Luku 14:32 - Panake Pi La: Ula: Buka pita: Kine Pieke Buka

³² Ipika꞉ honema꞉ ipikita꞉ ana꞉ na polome hone wia꞉ka꞉na꞉ta꞉ kota꞉ mo hande kini halita꞉ papate haena꞉ kone ipika꞉ kinki haliweki tapaaso hata꞉ alota꞉ A꞉nda꞉ pao polupana꞉ pi minalu pupana꞉e laa pi tapaalieke.

Luku 14:32 ပူးပေါင်းရင်းမြစ်များ

Ma꞉tiu 5:25

Hali ma꞉nda꞉ma꞉ neke yaapo pi yokaalu puluekema꞉ hatuku pea꞉ka꞉na꞉ta꞉ kota꞉ koto pota꞉na꞉ pulu hata꞉ kone ipiki yaapo koto kone tikitiki yao epeapa꞉peke. Kotoeki na pika꞉na꞉ta꞉ kota꞉ ipikana꞉ma꞉ neketa꞉ mo pi yokaalu pita꞉la꞉ ekina꞉ you hali pa꞉ta꞉ halieke. Kutaa mo you halima꞉ta꞉ mo polisi haliweki pa꞉ta꞉ neke halieke. Kutu pia꞉ka꞉na꞉ta꞉ mo polisi haliwekima꞉ neke dipula mea pitalieke.

Ma꞉tiu 5:42

Ma꞉nda꞉ma꞉ neke pa꞉ta꞉ ala꞉ta꞉ ma꞉nda꞉ honke lea꞉ka꞉na꞉ta꞉ hala꞉peke. Kutupa make naka꞉ ala꞉ta꞉ ma꞉nda꞉ ta꞉ka꞉li kie lea꞉ka꞉na꞉ta꞉ kota꞉ pa ta꞉ka꞉li hala꞉peke.

Luku 12:58

Hali ma꞉nda꞉ma꞉ neketa꞉ pi yokaaluna꞉ hatuku poluekema꞉ pia꞉ka꞉na꞉ta꞉ kota꞉ a̱i̱ na peke hata꞉ kone nakana꞉ma꞉ tiki tiki yaaluekema꞉ taapa꞉peke. Nakana꞉ma꞉ koto hau na pika꞉na꞉ta꞉ kota꞉ ipikana꞉ma꞉ neketa꞉ oli pi yokaalu pu hala꞉ hali teke pa꞉ta꞉ yola꞉ mea puaata꞉ pa koto halima꞉ta꞉ mo polisi haliwekina꞉ kikina꞉ mea halaata꞉ neketa꞉ dipula da pa꞉ta꞉ mea pitalieke.

Luku 14:31

Kini hali ma꞉nda꞉ma꞉ ipika꞉ 10 daoseni haliweki a꞉nda꞉ mea kini hali ma꞉nda꞉ ame̱le̱ a꞉nda꞉ puluekema꞉ polo pa꞉la꞉pate pa mo kini hali ma꞉nda꞉na꞉ haliwekita꞉ 20 daoseni haliweki ya꞉ka꞉na꞉ta꞉ kota꞉ mo titina꞉ kinima꞉ta꞉ titina꞉ amba꞉la pita꞉ ipika꞉ honema꞉ tumaaso hata꞉ta꞉ Mo kini yaapota꞉ a꞉nda꞉ puluekema꞉ta꞉ I̱ta꞉ ana꞉ polopema꞉ hone wilieke.

Luku 14:33

Yesuma꞉ a꞉mbolo hata꞉ alota꞉ Koto tupa꞉ kone iki ma꞉nda꞉ epima꞉ yaka hoki nane telia꞉ mea ipulueke hone wia꞉ka꞉na꞉ta꞉ kota꞉ ipika꞉ hone pa꞉la꞉ ale paeyao mina꞉pa꞉lao I̱ telia꞉ mea ipilieke leekeme.

Luku 19:14

Koto laa peekepate mo hande halina꞉ da haliwekima꞉ ipiki honditi pitolo hata꞉ ipika꞉ peeke hoki nane mandane haliwekima꞉ pua lena꞉ tapaaso alota꞉ Do halita꞉ nika꞉ kini hali pitaapeketa꞉ nikita꞉ ki pa꞉la꞉me laa lolo pena꞉ tapaemekeme.

Aposolo 12:20

Hetodima꞉ Taiya Saidoni da yaapo pa꞉ta꞉ haemeke wanda꞉hali pa꞉ta꞉ mineke tieke wopu pankeekeme. Koto ekina꞉ mo da yaapo pa꞉ta꞉ haemeke mandane haliwekima꞉ apa꞉tao Hetodi handolo pemekeme. Titina꞉ amba꞉la mo kini halina꞉ da handeteke hayeke hali Ba꞉lasitusita꞉ ika꞉ a꞉nda꞉ liaena꞉yeke ipiki ame̱le̱ pi lolo pemekeme. Mo halima꞉ ika꞉ pi opiekeme. Kotoeki pea꞉ta꞉ a꞉nda꞉ polumana꞉e laa Hetodi pa꞉ta꞉ honke lolo pemekeme. Ika꞉ wanda꞉halina꞉ neta꞉ Hetodima꞉ handeteke hayeke kenke pa꞉ta꞉ mu haemeke ekina꞉yeke lemekeme.