Luku 15:2 - Panake Pi La: Ula: Buka pita: Kine Pieke Buka

² hande Pa꞉tisi haliwekima꞉ make mo hande Lo Pi walo haemeke haliwekima꞉ make kotoeki handaata꞉ pi la la pitolo hata꞉ ika꞉ kone alota꞉ Do halima꞉ta꞉ mo hoke haliweki handa꞉ mea꞉tiki pea ne kone homeke pa꞉ta꞉ netiki pitelememe laa lemeke handa

Luku 15:2 ပူးပေါင်းရင်းမြစ်များ

Ma꞉tiu 11:19

Pate Wanda꞉halina꞉ Eiyeke a꞉pa ikali ne yaapo no hayeke ekita꞉ koto wanda꞉halima꞉ kone handolo alota꞉ Do hali handa꞉pe. Ipikita꞉ ikali ne wopu no hake some ya꞉ka꞉ta꞉me. Kutupa ipikita꞉ mo hande dakisi mu make hoke hau pu haleme haliweki ame̱le̱ apa꞉taala꞉me lemekeme. Kota꞉ mo hone wiki hauma꞉ta꞉ ipika꞉ pu hala꞉eki manuma꞉ ipika꞉ honeta꞉ ota꞉ epeke hone o hoke hone laa pa peneme yaasa꞉me.

Ma꞉tiu 9:11

Kutu pimikieki mandane Pa꞉tisi haliwekima꞉ handolo hata꞉ ipika꞉ disaipolo haliweki pa꞉ta꞉ alota꞉ Ekipeke mo ika꞉ disama꞉ mo dakisi mani mu haleme haliweki mo hoke haliweki ame̱le̱ ne no pilimipe lemekeme.

Luku 15:3

Yesuma꞉ ika꞉ pi hombo peaaso onkoluma꞉ dupa leekeme.

Luku 19:7

Wanda꞉hali paeyaoma꞉ Kutu piekeeki hando haota꞉ hambilikima꞉ hambilikima꞉ pitolo alota꞉ Do halita꞉ mo hande hoke hau pa꞉la꞉ halina꞉ da pa꞉ta꞉ kimisu pula꞉me lemekeme.

Luku 5:30

Kutupa mandane Pa꞉tisi haliweki manuma꞉ make iki ame̱le̱ apa꞉taemeke mandane Lo Pi wala꞉la꞉ haliwekima꞉ make Yesuna꞉ disaipolo haliweki pa꞉ta꞉ ka꞉nda꞉ piki pimanu lota꞉ pitolo hata꞉ alota꞉ Mo dakisi mani mu haleme haliweki make mo hoke hauma꞉ ha̱i̱ pieke handaa mina꞉pa꞉laemeke wanda꞉hali ame̱le̱ mandake pa꞉ta꞉ pita꞉ ne ikalimanu ekipeke nalemepe laa lota꞉ pimikime.

Luku 7:34

Koto lemepate mo Wanda꞉halina꞉ Eiyeke ipiki a꞉paata꞉ ne make ikali a꞉pa na꞉tiki pieke handaata꞉ ikana꞉ma꞉ alota꞉ Do hali handa꞉pa꞉ ikali ne wopu no hake some ya꞉ka꞉ta꞉me. Kutupa ipikita꞉ mo dakisi mani mu haleme haliweki make mo wanda꞉halima꞉ ta꞉na꞉ma꞉ na homeleme tapekena꞉ yankeke hala꞉me laa lememe

Luku 7:39

Mo hande Pa꞉tisi halima꞉ kotoeki handaata꞉ ipika꞉ honema꞉ kone alota꞉ Do halita꞉ Koda꞉na꞉ potopede hali ya꞉ka꞉na꞉ yoluta꞉ ipikana꞉ma꞉ ipikita꞉ do wanda꞉ma꞉ wataasa꞉me laa peneme handolo pia꞉me. Ipikana꞉ma꞉ koto wanda꞉na꞉ pa꞉la꞉ hoke hauta꞉ hone ulu pia꞉me laa hone wiekeme.

Aposolo 11:3

Nakana꞉ma꞉ta꞉ mo sekemesaisi hau na piki Diendaili haliwekina꞉ da pa꞉ta꞉ pelia hao ne mandakena꞉ nemekeme la lemekeme.

Ka꞉leisia 2:12

Dia꞉mesima꞉ tapaeyeke haliweki na opolo epeke haena꞉ta꞉ Pidama꞉ mo Diendaili Ketiso kametonu ame̱le̱ mandakena꞉ pita꞉ ne nemekepate pa mo haliweki opolo a꞉pa haemeketa꞉ Pidama꞉ mo Ketiso tapake paeyao sekemesaisi hau pumana꞉e lo haleme tapake haliweki pa꞉ta꞉ paala꞉ma꞉ homeke ekina꞉ ipikita꞉ mo Diendaili Ketiso tapake ame̱le̱ apa꞉tao pita꞉ ne na neke yola꞉ tapao pitiekeme.

1 Timodi 1:15

Ota꞉ opua hone tulaapeke ya꞉la꞉ ota꞉ pi ma꞉nda꞉ta꞉ dupa. Ketiso Yesuma꞉ hoke hau pu haloma꞉ wanda꞉hali da꞉taaluekema꞉ yeke do kenkena꞉ epeekeme. Koto ekina꞉ mo hoke hau wopu pita꞉la꞉ halita꞉ I̱ ya꞉pate