Luku 15:13 - Panake Pi La: Ula: Buka pita: Kine Pieke Buka

¹³ Kutupa mo wetepe wekima꞉ta꞉ nate tepomanu haota꞉ ipika꞉ mieke ekita꞉ ma꞉nda꞉ma꞉ hambena꞉ laata꞉ koto mani mea da mina꞉pa꞉lao da yu ma꞉nda꞉ papate hayeke da nane peekeme. Koto nane puata꞉ na tiaake haumanu pitolo hata꞉

Luku 15:13 ပူးပေါင်းရင်းမြစ်များ

Luku 15:12

mo wetepe wekima꞉ ateke pa꞉ta꞉ alota꞉ Apa꞉o I̱ma꞉ wetepena꞉ naka꞉ anke teke mulu polo ala꞉ta꞉ ala꞉ta꞉ ame do kone telipa kuelena꞉e laa honke leekeme. Koto ekina꞉ hande atekema꞉ ipika꞉ ala꞉ta꞉ ala꞉ta꞉ mo weki yaapo pa꞉ta꞉ teli paeyekeme.

Luku 15:14

ipika꞉ mani paeyao batiki pu hayekeme. Kotoeki pu paeyao haena꞉ta꞉ koto kenke pa꞉ta꞉ tea꞉ ki tieke epeeketa꞉ mo wekita꞉ ala꞉ta꞉ ma꞉nda꞉ na miniki pa hayekeme.

Luku 15:30

Pate koto hande naka꞉ wekima꞉ naka꞉ mani mea puata꞉ mo hambo haleme wandiki titi pa꞉ta꞉ ba tapao pua paa da a꞉pa꞉leke kone nakana꞉ma꞉ hande imeke wotu piki kao ikiki liaaleme leekeme.

Luku 16:1

Yesuma꞉ ipika꞉ hoki nane telimiki haliweki pa꞉ta꞉ dupa leekeme. Amba꞉ a꞉nda꞉ hamoko hali ma꞉nda꞉ ipika꞉ ala꞉ta꞉ ala꞉ta꞉ handeteke haena꞉ta꞉ hali ma꞉nda꞉ mea haena꞉ leekeme. Kutupa koto mieke halima꞉ mo ipika꞉ teke halina꞉ mani mea bepolaasa꞉me laa hali ma꞉nda꞉ma꞉ mo teke hali pa꞉ta꞉ la haleekeme.

Luku 16:19

Amba꞉ hamoko hali ma꞉nda꞉ma꞉ yenki tiekema꞉ hambeeke dau seliapo pikieki pambatiki peata꞉ nate paeyao epeke epeke nemanu na꞉tiki pu hayekeme.

Epesese 2:13

Koto tupa꞉ pa haemekepate ameta꞉ Yesu Ketiso yaapo ta꞉ma꞉ni pea hata꞉ta꞉ ika꞉ ta꞉ta꞉ papate haemeke wanda꞉hali kone Ketiso ipika꞉ we lopeeke ekina꞉ iki mea a꞉pa Koda꞉ teke pa꞉ta꞉ hamina꞉ la꞉la꞉me.

Epesese 2:17

Koto ekina꞉ Ketisoma꞉ a꞉pata꞉ hande a꞉nda꞉ peliaasa꞉ Pi Seliapo paeyao pa꞉ta꞉ waleekeme. Diendaili wanda꞉halio Koda꞉ teke pa꞉ta꞉ na hake ta꞉ta꞉ papate hamina꞉ kone iki pa꞉ta꞉ waleekeme. Diu wanda꞉halio Koda꞉ teke pa꞉ta꞉ hamina꞉ kone iki pa꞉ta꞉ make waleekeme.

2 Pida 2:13

Kutupa ikana꞉ma꞉ ma꞉nda꞉ pa꞉ta꞉ tanda piki haumanu peleme ekina꞉ iki make koto tupa꞉ kone tanda piki yenki kilieke. Ika꞉ ta꞉na꞉ma꞉ homa꞉la꞉ ekita꞉ ika꞉ lokena꞉ na꞉na꞉ pa꞉la꞉eki tumbaaluekema꞉ mo pa̱a̱na꞉ hata꞉ yaala꞉ma꞉ na homeke anemone hau pu halememe. Ika꞉ yayapiki pota꞉ manuna꞉ ta꞉na꞉ma꞉ homo hata꞉ iki ame̱le̱ ne mandakena꞉ apa꞉tao nalemeketa꞉ iki tukiki pa꞉ta꞉ ha̱i̱ peao hondo pilake nono pelememe.