Luku 15:10 - Panake Pi La: Ula: Buka pita: Kine Pieke Buka

¹⁰ Koto tupa꞉ kone hoke hali homekema꞉ Koda꞉ pa꞉ta꞉ hone ma꞉nda꞉ la꞉ka꞉lea꞉ka꞉na꞉ta꞉ kota꞉ oli Koda꞉na꞉ enisolo manuma꞉ koto ekina꞉ta꞉ ta꞉na꞉ tiekema꞉ homilimikie laa leekeme.

Luku 15:10 ပူးပေါင်းရင်းမြစ်များ

Ma꞉tiu 10:32

Ma꞉nda꞉ epima꞉ wanda꞉halina꞉ leke popelekena꞉ peneme yaaso hata꞉ I̱ta꞉ Ketisona꞉ halie lea꞉ka꞉na꞉ta꞉ kota꞉ I̱ma꞉ make mo ya hepeni hala꞉ Apa꞉na꞉ leke poto poto hata꞉ ipiki pa꞉ta꞉ make homeke hau kone pulueke.

Ma꞉tiu 18:10

Ikana꞉ma꞉ dupiki wekiwandiki sunu pa꞉ta꞉ pa alema꞉ handali mina꞉ma꞉ wopu handeteke hapa꞉peke alome. Pa ekipeke. Mo wekiwandiki ika꞉ hepeni hala꞉ enisolo tonuma꞉ mo ya hepeni hala꞉ Apa꞉na꞉ leke popelekena꞉ teke pa꞉ta꞉ hata꞉ handeteke hao halememe alome.

Ma꞉tiu 18:14

Pa do mandake tupa꞉ kone mo naka꞉ hepeni hala꞉ Apa꞉ma꞉ make do wekiwandiki sunu homeke ma꞉nda꞉ alu pina꞉ hone na pa꞉la꞉me alome leekeme.

Luku 12:8

Yesuma꞉ alota꞉ I̱ma꞉ iki pa꞉ta꞉ ota꞉ pi alome. Ma꞉nda꞉ epima꞉ wanda꞉halina꞉ leke popelekena꞉ peneme yaaso hata꞉ I̱ta꞉ Ketisona꞉ halie lea꞉ka꞉na꞉ta꞉ kota꞉ mo Wanda꞉halina꞉ Eiyekema꞉ make mo Koda꞉na꞉ enisolo manuna꞉ leke popelekena꞉ make homeke hau kone pilieke.

Luku 12:9

Pate ma꞉nda꞉ hali epima꞉ wanda꞉halina꞉ leke pototona꞉ hata꞉ yaka biki na leke kiaeya꞉ka꞉na꞉ta꞉ kota꞉ mo Wanda꞉halina꞉ Eiyekema꞉ta꞉ Koda꞉na꞉ enisolo manuna꞉ leke pototona꞉ hata꞉ ipika꞉ biki make na leke kiaalieke.

Luku 13:5

Ota꞉ dia꞉me. I̱ma꞉ iki pa꞉ta꞉ ota꞉ loa꞉me. Iki make ika꞉ piteleme hoke haumanu na kiaemeka꞉na꞉ta꞉ kota꞉ koto tapake homemeke tupa꞉ kone homilimikie leekeme.

Luku 15:11

Kutupa Yesuma꞉ pi ma꞉nda꞉ alo hata꞉ alota꞉ Hali homeke ma꞉nda꞉ ipika꞉ eiyeke yaapo ame̱le̱ haemekepate

Luku 15:7

I̱ma꞉ iki pa꞉ta꞉ ota꞉ pi alome. Koto tupa꞉ kone oli hepeni naneta꞉ pa mandane 99 hone ma꞉nda꞉ na la꞉ka꞉lapeke epeke tupa꞉ haleme wanda꞉hali pa꞉ta꞉ ta꞉na꞉ma꞉ make homelemepate pa mo hoke hali homekema꞉ hone la꞉ka꞉lea꞉ka꞉na꞉ta꞉ kota꞉ oli hepeni naneta꞉ ota꞉ ta꞉na꞉ tiekema꞉ homilimikie laa leekeme.

Luku 15:9

Kutupa hande mani siki handa꞉ wiata꞉ ipika꞉ yankeke make ipika꞉ da wanda꞉hali make paeyao ipupe laa wi alota꞉ Hande alupia꞉ mani homeketa꞉ handa꞉ ua꞉ma꞉ niki paeyaoma꞉ ta꞉na꞉ma꞉ homomana꞉ pipe laa lelieke. Koto ekina꞉ I̱ma꞉ iki pa꞉ta꞉ ota꞉ pi dupa alome.

Luku 7:47

I̱ma꞉ neke pa꞉ta꞉ alome. Ipika꞉ pukima꞉ homa꞉la꞉eki tieke I̱ pa꞉ta꞉ peneme yaala꞉ ekima꞉ta꞉ ipika꞉ wopu pa꞉la꞉ hoke hauta꞉ do paeta꞉la꞉ handa꞉e laa wala꞉la꞉me. Koto pa꞉la꞉pate ma꞉nda꞉ma꞉ ipika꞉ hoke hau hosikale siki kone Koda꞉ma꞉ paeyaowaya꞉ka꞉na꞉ta꞉ kota꞉ ipikana꞉ma꞉ Koda꞉ pa꞉ta꞉ta꞉ puki hosikale siki halieke leekeme.

Aposolo 11:18

Mo haliwekima꞉ Pidama꞉ leekeeki opuaata꞉ ika꞉ lota꞉ lota꞉ pimiki pimanu tunkulata꞉ Koda꞉na꞉ pi laaso hata꞉ alota꞉ Koda꞉ma꞉ta꞉ mo Diendaili wanda꞉halima꞉ make hone ma꞉nda꞉ la꞉ka꞉la꞉ mina wia da꞉ta꞉la꞉eki mea꞉pa꞉peke pota꞉ lombolo piekeme lemekeme.

Aposolo 5:19

Kutu pimikipate koto timbata꞉ Tekehali ipika꞉ enisolo ma꞉nda꞉ma꞉ mo dipula da pota꞉ lomba꞉ mea hande aposolo haliweki hama꞉ nane hatuku pua iki pa꞉ta꞉ alota꞉

2 Kotindi 7:10

Pa ekipeke mo Koda꞉ma꞉ homo tiaasa꞉ ka꞉nda꞉ma꞉ta꞉ puki topo peaasa꞉eki mea ipulu hata꞉ da꞉ta꞉monoyeke pa꞉ta꞉la꞉la꞉eki pa꞉ta꞉ hatuku pula꞉mee. Koto ekina꞉ta꞉ ma꞉nda꞉ma꞉ koto pa꞉ta꞉ta꞉ I̱ hoeyaasa꞉ ekie pi ma꞉nda꞉ lapeke na ya꞉la꞉me. Pate do kenkena꞉ hau pa꞉ta꞉ ipula꞉ ka꞉nda꞉ma꞉ta꞉ homa꞉la꞉eki handa꞉ u hala꞉me.

Pailimono 1:15

Onisimasima꞉ neke mina꞉pa꞉lake hauta꞉ pa nate hosikima꞉ homeke pia꞉pate paa handa꞉ mika꞉na꞉ta꞉ kota꞉ hoto paeyaota꞉ neke yaapo hao halieke.

Hibulu 1:14

Mo enisolo paeyaota꞉ Koda꞉na꞉ deto hala꞉eki mulu peleme wanda꞉halina꞉ pa꞉ta꞉la꞉la꞉ temokomanu na halemeke yekea.