Luku 13:28 - Panake Pi La: Ula: Buka pita: Kine Pieke Buka

²⁸ Kutupa ikana꞉ma꞉ta꞉ mo Eipoloha꞉ma꞉ Aisa꞉ke Dieikope make mo potopede haliweki paeyao make mo Koda꞉na꞉ Kilu Tombuao Hala꞉ eki pa꞉ta꞉ halimieki handolo hata꞉ ikita꞉ hama tolu lia꞉ka꞉na꞉ta꞉ kota꞉ ikita꞉ e̱ tieke alo hata꞉ kake lenkene lo halimikie.

Luku 13:28 ပူးပေါင်းရင်းမြစ်များ

Ma꞉tiu 13:42

Kutaata꞉ mo hoke wanda꞉hali paeyaota꞉ mo enisolo manuma꞉ tonuma꞉ ti tieke to hala꞉ alena꞉ mea lopaalimikie. Koto pa꞉ta꞉ta꞉ ika꞉ kake lenkene laaso hata꞉ e̱ wi lo halimikie.

Ma꞉tiu 13:50

mo ti tieke to hala꞉ ale pa꞉ta꞉ mea lopa꞉nialimikie. Koto pa꞉ta꞉ta꞉ ika꞉ kake lenkene laaso hata꞉ e̱ wi lo halimikie.

Ma꞉tiu 22:13

Kutu pieke mo kini halima꞉ ipika꞉ e pokaemeke haliweki pa꞉ta꞉ alota꞉ Koto halina꞉ kiki anke yaapo tonkao lepe peaata꞉ mo timba꞉ la pambeke pa꞉ta꞉ hama yolo lopaapa꞉peke. Koto pa꞉ta꞉ta꞉ ipika꞉ kake lenkene laaso hata꞉ e̱ wi lo haena꞉e leekeme.

Ma꞉tiu 24:51

Epia꞉ka꞉na꞉ta꞉ kota꞉ mo you halima꞉ koto some mea ota꞉ hoeyaaso hata꞉ mo hande makeaasa꞉ haliweki mea tapaaleke pua haleme pa꞉ta꞉ ipiki make mea lopaalieke. Koto pa꞉ta꞉ hata꞉ta꞉ ikana꞉ma꞉ e̱ tieke laa kake lenkene latiki pu halimikie.

Ma꞉tiu 25:30

Koto pa꞉la꞉ ekina꞉ta꞉ do ala꞉ta꞉ ma꞉nda꞉ pia꞉peke na yeke epe na piki e pokaasa꞉ halita꞉ hama mo timba꞉ la꞉papeke ala꞉ pa꞉ta꞉ yolo lopapa꞉peke. Koto pa꞉ta꞉ta꞉ ipika꞉ kake lenkene laaso e̱ tieke lo halieke laa leekeme leekeme.

Luku 10:15

Kutupa Kapeneamio. Neketa꞉ naka꞉ homeke oli ya nane mea a꞉meiyalueke hone wipe. Neketa꞉ oni ti to hala꞉ pa꞉ta꞉ mea lopaalieke leekeme.

Luku 14:15

Mo ne no pitimiki haliweki ame̱le̱ pitieke hali homekema꞉ta꞉ koto pi opua Yesu pa꞉ta꞉ alota꞉ Koda꞉na꞉ Kilu Tombuao Hala꞉ ekina꞉ ne pambilia꞉ pa꞉ta꞉ pua pitulu pa꞉la꞉ halima꞉ta꞉ ta꞉na꞉ma꞉ homilieke laa leekepate

Luku 16:23

Hande hamoko halita꞉ oni ti to hala꞉ ale pa꞉ta꞉ puaata꞉ tanda tieke minolo hata꞉ handa꞉liaeyekepate Eipoloha꞉ma꞉ La꞉satesi yaapo lopula alu pea pitipikieki papate haepekeeki handeekeme.

2 Desalonaika 1:5

Koto pu haleme hau manuta꞉ Koda꞉ma꞉ niki tikitiki yao telipealo pa꞉la꞉eki peneme yaasa꞉eki doe. Ikana꞉ma꞉ mo Koda꞉na꞉ Kilu Tombuao Hala꞉eki mea tialuekema꞉ do ka꞉nda꞉ pa꞉la꞉ ekimanu mea tu haleme ekina꞉ yenkita꞉ kota꞉ pa Koda꞉ma꞉ iki ipika꞉ Kilu Tombuao Hala꞉ alena꞉ tukiki pa꞉ta꞉ hamena꞉ ipikana꞉ma꞉ iki ana꞉na꞉ ana꞉ lalieke.

2 Pida 1:11

Dupimika꞉na꞉ta꞉ ikita꞉ mo nika꞉ Pa꞉ta꞉la꞉la꞉ Tekehali Yesu Ketisona꞉ na paelo pa꞉la꞉ Kilu Tombuao hala꞉eki pa꞉ta꞉ honda꞉ pamboemena꞉ waleke tieke kilieke.

Peneme Yaeyekeeki 21:8

Pate hone pamboneke tapake make ba꞉sa꞉ piteleme tapake make ata꞉ka꞉ peaaseme tapake make honema꞉ kone hali lu homaaseme tapake make pake nalo loke apa꞉taaseme tapake make ti̱o̱ hau pu haleme tapake make toopi ti wepia ula꞉ ale pa꞉ta꞉ yeni pu haleme tapake make mo yayapiki pi lo haleme tapake make paeyaota꞉ ika꞉ hala꞉peke ya꞉la꞉ ekita꞉ oni ti uleke kiake make titipupiki lanka꞉ ma꞉nda꞉ biki solopa bu lo hala꞉ pa꞉ta꞉e. Koto hau pita꞉la꞉ ekita꞉ mo yaapo peao homa꞉la꞉ekie.

Peneme Yaeyekeeki 22:15

Pate mo ata꞉ka꞉ peaaseme tapake make ti̱o̱ hau pu haleme tapake make pake nalo loke apa꞉taaseme tapake make honema꞉ kone hali lu homaaseme tapake make toopi ti wepia꞉ ula꞉ ale pa꞉ta꞉ yeni hau pu haleme tapake make yayapiki ekina꞉ ta꞉na꞉ma꞉ homa pu haleme tapake make paeyao sikita꞉ mo daoni tea꞉na꞉ hama꞉ nane halememe.