Luku 16:24 - Panake Pi La: Ula: Buka pita: Kine Pieke Buka

²⁴ Koto ekina꞉ ipikana꞉ma꞉ anekema꞉ wi alo hata꞉ alota꞉ Apa꞉ Eipoloha꞉ma꞉o. I̱ pa꞉ta꞉ a꞉ta꞉ma꞉ homa꞉e. Do ti to hala꞉ ekima꞉ I̱ tanda tieke peaasa꞉ ekina꞉ La꞉satesima꞉ ipika꞉ kiki ma̱lekema꞉ ikali pa꞉ta꞉ tenke lao yaka kekeke kosa꞉ pina꞉yeke wataena꞉ tapae laa leekeme.

Luku 16:24 ပူးပေါင်းရင်းမြစ်များ

Ma꞉tiu 25:41

Kota꞉ mo ipika꞉ hoe nanema꞉ halimi wanda꞉hali iki pa꞉ta꞉ta꞉ dupa lelieke. Ikita꞉ Koda꞉na꞉ hoeyaalo pa꞉la꞉ wanda꞉hali yeleme ekina꞉ I̱ ame̱le̱ na hake mina꞉pa꞉lao pupe laa Ikita꞉ mo Sadani ipika꞉ enisolo tonka꞉na꞉ mina꞉yeke Koda꞉ma꞉ wepia ula꞉ na paelo pa꞉la꞉ ti to hala꞉ ale pa꞉ta꞉ pupe laa lelieke.

Ma꞉tiu 3:9

Eipoloha꞉ma꞉ta꞉ nika꞉ meie lomeka꞉na꞉ta꞉ mo Koda꞉ma꞉ kulu pa꞉la꞉ hoke yenkita꞉ wendulumekee hone na wia꞉pa꞉peke. Lono opie. Koda꞉ma꞉ta꞉ do ula꞉ toopimanu mea Eipoloha꞉ma꞉na꞉ wekiwandiki au lapeke ya꞉la꞉me alome.

Ma꞉tiu 5:22

Pa ameta꞉ I̱ma꞉ iki pa꞉ta꞉ alota꞉ Epima꞉ ipika꞉ yankeke pa꞉ta꞉ mineke pankea꞉ka꞉na꞉ta꞉ kota꞉ ipikita꞉ pi yokaaluna꞉ mea haena꞉ lelieke. Kutupa hali ma꞉nda꞉ epima꞉ ipika꞉ yankeke pa꞉ta꞉ alota꞉ Neketa꞉ I̱ma꞉ dopi taapeke ekie lea꞉ka꞉na꞉ta꞉ kota꞉ koto someta꞉ Ka̱le̱sete tieke pa꞉ta꞉ mea haena꞉ lelieke. Kutaa make ma꞉nda꞉ epima꞉ ipika꞉ yankeke pa꞉ta꞉ alota꞉ Neketa꞉ you hoke hone wopu na wiki someo lea꞉ka꞉na꞉ta꞉ kota꞉ koto someta꞉ ti to hala꞉ pa꞉ta꞉ pua꞉peke ya꞉la꞉eki teke pa꞉ta꞉ hala꞉me.

Luku 16:30

Hande hamoko halima꞉ ipika꞉ pi hombo peaaso alota꞉ A꞉pa Eipoloha꞉ma꞉o. Kotota꞉ ana꞉ dia꞉me. Pate amba꞉ homeeke hali ma꞉nda꞉ma꞉ paa tiao lolo pea꞉ka꞉na꞉ta꞉ kota꞉ mo haliwekima꞉ ika꞉ hoke hau peleme ekimanu hoki walimikie laa leekeme.

Luku 19:9

Yesuma꞉ mo hali pa꞉ta꞉ alota꞉ Da꞉ta꞉la꞉ ekita꞉ ame do da pa꞉ta꞉ a꞉pa꞉la꞉me. Pa ekipeke do halita꞉ Eipoloha꞉ma꞉na꞉ mondu tanka꞉la꞉ peala꞉ tapake hali yeke loa꞉me.

Luku 3:8

Ika꞉ pimi hoke haumanu paeyao amba꞉ hoki waleme ekina꞉ wanda꞉halima꞉ handena꞉ mo epeke kiliki a꞉ela꞉ tima꞉ pa꞉la꞉eki pina꞉ epeke haumanu pea꞉pa꞉peke. Koto ekina꞉ta꞉ ikana꞉ma꞉ Nika꞉ meita꞉ Eipoloha꞉ma꞉e laa kutupiki pimanu na lapa꞉peke laata꞉ Dionima꞉ iki pa꞉ta꞉ alota꞉ Opua꞉pe. Koda꞉ma꞉ do toopimanu meaata꞉ Eipoloha꞉ma꞉na꞉ mondu semba꞉lala꞉ wanda꞉hali ana꞉na꞉ wepia haena꞉ lapeke ya꞉la꞉me alome.

Dioni 4:10

Yesuma꞉ ipika꞉ pi hombo peaaso alota꞉ Nakana꞉ma꞉ta꞉ Koda꞉ma꞉ kita꞉la꞉ ale make neke pa꞉ta꞉ Ikali ma꞉nda꞉ nono kie laa honke ala꞉ halina꞉ biki make hone wika꞉na꞉ yoluta꞉ kota꞉ naka꞉ honke aleeki ipikana꞉ma꞉ opua da꞉ta꞉la꞉ ikali kulu pia꞉me leekeme.

