Luku 13:34 - Panake Pi La: Ula: Buka pita: Kine Pieke Buka

³⁴ Diutuseleme Diutuselemeo. A꞉ta꞉ tiekee. Nakana꞉ma꞉ta꞉ mo potopede haliwekita꞉ liki hau ombu peaata꞉ toopima꞉ lu homao haleme. I̱ma꞉ta꞉ ikita꞉ mo hande wanda꞉ koka꞉la꞉ma꞉ ipika꞉ ikiki sunu ipika꞉ popake itiki oto pa꞉ta꞉ mea momba꞉lao hala꞉ tupa꞉ I̱ma꞉ make koto tupa꞉ kone naka꞉ wekiwandiki ya kikima꞉ hapisa꞉ pu halopate nakana꞉ma꞉ kiao haleme.

Luku 13:34 ပူးပေါင်းရင်းမြစ်များ

Ma꞉tiu 22:3

Kutupata꞉ koto ne nolo epena꞉ta꞉ mo ika꞉ bikimanu ula꞉ wanda꞉hali handa꞉ mulu pa꞉na꞉ ipika꞉ e pokaemeke haliweki tapaeyekepate mo hande biki wia꞉ wanda꞉hali paeyaoma꞉ta꞉ a꞉pa꞉pa꞉peke kiaemekeme.

Ma꞉tiu 22:6

Kutaa make mandane haliwekima꞉ta꞉ mo hande tapaeyeke haliweki da꞉ka꞉pa꞉ minaata꞉ luma꞉ luma꞉ pimikime.

Luku 15:28

Hande mupeke wekima꞉ koto leekeeki opuata꞉ mineke wopu pankolo hata꞉ da pua꞉peketa꞉ kiaeyekeme. Koto ekina꞉ ipika꞉ atekema꞉ hama opolu bao pua mo hande mupeke weki da tukiki nane epena꞉ yeke honke leekeme.

Luku 19:44

Ikana꞉ma꞉ neke make naka꞉ pape tukiki pa꞉ta꞉ haleme wanda꞉hali paeyaota꞉ ota꞉ lia paeyaalimikie. Kutupa naka꞉ toopi ma꞉nda꞉ ipika꞉ ula꞉ alena꞉ ota꞉ na wina꞉ lelimikie. Pa ekipeketa꞉ nakana꞉ma꞉ Koda꞉ma꞉ neke peteluekema꞉ peneme yao epena꞉ lea꞉ nate leketa꞉ na handa꞉ wima꞉e leekeme.

Luku 23:28

Koto ekina꞉ Yesuma꞉ la꞉ka꞉la꞉ moneaaso hata꞉ alota꞉ Diutuseleme da wanda꞉sunuo. I̱na꞉ e̱ na leketa꞉ ika꞉ kone make ika꞉ wekiwandikina꞉ e̱ lapa꞉peke.

Aposolo 7:52

Ika꞉ apa꞉mei amedama꞉ta꞉ potopede hali homeke pa꞉ta꞉ kone tanda na halemekepe. Hande Koda꞉ ipika꞉ tikitiki yao hala꞉ e pokaasa꞉ Hali epolo piekeeki la haleeke haliwekita꞉ Koda꞉ma꞉ tapaeyeke haliweki kone ika꞉ apa꞉mei amedama꞉ limikime. Ame make ikana꞉ma꞉ koto Hali a꞉nda꞉ lomba limime.

Aposolo 7:59

kutupa toopima꞉ litolo haena꞉ Sidipenima꞉ yeni pitolo alota꞉ Tekehali Yesuo. Yaka temoko nakana꞉ma꞉ handa꞉ mie leekeme.

Aposolo 8:1

Sidipeni limiki ekita꞉ Soloma꞉ lina꞉e hone wiekeme. Koto limiki pita꞉ kone mo Diutuseleme nane haemeke siosi wanda꞉halita꞉ tanda wotu mulu pimikieki kini pea mimikime. Kutu pieke handa Ketiso wanda꞉hali paeyaota꞉ mo Diudia Sametia koto potopinisi yaapo pa꞉ta꞉manu haloendi pimikipate mo aposolo haliwekita꞉ Diutuseleme nane pa ha pelia haemekeme.

Peneme Yaeyekeeki 11:8

ipilika꞉ tokota꞉ ipilika꞉ Tekehali lu endiaemeke daoni tiekena꞉ pota꞉na꞉ pa wina꞉ lelieke. Koto daonita꞉ onkoluma꞉ ala꞉ biki yaapota꞉ Sodomo pita꞉ Idiepi yaapo ula꞉me.