Luku 15:31 - Panake Pi La: Ula: Buka pita: Kine Pieke Buka

^31-32 Koto leeke handa atekema꞉ ipika꞉ pi hombo peaaso hata꞉ alota꞉ Yaka wekio. Neketa꞉ do pa꞉ta꞉ diki mandake hata꞉ I̱ma꞉ wia halo alemanu paeyaota꞉ naka꞉ ekie. Koto pa꞉la꞉pate naka꞉ kameta꞉ amba꞉ homea꞉pate kone ameta꞉ paa tiaala꞉me. Alupia꞉pate kone ameta꞉ paa handa꞉ ulume. Koto ekina꞉ta꞉ ne pambolo hata꞉ ta꞉na꞉ma꞉ homoloma꞉ ekita꞉ ota꞉ pea꞉peke ekina꞉ puma꞉me laa leekeme leekeme.

Luku 15:31 ပူးပေါင်းရင်းမြစ်များ

Luku 15:30

Pate koto hande naka꞉ wekima꞉ naka꞉ mani mea puata꞉ mo hambo haleme wandiki titi pa꞉ta꞉ ba tapao pua paa da a꞉pa꞉leke kone nakana꞉ma꞉ hande imeke wotu piki kao ikiki liaaleme leekeme.

Dioni 8:35

Kutu piki halita꞉ ipika꞉ teke halina꞉ tapake ame̱le̱ hoto paeyao na hao hatiki piliepate teke halina꞉ eiyeketa꞉ hoto paeyao hao halieke.

Loma꞉ 11:1

Koto pa꞉la꞉ ekina꞉ I̱ma꞉ lota꞉ pitolo ekita꞉ dupa. Koda꞉ma꞉ta꞉ ota꞉ ipika꞉ wanda꞉hali kiaeyekepe. Ota꞉ dia꞉me. I̱ kone Isulai hali hata꞉ Eipoloha꞉ma꞉ta꞉ yaka apa꞉mei hayekepate I̱ta꞉ Benisamini tapake hali halome.

Loma꞉ 11:35

Hali epima꞉ Koda꞉ pa꞉ta꞉ ipika꞉ tondiki wina꞉ loluekema꞉ pa ipiki pa꞉ta꞉ ala꞉ta꞉ ma꞉nda꞉ pa hameke haleekepe laa wape pa꞉la꞉me.

Loma꞉ 9:4

Ikita꞉ Koda꞉ma꞉ talopu mea haena꞉ la꞉la꞉ wanda꞉halie. Ipikana꞉ma꞉ ikita꞉ ipika꞉ wekiwandiki haena꞉ laata꞉ iki pa꞉ta꞉ ipika꞉ pa̱a̱ pa꞉la꞉eki waleekeme. Ipikana꞉ma꞉ iki pa꞉ta꞉ mandane pimanu la꞉ wia꞉tiki pea hande Lo Pimanu la kia꞉tiki pea ipiki pa꞉ta꞉ panda꞉puniao ota꞉ yeni pea꞉pekeeki walaata꞉ iki pa꞉ta꞉ kulu pieke ekimanu la꞉ wia꞉tiki piekeme.