Luku 13:21 - Panake Pi La: Ula: Buka pita: Kine Pieke Buka

²¹ Dupa manda꞉ meanoe. Wanda꞉ ma꞉nda꞉ma꞉ mo palaowa pombei yaasa꞉ yisitisiki mea palaowa nu homeke mea apa꞉tao kawasona꞉ dakole dakole pealieke. Kutu pilia꞉ hoki naneta꞉ koto palaowa paeyao pombei ya halieke leekeme.

Luku 13:21 ပူးပေါင်းရင်းမြစ်များ

Ma꞉tiu 13:33

Yesuma꞉ iki pa꞉ta꞉ onkoluma꞉ pi ma꞉nda꞉ paa la haleekeme dupa. Mo hepenina꞉ Kilu Tombuao Hala꞉ ekita꞉ yisitima꞉ handa꞉la꞉me. Wanda꞉ homekema꞉ mo yisitimanu mea sini tieke tumbiki palaowa tapu dakole pealieke. Kutu pilia꞉ hoki naneta꞉ koto palaowa paeyao pombei ya halieke leekeme.

Luku 13:20

Kutupa Yesuma꞉ paa make lota꞉ pitolo alota꞉ Koda꞉na꞉ Kilu Tombuao Hala꞉ ekita꞉ alekema꞉ manda꞉ mealua꞉pe.

Dioni 15:2

Yaka paleke mandane ekima꞉ kiliki na a꞉eya꞉ka꞉na꞉ta꞉ kota꞉ koto paleketa꞉ yaka Apa꞉ma꞉ poka mea baalieke. Kutupa mo mandane kiliki a꞉eta꞉la꞉ paleke manuta꞉ wamo peaaso hata꞉ kiliki wopu a꞉ena꞉yeke yaka Apa꞉ma꞉ poka꞉ mepi pilieke.

Dioni 4:14

Kutu piliepate hali epima꞉ I̱ma꞉ halolo ikali naa haya꞉ka꞉na꞉ta꞉ koto halita꞉ ikali nena꞉ paa na pilieke. I̱ma꞉ do alo ekita꞉ do ekina꞉ yeke loa꞉me. I̱ma꞉ halolo ikalita꞉ mo hali tukiki pa꞉ta꞉ pita꞉ opa꞉la꞉ ikali kone pitilieke. Kutupa hande ikalima꞉ta꞉ opolo hata꞉ mo halita꞉ da꞉tao haena꞉ lelieke leekeme.

1 Kotindi 5:6

Ikana꞉ma꞉ Niki kone ana꞉ pa꞉la꞉me la aleme ekita꞉ popeke na piki pi alememe. Hande opeleme lo halemeeki ma꞉nda꞉ dupa. Mo pombei yaasa꞉ yisitita꞉ hosiki alesikima꞉ kone palaowa paeyao pombei yao hala꞉me laa lo halememe.

Pilipai 1:6

Koto ekina꞉ Koda꞉ma꞉ iki pa꞉ta꞉ kini pia꞉ eta꞉ Yesu Ketiso ipilie natena꞉ poko paeyaaluekema꞉ ota꞉ pa pokolo ombu halieke hone ulume. Koto pa꞉la꞉ ekina꞉ta꞉ ya pukima꞉ iki pa꞉ta꞉ ta꞉na꞉ma꞉ homolo hata꞉ iki hone u halome.

Dia꞉mesi 1:21

Koto ekina꞉ keke loluekema꞉ hoke hone wita꞉la꞉ haumanu paeyao make daeyatia pulu hata꞉ hoke hau pita꞉la꞉ ekimanu paeyao make ota꞉ mina꞉pa꞉laota꞉ kutupa Koda꞉ pa꞉ta꞉ homu pea hata꞉ neke mea da꞉taapeke ya꞉la꞉ pi alemanu ipikana꞉ma꞉ ika꞉ puki pa꞉ta꞉ noka꞉paeya꞉ka꞉na꞉ta꞉ ota꞉ mea mendia꞉pa꞉peke.