Dioni 4:14

Kutu piliepate hali epima꞉ I̱ma꞉ halolo ikali naa haya꞉ka꞉na꞉ta꞉ koto halita꞉ ikali nena꞉ paa na pilieke. I̱ma꞉ do alo ekita꞉ do ekina꞉ yeke loa꞉me. I̱ma꞉ halolo ikalita꞉ mo hali tukiki pa꞉ta꞉ pita꞉ opa꞉la꞉ ikali kone pitilieke. Kutupa hande ikalima꞉ta꞉ opolo hata꞉ mo halita꞉ da꞉tao haena꞉ lelieke leekeme.

Dioni 7:37

Mo hande ne pambemekeeki paeyeke natena꞉ nate tieke yeekeme. Koto natena꞉ Yesuma꞉ tia liao hata꞉ pi anekema꞉ alota꞉ Hali epima꞉ ikali nena꞉ pia꞉ka꞉na꞉ta꞉ I̱ pa꞉ta꞉ a꞉pa nea꞉ka꞉na꞉ta꞉ epelieke.

Loma꞉ 4:12

Kutu pa꞉la꞉pate Eipoloha꞉ma꞉ ipikita꞉ mo sekemesaisi hau pea haleme haliwekina꞉ apa꞉ make hala꞉me. Iki sekemesaisi hau pea haleme ekina꞉ dia꞉ya꞉la꞉pate hande nika꞉ apa꞉ Eipoloha꞉ma꞉ma꞉ta꞉ sekemesaisi hau na piki hata꞉ kone hone tulaeyeke tupa꞉ ikana꞉ma꞉ make hone tulaaseme ekina꞉ loa꞉me.

2 Desalonaika 1:8

Kota꞉ ikana꞉ma꞉ta꞉ Koda꞉ hone na pa꞉la꞉ wanda꞉hali make Tekehali Yesuna꞉ Pi Seliapo na opiki wanda꞉hali make ika꞉ hoke yenki haluekema꞉ ti uleke talo talo haena꞉ ipilimikie.

Dia꞉mesi 2:13

Hali ma꞉nda꞉ma꞉ wanda꞉hali pa꞉ta꞉ a꞉ta꞉ma꞉ homa꞉la꞉eki na pu haya꞉ka꞉na꞉ta꞉ wetepe mo hande pi yokaalu pulu pa꞉la꞉ teke halima꞉ mo hau pilie hali pa꞉ta꞉ make a꞉ta꞉ma꞉ na homilieke. Kutu piliepate mo a꞉ta꞉ma꞉ homa꞉la꞉ ekima꞉ta꞉ ipikana꞉ma꞉ panisi pealo pa꞉la꞉ ekita꞉ bepolalieke.

Dia꞉mesi 3:6

Kutupa kekeke make ti tala꞉ ekima꞉ handa꞉la꞉me. Nika꞉ loke pa꞉ta꞉ witolo hata꞉ hoke hau pita꞉la꞉ honemanu u tiaapeke ya꞉la꞉me. Kutupa loke paeyao hoeyao hala꞉me. Kutupa loke pa꞉ta꞉ ti tala꞉ ekima꞉ hando hala꞉me. Kutupa nika꞉ pota꞉ pominoloma꞉eki make yanko hala꞉me. Dupiki ti tala꞉ ekita꞉ ti to hala꞉ alena꞉ ipu hala꞉me.

Peneme Yaeyekeeki 19:20

Mo sayale make mo sayalena꞉ leke popelekena꞉ na handeke haumanu pia꞉ makeaaso potopede hali make dipula minimime. Koto pia꞉ na handeke hau manuma꞉ta꞉ ipikana꞉ma꞉ mo sayalena꞉ tombo ika꞉ wenokona꞉ wimi wanda꞉hali make mo manda꞉ meao wepimi sayale pa꞉ta꞉ yeiya꞉ laaso hata꞉ yeni pimi wanda꞉hali make makeaeya꞉me. Mo sayale tieke hombeleke pita꞉ mo makeaaso potopede hali yaapo pa pitiki oni titipupiki lanka꞉ ma꞉nda꞉ solopa tala꞉ ti uleke kiake pa꞉ta꞉ lopaememe.

Peneme Yaeyekeeki 20:15

Kutupa make ma꞉nda꞉ epi ipika꞉ bikita꞉ mo da꞉ta꞉la꞉ wanda꞉halina꞉ bukana꞉ na laeya꞉ someta꞉ oni ti uleke kiake pa꞉ta꞉ yola꞉ mea lopaeya꞉me.

Peneme Yaeyekeeki 22:1

Mo enisoloma꞉ta꞉ ala꞉ta꞉ ma꞉nda꞉ na ta̱leke kalasima꞉ handeke da꞉ta꞉la꞉eki kita꞉la꞉ ikali yopulu hala꞉ I̱ pa꞉ta꞉ walea꞉me. Mo ikalita꞉ oli Koda꞉ pita꞉ Sipisipi Ma꞉na꞉ Ikiki yaapona꞉ kini sea pa꞉ta꞉ yama꞉ epea꞉me.