Luku 12:1 - Panake Pi La: Ula: Buka pita: Kine Pieke Buka

¹ Wanda꞉hali pisetekema꞉ ika꞉ ika꞉ kone lu tumbapeke nono pea mombololo haena꞉ Yesuma꞉ ipika꞉ disaipolo haliweki pa꞉ta꞉ amba꞉la alota꞉ Ikana꞉ma꞉ mo Pa꞉tisi haliwekina꞉ palaowa pombeiyaasa꞉ ale yisiti wotu handeteke hapa꞉peke. Doeki alo ekita꞉ ika꞉ yayapiki makeaaso hauna꞉ loa꞉me.

Luku 12:1 ပူးပေါင်းရင်းမြစ်များ

Luku 11:44

Ika꞉ hoke yenki tiekena꞉ I̱ paala꞉e. Ikita꞉ wanda꞉halima꞉ mo patehau na pa꞉la꞉ hali lapa꞉ma꞉ handeke nono pelemeke handa tumbao pomu haleme haliwekima꞉ lapa꞉ma꞉ handelememe leekeme.

Luku 12:56

Makeaasa꞉ hau pu haleme haliwekio. Ikana꞉ma꞉ta꞉ do ya yu nane pita꞉la꞉ ekimanu handolo hata꞉ dupilieke aleme ekita꞉ ota꞉ yao hala꞉pate pa ekipeke ame do natena꞉ ipula꞉ hau manuna꞉ teketa꞉ na handa꞉ witolo pimipe leekeme.

Luku 5:1

Nate ma꞉nda꞉na꞉ Yesuta꞉ mo Kenesatete ikali leke wieke ikali tea꞉ nane haena꞉ta꞉ wanda꞉hali aneke wopuma꞉ Koda꞉na꞉ pi opuluekema꞉ yeke ika꞉ ika꞉ kone pendilatia pulu hata꞉ titi ata꞉ta꞉ pimikime.

Luku 5:15

Koto pi leeke pateta꞉ wanda꞉hali paeyaoma꞉ Yesuma꞉ pieke ekimanu da yu paeyao pa꞉ta꞉ la꞉tiki pomimikime. Koto ekina꞉ta꞉ wanda꞉hali aneke hapuma꞉ Yesu ipika꞉ leeke pimanu opua make ipikana꞉ma꞉ ika꞉ yenimanu mea epeaena꞉ yeke epemekeme.

Luku 6:17

Kutupa Yesuma꞉ mo Aposolo haliweki ame̱le̱ mo hande potena꞉ hao hola꞉pa꞉niao ikita꞉ epeke hawete epeekena꞉ Yesu ipika꞉ hoki nane tolu haemeke haliweki paeyao ame̱le̱ hata꞉ tiao hayekeme.

Aposolo 21:20

Kutupa mo haliwekima꞉ kotoeki opuaata꞉ Koda꞉na꞉ pi laememe. Kutupa ipiki pa꞉ta꞉ alota꞉ Kameo. Hande Diu haliweki paeyaoma꞉ pi mimiki ekita꞉ handeleme. Paeyaoma꞉ hande Lo Pimanu opuluekema꞉ hone wotu witelemepate

1 Kotindi 15:3

Mo hande pi teke tieketa꞉ I̱ma꞉ mua꞉ pi kone iki pa꞉ta꞉ la kua꞉ ekita꞉ dupae. Ketisota꞉ nika꞉ hoke hauna꞉ homeekeme. Koto mo Baibolo bukana꞉ wape pa꞉la꞉ tupa꞉ loa꞉me.

Hibulu 12:22

Ikita꞉ koto paala꞉ piki pote pa꞉ta꞉ na opolo epemekepate pa mo Saioni pote pa꞉ta꞉ mo deto hala꞉ Koda꞉na꞉ da teke nane opolo epelememe. Koto data꞉ hepeni hala꞉ Diutuseleme dae. Koto pa꞉ta꞉ta꞉ mo enisolo daoseni eleke eleke tonu ame̱le̱ ta꞉na꞉ma꞉ homa mombolo halememe.

Dia꞉mesi 3:17

Kutu pita꞉la꞉pateta꞉ oli ya nanema꞉ ipula꞉ hone epekeeki dupae. Titina꞉ amba꞉la kipabaake hone wita꞉la꞉ekie. Kutupa make puki lopa꞉niao pila꞉eki make yopu hala꞉eki make homu pea hala꞉eki make a꞉ta꞉ma꞉ wopu homolo hata꞉ epeke haumanu pita꞉la꞉eki make paeyao ya nanema꞉ ipula꞉pateta꞉ honditi pita꞉la꞉eki make yayapiki hau pita꞉la꞉eki make apa꞉tao na ipula꞉me.

1 Pida 2:1

Hoke hau paeyao baapa꞉peke. Yayapiki pi na lo makeaasa꞉ hau na pu ma꞉nda꞉na꞉ epeke hau pita꞉la꞉eki handa꞉peke yeke honditi pita꞉la꞉ hau na pu kutupa make kake neli pita꞉la꞉ pi na lapa꞉peke.