Luku 11:8 - Panake Pi La: Ula: Buka pita: Kine Pieke Buka

⁸ kota꞉ eki pilipikipe. Iki pa꞉ta꞉ I̱ma꞉ do pi alome. Mo da teke halima꞉ neketa꞉ ipika꞉ yankeke halena꞉ kone mo hande palaowa kuluekema꞉ na tialo pa꞉la꞉pateta꞉ nakana꞉ma꞉ yaala꞉ma꞉ na homeke honke wotu leka꞉na꞉ta꞉ kota꞉ ota꞉ opua tiao naka꞉ mea꞉peke ya꞉la꞉ ekimanu ana꞉na꞉ mea kilieke alome.

Luku 11:8 ပူးပေါင်းရင်းမြစ်များ

Kini Pieke 32:26

Kutupa mo halima꞉ alota꞉ Da ka꞉la꞉pa꞉la꞉me. I̱ pono lae leeke handaa Dieikopema꞉ hombo peaaso alota꞉ Neke a̱i̱ na tapake. I̱ a꞉nda꞉ epeaeka꞉na꞉ta꞉ kota꞉ neke tapaalueke leekeme.

Luku 11:7

kota꞉ naka꞉ yankekema꞉ ipika꞉ da tukiki pa꞉ta꞉ hata꞉ naka꞉ pi hombo peaaso alota꞉ I̱ ka꞉nda꞉ma꞉ na homake. Yaka pota꞉ta꞉ amba꞉ loka꞉ hao yaka weki wandiki ame̱le̱ amba꞉ u pa꞉eloma꞉me. Naka꞉ honke ale ala꞉ta꞉ ekipa tiao mea kionope laa lea꞉ka꞉na꞉ta꞉

Loma꞉ 15:30

Ya kame titio. Nikana꞉ma꞉ Tekehali Yesu Ketiso pa꞉ta꞉ hone tulao haloma꞉ ekina꞉ make mo Holi Sipitidima꞉ hande pukima꞉ homa꞉la꞉eki niki pa꞉ta꞉ ka꞉la꞉ ekina꞉ make ikana꞉ma꞉ make I̱ma꞉ make honkopu hao mandake dina꞉ Koda꞉ pa꞉ta꞉ ya yeni peaama꞉na꞉yeke I̱ma꞉ iki sutiaaso loa꞉me.

2 Kotindi 12:8

Doeki mea bae laa lota꞉ pitolo hata꞉ I̱ma꞉ta꞉ hoto tepona꞉ Tekehali pa꞉ta꞉ yeni pua꞉pate

Kolosi 2:1

Ikina꞉ make mo Laodisia wanda꞉halina꞉ make mo I̱ hone na wilimi mandane wanda꞉halina꞉ make iki paeyaona꞉ I̱ma꞉ honkopu tieke hao e pokaaloeki iki la kionoe.

Kolosi 4:12

Ika꞉ tapake some ma꞉nda꞉ ombu Epa꞉petasi Yesu Ketisona꞉ pa hameke e pokaasa꞉ halima꞉ a꞉taloe la꞉neaasa꞉me. Ipikana꞉ma꞉ta꞉ hoto paeyao ikina꞉ pukima꞉ e̱ alo haena꞉ yeni peaatiki pu hala꞉me. Ikita꞉ Koda꞉na꞉ hone pa꞉la꞉eki ota꞉ epeke tupa꞉ opitolo hata꞉ da̱o̱la hamena꞉ Koda꞉ pa꞉ta꞉ honke lao hala꞉me. Ipikana꞉ma꞉ dupiki hauta꞉ iki hone homeke wia keileke Ketiso wanda꞉hali hamena꞉ yeke peaasa꞉me laa loa꞉me.