hone wopu ula꞉eki yalo yaka honema꞉ta꞉ ikana꞉ma꞉ make ika꞉ temokoma꞉ I̱ make hone witolo pelememe.