Luku 16:23 - Panake Pi La: Ula: Buka pita: Kine Pieke Buka

²³ Hande hamoko halita꞉ oni ti to hala꞉ ale pa꞉ta꞉ puaata꞉ tanda tieke minolo hata꞉ handa꞉liaeyekepate Eipoloha꞉ma꞉ La꞉satesi yaapo lopula alu pea pitipikieki papate haepekeeki handeekeme.

Luku 16:23 ပူးပေါင်းရင်းမြစ်များ

Ma꞉tiu 11:23

A꞉pei Kapeneamio. Naka꞉ honema꞉ neketa꞉ oli hepeni nane naka꞉ kone mea a꞉meiyalueke hone wilipe. O dia꞉me. Neketa꞉ ti to hala꞉ ale pa꞉ta꞉ mea tapaalieke. I̱ma꞉ neke pa꞉ta꞉ pua꞉ na handeke haumanu a꞉nda꞉ mo hande Sodomo daoni pa꞉ta꞉ pua꞉ka꞉na꞉ yoluta꞉ kota꞉ koto data꞉ ame pa hao halo pia꞉me.

Ma꞉tiu 18:9

Naka꞉ lekema꞉ hoke hau puelena꞉ lea꞉ka꞉na꞉ta꞉ kota꞉ koto leke yoka꞉ mea baapeke. Leke homeke homeke hata꞉ deto hala꞉eki mika꞉na꞉ta꞉ kota꞉ ota꞉ epelieke. Leke yaapo pa haena꞉ lo pea haeka꞉na꞉ta꞉ ikana꞉ma꞉ neke mo ti to hala꞉ ale pa꞉ta꞉ mea lopaemeka꞉na꞉ta꞉ kota꞉ ota꞉ hoelieke.

Ma꞉tiu 23:33

Ikita꞉ keto manuna꞉ eiyeke tonu kone keto halememe. Ikana꞉ma꞉ta꞉ iki mo ti to hala꞉ ale pa꞉ta꞉ pomena꞉ tapaalo pa꞉la꞉ ekita꞉ ekieki pa wendulumeke hone wilimipe.

Ma꞉tiu 5:22

Pa ameta꞉ I̱ma꞉ iki pa꞉ta꞉ alota꞉ Epima꞉ ipika꞉ yankeke pa꞉ta꞉ mineke pankea꞉ka꞉na꞉ta꞉ kota꞉ ipikita꞉ pi yokaaluna꞉ mea haena꞉ lelieke. Kutupa hali ma꞉nda꞉ epima꞉ ipika꞉ yankeke pa꞉ta꞉ alota꞉ Neketa꞉ I̱ma꞉ dopi taapeke ekie lea꞉ka꞉na꞉ta꞉ kota꞉ koto someta꞉ Ka̱le̱sete tieke pa꞉ta꞉ mea haena꞉ lelieke. Kutaa make ma꞉nda꞉ epima꞉ ipika꞉ yankeke pa꞉ta꞉ alota꞉ Neketa꞉ you hoke hone wopu na wiki someo lea꞉ka꞉na꞉ta꞉ kota꞉ koto someta꞉ ti to hala꞉ pa꞉ta꞉ pua꞉peke ya꞉la꞉eki teke pa꞉ta꞉ hala꞉me.

Ma꞉tiu 5:29

Koto ekina꞉ta꞉ naka꞉ popeke nane lekema꞉ neke hoke hau puelena꞉ yeke neke yolea꞉ka꞉na꞉ta꞉ kota꞉ koto leke yokaa baapeke. Pa ekipeke. Naka꞉ loke tieke tonka꞉na꞉ ti to hala꞉ alena꞉ puaama꞉na꞉ mo naka꞉ lokesiki homeke ma꞉nda꞉ alupao haeka꞉na꞉ta꞉ ota꞉ epilieke.

Ma꞉tiu 8:29

Koto hali yaapoma꞉ Yesu handolo hata꞉ koto kone wi la alota꞉ Koda꞉na꞉ Eiyekeo. Niki pa꞉ta꞉ eki hau puluekema꞉ ipulipe laa Mo hande niki hoeyaalo pa꞉la꞉ nate a̱i̱ na epeke haena꞉ niki hoeyaaluekema꞉ a꞉pa pipe lemekeme.

Luku 16:24

Koto ekina꞉ ipikana꞉ma꞉ anekema꞉ wi alo hata꞉ alota꞉ Apa꞉ Eipoloha꞉ma꞉o. I̱ pa꞉ta꞉ a꞉ta꞉ma꞉ homa꞉e. Do ti to hala꞉ ekima꞉ I̱ tanda tieke peaasa꞉ ekina꞉ La꞉satesima꞉ ipika꞉ kiki ma̱lekema꞉ ikali pa꞉ta꞉ tenke lao yaka kekeke kosa꞉ pina꞉yeke wataena꞉ tapae laa leekeme.

Luku 16:28

Koto pa꞉ta꞉ta꞉ yaka kame tonu yunki hata꞉ halemema꞉ iki make do tanda pu hala꞉ alena꞉ a꞉paama꞉na꞉yeke La꞉satesima꞉ kinki pulu pena꞉yeke loa꞉me leekeme.

Luku 8:28

Ipikana꞉ma꞉ Yesu handaata꞉ wi tieke alo hata꞉ Yesuna꞉ anke pa꞉ta꞉ handa꞉niao kenkena꞉ tu lopaata꞉ wi anekema꞉ pa alo alota꞉ Yesuo. Neketa꞉ Koda꞉ Manda Hala꞉ Tiekena꞉ Eiyekee. Nakana꞉ma꞉ I̱ yaapo eki hau puluekema꞉ pitelepe. Nakana꞉ma꞉ I̱ pa꞉ta꞉ tanda na kia꞉pee laa honke leekeme.

1 Kotindi 15:55

Homa꞉la꞉ekio. Naka꞉ wanda꞉hali pa homao bepolaalo pa꞉la꞉ ekita꞉ handope. Homa꞉la꞉ekio. Naka꞉ tanda peao homaaluekema꞉ wele peaasa꞉ ekita꞉ handope laa wape pa꞉la꞉me.

2 Pida 2:4

Koda꞉ma꞉ta꞉ mo hoke hau pieke enisolo manuna꞉ yenkita꞉ pa na mina꞉pa꞉lae yekepate ikita꞉ oni ti uleke pa꞉ta꞉ hoto paeyao seni puma꞉ tonkao timba꞉ la꞉papeke pa꞉ta꞉ haena꞉ la꞉la꞉me. Koto pa꞉ta꞉ta꞉ iki pi yokaalu pulu peleme nate yu wia haena꞉ la꞉la꞉me.

Peneme Yaeyekeeki 20:10

Kutupa mo wanda꞉hali makeaeya꞉ Sadanita꞉ oni ti uleke kiake make titipupiki lanka꞉ ma꞉nda꞉ biki solopa pa꞉ta꞉ yola꞉ mea lopaeya꞉me. Kotota꞉ amba꞉ hande sayale tieke hombeleke make mo makeaaso potopede hali make lopala꞉ pa꞉ta꞉e. Kutupa ikita꞉ timba꞉ ala꞉eki make natepa yolao hoto paeyao puki tandama꞉ homo halimikie.