Luku 14:1 - Panake Pi La: Ula: Buka pita: Kine Pieke Buka

¹ Mo hande hoto pila꞉ nate ma꞉nda꞉na꞉ Yesuta꞉ Pa꞉tisi haliwekina꞉ you hali ma꞉nda꞉na꞉ da pa꞉ta꞉ ne noluekema꞉ peekeme. Kutupa koto pa꞉ta꞉ haemeke wanda꞉halima꞉ta꞉ Yesuta꞉ wopu handaake wimikime.

Luku 14:1 ပူးပေါင်းရင်းမြစ်များ

Ma꞉tiu 12:12

Kutu pieke ekina꞉ halina꞉ tombota꞉ mo sipisipina꞉ yenki ota꞉ lombei pa꞉la꞉me. Koto ekina꞉ta꞉ mo Hoto Pila꞉ natena꞉ kone wanda꞉hali ma꞉nda꞉ tamba꞉ miomono nika꞉ Lo Pi ula꞉eki manuma꞉ waleke wiawala꞉me leekeme.

Maka 3:2

Kutupata꞉ mandane haliwekima꞉ Yesu handa꞉ pelia haemekeme. Pa ekipeke Hoto Pila꞉ Natena꞉ Yesuma꞉ mo halina꞉ kiki epeaaliepe o na epeaaliepe hone wia handa꞉ pelia hata꞉ pi yamba꞉lea꞉me loluekema꞉ handa꞉ pelia haemekeme.

Luku 11:37

Yesuma꞉ pimanu lo paeyeketa꞉ Pa꞉tisi hali ma꞉nda꞉ma꞉ ne nolo pana꞉e leeke handa ipika꞉ da pa꞉ta꞉ honda꞉ pamba pua ne nolueke alo pitiekeme.

Luku 14:2

Pa koto pa꞉ta꞉ta꞉ kiki anke pambeke hali ma꞉nda꞉ta꞉ Yesu pa꞉ta꞉ epeekeme.

Luku 17:20

Mandane Pa꞉tisi haliwekima꞉ Yesu pa꞉ta꞉ lota꞉ pitolo alota꞉ Koda꞉na꞉ Kilu Tombuao Hala꞉eki epolo pa꞉la꞉ ekita꞉ handima꞉pe lemekeme. Yesuma꞉ alota꞉ Koda꞉na꞉ Kilu Tombuao Hala꞉eki epolo pa꞉la꞉ ekita꞉ wanda꞉halima꞉ handolo pa꞉la꞉ tupa꞉ na ipilieke leekeme.

Luku 20:20

Koto ekina꞉ yeketa꞉ ikana꞉ma꞉ pota꞉ ma꞉nda꞉ weitolo hata꞉ mandane haliwekima꞉ lota꞉ pita꞉la꞉eki manuma꞉ Yesu tamena꞉yeke ma꞉na꞉ yapa꞉ pimikime. Mo haliweki pa꞉ta꞉ alota꞉ Makeaaso hata꞉ kone ikana꞉ma꞉ homu piki pimanu alememe hone wina꞉ lota꞉ pulu pupe lemekeme. Ika꞉ hone tukiki pa꞉ta꞉ta꞉ Koto lota꞉ pilimi ekima꞉ pa makeaaso hata꞉ Yesuna꞉ kiki tondoliki honda꞉ lia mo Loma꞉na꞉ Kapomani You halina꞉ kiki nane hala꞉ monealumeke laa honema꞉ pimikime.

Luku 6:7

Mo wape pea ula꞉ Lo Pi walo haemeke haliweki make Pa꞉tisi haliwekima꞉ make Do nika꞉ Hoto Pila꞉ Natena꞉ Yesuma꞉ ma꞉nda꞉ mea epeaalia꞉pe laa handa꞉hake wimikime. Yesuma꞉ pi yamba꞉lea꞉me loluekema꞉ yeke pimikime.

Dioni 3:1

Handa Pa꞉tisi tapake hali homeke Nikodimasita꞉ ipikita꞉ mo Diu wanda꞉halina꞉ Ka̱le̱sete hali hata꞉ta꞉

Aposolo 5:34

ka̱le̱sete hali homeke ma꞉nda꞉ta꞉ Pa꞉tisi hali ipika꞉ bikita꞉ Kamaliele pitiekeme. Ipikana꞉ma꞉ mo hande Lo Pimanu wala꞉la꞉ hali hata꞉ wanda꞉hali paeyaoma꞉ Ipikita꞉ epeke halie laa ipika꞉ pi lao haemekeme. Koto hali ipikana꞉ma꞉ta꞉ mo ka̱le̱sete haliweki momba꞉la pitina꞉ ipiki tiao hata꞉ alota꞉ Mo aposolo haliweki hama꞉ nane hatuku pupe laa