Luku 12:4 - Panake Pi La: Ula: Buka pita: Kine Pieke Buka

⁴ Ya yankeke tonuo. I̱ma꞉ iki pa꞉ta꞉ aloma꞉ Mo ika꞉ manda loke lu homaemeka꞉na꞉ta꞉ wetepe nane hau ma꞉nda꞉ pea꞉peke na ya꞉la꞉ wanda꞉hali pa꞉ta꞉ta꞉ paala꞉ma꞉ na homa꞉pa꞉peke.

Luku 12:4 ပူးပေါင်းရင်းမြစ်များ

Ma꞉tiu 10:28

Mo ika꞉ loke lia homalo pa꞉lemepate ika꞉ temoko lia homaaluekema꞉ wataapeke na ya꞉la꞉ wanda꞉hali pa꞉ta꞉ paala꞉ma꞉ na homo hapa꞉peke. Pate mo ika꞉ loke pita꞉ temoko yaapo ti to hala꞉ ale pa꞉ta꞉ tapao hoeyaapeke Koda꞉ pa꞉ta꞉ homeke ota꞉ paala꞉ma꞉ homo hapa꞉peke.

Dioni 15:13

Hali ma꞉nda꞉ma꞉ ipika꞉ yankeke tamba꞉ minolo hata꞉ ipika꞉ da꞉ta꞉la꞉eki kone alu paeya꞉ka꞉na꞉ta꞉ kota꞉ kutupiki pukima꞉ homa꞉la꞉ hauta꞉ ma꞉nda꞉ma꞉ ankulapeke na ya꞉la꞉me.

Aposolo 20:24

Kutu pa꞉la꞉pate ya lokena꞉ hau hone na witolome laa tombona꞉ opolo puaata꞉ ya Tekehali Yesuma꞉ walea꞉ hau amba꞉la paeyaalueke lea꞉me. Hande Koda꞉na꞉ pa hameke a꞉ta꞉ma꞉ homo hala꞉ Pi Seliapo la kitoloeki loa꞉me lea꞉me.

Aposolo 4:13

Mo haliwekima꞉ Pida Dioni yaapoma꞉ paala꞉ na homepekeeki handolo hata꞉ koto hali yaapoma꞉ sukuluna꞉ make na pepeke ota꞉ pa da haepeke hali yaapoe laata꞉ kota꞉ ikana꞉ma꞉ leke opa꞉ alu alu pea kutupa hone witolota꞉ Yesu ame̱le̱ pomu hata꞉ pa꞉la꞉ma꞉ hone wimikime.

Pilipai 1:28

Ikana꞉ma꞉ ika꞉ a꞉nda꞉ tunkuliki wanda꞉halita꞉ paala꞉ma꞉ na homeke hoto paeyao aela꞉ bao hapa꞉peke. Ika꞉ aela꞉ baalo peleme ekita꞉ mo a꞉nda꞉ tunkuliki wanda꞉hali pa꞉ta꞉ pate hauma꞉ wala꞉la꞉eki yelieke. Koto pate hau handolota꞉ ikana꞉ma꞉ mo iki Ketiso wanda꞉halima꞉ iki ota꞉ bepolaalimikie hone wilimikie. Koda꞉ma꞉ ka꞉la꞉ wele homekema꞉ bepolao halimikie.

Dia꞉mesi 2:23

Kutupa make mo Baibolo bukana꞉ leekeeki make ota꞉ yaeyekeme. Hande leekeeki dupa Eipoloha꞉ma꞉ma꞉ Koda꞉ pa꞉ta꞉ hone tulao hayeke ekina꞉ Koda꞉ma꞉ta꞉ ipikita꞉ tikitiki yao haena꞉ leekeme. Kutupa Koda꞉ma꞉ Eipoloha꞉ma꞉ pa꞉ta꞉ alota꞉ Neketa꞉ yaka yankekee laa leekeme.

1 Pida 3:14

Kutu pa꞉la꞉pate epeke hau pitolo hata꞉ kone ka꞉nda꞉ mimika꞉na꞉ta꞉ kota꞉ ta꞉na꞉ma꞉ wotu homa꞉pa꞉peke ya꞉la꞉me. Wanda꞉hali pa꞉ta꞉ paala꞉ma꞉ na homeke hone baapa꞉peke.

Peneme Yaeyekeeki 2:10

Mo mulu peleme tanda manuna꞉ paala꞉ma꞉ na homa꞉pa꞉peke. Opia꞉pe. Mo Sadanima꞉ta꞉ iki la handolo hata꞉ iki ma꞉nda꞉ hondo dipula mea lopaalieke. Kutupa ika꞉ ka꞉nda꞉ma꞉ homelemeeki manuta꞉ kiki yaapo natena꞉ pua paelieke. Homa꞉la꞉eki epena꞉ kone I̱ pa꞉ta꞉ hone tulaa pelia hapa꞉peke. Kutu pimika꞉na꞉ta꞉ ika꞉ a꞉nda꞉ pea bepolaaseme ekina꞉ ta꞉na꞉ma꞉ homolo peleme yenkita꞉ da꞉ta꞉la꞉eki kulueke.