Luku 14:11 - Panake Pi La: Ula: Buka pita: Kine Pieke Buka

¹¹ Ekipeke. Ma꞉nda꞉ epima꞉ ipikita꞉ aneke hali au lea꞉ka꞉na꞉ta꞉ kota꞉ Koda꞉ma꞉ ipikita꞉ mininialieke. Kutupa ma꞉nda꞉ epima꞉ ipika꞉ kone panda꞉ puniaya꞉ka꞉na꞉ta꞉ kota꞉ koto someta꞉ Koda꞉ma꞉ tieke au lalieke leekeme.

Luku 14:11 ပူးပေါင်းရင်းမြစ်များ

Ma꞉tiu 23:12

Pa ekipeke hali epima꞉ ipika꞉ kone I̱ta꞉ tumiki hali hanoe lo halia꞉ halita꞉ kota꞉ ipikita꞉ ota꞉ hosiki siki haena꞉ lelieke. Koto pa꞉la꞉pate epima꞉ ipika꞉ honema꞉ kone dekepo haya꞉ka꞉na꞉ta꞉ kota꞉ koto someta꞉ you hali haena꞉ mea a꞉meiyalieke laa leekeme.

Luku 1:51

Ipikana꞉ma꞉ ipika꞉ wele pita꞉la꞉ kiki tindipaota꞉ mo hakoko liteleme wanda꞉hali ika꞉ dupumana꞉e laa amu piteleme alemanu tonka꞉na꞉ ta꞉ta꞉ ta꞉ta꞉ pea wina꞉yeke la꞉la꞉me.

Luku 1:52

Wele piteleme kini haliwekimanu make manda pitimikipate ipikana꞉ma꞉ iki mea lopa꞉niao mo hande pa haleme haliweki mea a꞉meiyala꞉me.

Luku 14:12

Kutupa Yesuma꞉ ipiki wi lea꞉ hali pa꞉ta꞉ alota꞉ Nakana꞉ma꞉ natena꞉ o timba ne nolo epena꞉ yeke wi leka꞉na꞉ta꞉ naka꞉ yankeke sunu o naka꞉ kame tonu o naka꞉ tapake make naka꞉ hamoko yankeke tonu wi na lapeke. Ekipeke. Wetepe nina꞉ make koto tupa꞉ kone neke wi lelimi ekima꞉ta꞉ naka꞉ yenkita꞉ paa koto ana꞉na꞉ kone milipikie.

Luku 18:14

Yesuma꞉ alota꞉ I̱ma꞉ iki pa꞉ta꞉ dupa la kitolome. Mo hande Pa꞉tisi halita꞉ da la꞉ka꞉la peeketa꞉ Koda꞉ yaapo halepe ekita꞉ tikitiki na pa꞉la꞉pate pa mo dakisi mu hala꞉ halita꞉ tikitiki pa꞉la꞉me. Pa ekipeke. Ma꞉nda꞉ epima꞉ ipikita꞉ aneke hali au lea꞉ka꞉na꞉ta꞉ kota꞉ Koda꞉ma꞉ ipikita꞉ mina꞉nialieke. Kutupa ma꞉nda꞉ epima꞉ ipika꞉ kone panda꞉ puniaya꞉ka꞉na꞉ta꞉ kota꞉ koto someta꞉ Koda꞉ma꞉ tieke au lalieke leekeme.

Dia꞉mesi 1:9

Mo natehali kamema꞉ Koda꞉ma꞉ ipiki mea a꞉meiyaasa꞉ ekina꞉ ta꞉na꞉ma꞉ homa꞉peke ya꞉la꞉me.

Dia꞉mesi 4:10

Tekehali pa꞉ta꞉ homu pea haemeka꞉na꞉ta꞉ ipikana꞉ma꞉ iki mea a꞉meiyalieke.

Dia꞉mesi 4:6

Kutu piliepate Koda꞉ma꞉ ipika꞉ a꞉ta꞉ma꞉ homolo hata꞉ pa kita꞉la꞉ ekita꞉ wopue. Kutu pita꞉la꞉ ekima꞉ mo Baibolo bukana꞉ wape pa꞉la꞉eki doe. Hakoko liteleme haliweki pa꞉ta꞉ta꞉ Koda꞉ma꞉ a꞉nda꞉ lia hala꞉pate homupiki haliweki pa꞉ta꞉ ipika꞉ a꞉ta꞉ma꞉ homa꞉la꞉eki pa halo hala꞉me wape pa꞉la꞉me.

1 Pida 5:5

Koto mandake tupa꞉ kone iki panake panake haliwekima꞉ make mo keileke haliweki pa꞉ta꞉ homu pea hao hapa꞉peke. Kutu pa꞉ta꞉ iki paeyaoma꞉ homu pea ha alualu pita꞉la꞉ hau manuta꞉ ika꞉ aka꞉ leke yama hao hapa꞉peke. Kota꞉ Baiboloma꞉ alota꞉ Koda꞉ma꞉ mo hakoko lita꞉la꞉ wanda꞉halita꞉ kiao hala꞉pate mo homu pea hala꞉ wanda꞉hali pa꞉ta꞉ ipika꞉ a꞉ta꞉ma꞉ homa tamba꞉ mina꞉la꞉eki halo hala꞉me.

1 Pida 5:6

Koto ekina꞉ta꞉ ikana꞉ma꞉ Koda꞉na꞉ wele wopu piki kiki oto pa꞉ta꞉ hata꞉ homu pea hao hapa꞉peke. Kota꞉ kotota꞉ ipika꞉ hone pilia꞉ di nina꞉ ipikana꞉ma꞉ iki mea a꞉meiyalieke.