Luku 15:5 - Panake Pi La: Ula: Buka pita: Kine Pieke Buka

⁵ Kutupa handa꞉ wiata꞉ ta꞉na꞉ma꞉ homolo hata꞉ hande sipisipi ma꞉na꞉ hopula꞉ mea

Luku 15:5 ပူးပေါင်းရင်းမြစ်များ

Luku 15:4

Iki pa꞉ta꞉ hala꞉ hali homekema꞉ ipika꞉ sipisipi ma꞉na꞉ titi 100 halia꞉pate homeke alu pia꞉ka꞉na꞉ta꞉ pa eki pilia꞉pe. Mo pa hala꞉ 99 sipisipi ma꞉na꞉ manuta꞉ ambu nalo haena꞉ mo hande alupia꞉ ekita꞉ ota꞉ handa꞉ uluekema꞉ weilu pelieke leekeme.

Luku 15:6

peiyokona꞉ tia da pelieke. Kutupa ipika꞉ yankeke titi make ipika꞉ da wanda꞉hali make paeyao ipupe laa wi alota꞉ Hande alupia꞉ ma꞉na꞉ homeketa꞉ handa꞉ ua꞉ma꞉ niki paeyaoma꞉ ta꞉na꞉ma꞉ homomana꞉e laa lelieke.

Luku 19:9

Yesuma꞉ mo hali pa꞉ta꞉ alota꞉ Da꞉ta꞉la꞉ ekita꞉ ame do da pa꞉ta꞉ a꞉pa꞉la꞉me. Pa ekipeke do halita꞉ Eipoloha꞉ma꞉na꞉ mondu tanka꞉la꞉ peala꞉ tapake hali yeke loa꞉me.

Luku 23:43

Kutupa Yesuma꞉ ipiki pa꞉ta꞉ alota꞉ I̱ma꞉ neke pa꞉ta꞉ ota꞉ pi la꞉ witolome. Ame do natena꞉ kone I̱ yaapo oli Pa꞉ta꞉daisi nane mandakena꞉ halupeke leekeme.

Dioni 15:11

Do aloma꞉ pi manuta꞉ yaka ta꞉na꞉ma꞉ homoloeki iki pa꞉ta꞉ witolo hata꞉ ika꞉ ta꞉na꞉ma꞉ homelemeeki tumba pitina꞉yeke iki pa꞉ta꞉ alome.

Epesese 2:10

Koda꞉ta꞉ niki wepia hamono la꞉la꞉ Halie. Ipikana꞉ma꞉ta꞉ nikita꞉ Yesu Ketiso yaapo ta꞉ma꞉ni pea hata꞉ epeke haumanu pu hamonoyeke nikita꞉ panake wanda꞉hali wepia hamono la꞉la꞉me. Nikana꞉ma꞉ kutupiki hau peomonoyeke Koda꞉ma꞉ amba꞉ kone pota꞉ pilao pa꞉la꞉me.

Epesese 3:7

I̱ma꞉ta꞉ hande Pi Seliapo walolo e pokaaso ekita꞉ Koda꞉ma꞉ wele pitolo hata꞉ I̱ pa꞉ta꞉ kia꞉me.

1 Desalonaika 1:5

Hande Pi Seliapota꞉ nikana꞉ma꞉ iki pa꞉ta꞉ mea epoma꞉pate pa pahameke ala꞉ pimanu na mea epeketa꞉ ota꞉ wele tonka꞉na꞉ Holi Sipitidi tonka꞉na꞉ do pita꞉ ota꞉eki laa hone wotu wia mea epoma꞉me. Iki ame̱le̱ hata꞉ pia꞉tiki puma꞉ haumanu make ikana꞉ma꞉ handememe. Iki epeaalo pieki pitolo puma꞉me.

2 Timodi 2:26

kota꞉ ika꞉ honemanu paa epeke tupa꞉ mea lopao wilimikie. Kutu pimikina꞉ta꞉ kota꞉ ikana꞉ma꞉ Sadanina꞉ hone pa꞉la꞉eki peaena꞉ miniki hala꞉ bisale pa꞉ta꞉ pambelemeeki hola꞉pa yopua halimikie.

Hibulu 12:2

Kutu puluekema꞉ta꞉ kota꞉ Yesuta꞉ nika꞉ hone tulaasa꞉ ekina꞉ kini pu mea pua ana꞉ lawalo pa꞉la꞉ teke hali hala꞉ ekina꞉ ipiki homeke handa꞉ paleke pomana꞉e. Ipikana꞉ma꞉ mo hande a꞉ka꞉tei wape piki ti yeke handaata꞉ pa pina꞉ na kiaeyekeme. Dia꞉me. Ipika꞉ pua mulu pieke ta꞉na꞉ma꞉ homa꞉la꞉ hau tieke handeeke ekima꞉ mo hande a꞉ka꞉tei wape piki tina꞉ homa꞉peke ekina꞉ yaala꞉ mea꞉peke ekina꞉ta꞉ hone ma꞉nda꞉ na wiekeme. Kutaa ameta꞉ ipikana꞉ma꞉ Koda꞉na꞉ pila꞉ ale tieke popeke nanema꞉ tilao pila꞉me.

1 Pida 1:5

Koda꞉na꞉ pa꞉ta꞉la꞉la꞉ ekita꞉ mo paetolo natena꞉ peneme yao opolo epena꞉ ana꞉lao hala꞉me. Koto ekina꞉ ikana꞉ma꞉ do pa꞉ta꞉ la꞉la꞉ ekita꞉ muluekema꞉ yu wia haaso hata꞉ta꞉ ika꞉ Koda꞉ pa꞉ta꞉ hone tulaasemeke handa ipika꞉ wele pita꞉la꞉ ekima꞉ta꞉ iki handeteke hala꞉me.