Luku 11:29 - Panake Pi La: Ula: Buka pita: Kine Pieke Buka

²⁹ Wanda꞉hali wopuma꞉ Yesu a꞉pa momba꞉la hopa꞉liao haena꞉ Yesuma꞉ alota꞉ Ame do natena꞉ haleme wanda꞉halita꞉ hoke wanda꞉hali halememe. Ikana꞉ma꞉ta꞉ mo na handeke patehau ma꞉nda꞉ handuluekema꞉ I̱ pa꞉ta꞉ honke aleme pateta꞉ I̱ma꞉ta꞉ iki pa꞉ta꞉ ota꞉ ma꞉nda꞉siki make na walo polopate mo hande Dionama꞉ patehau piekeeki homeke handilimikie.

Luku 11:29 ပူးပေါင်းရင်းမြစ်များ

Ma꞉tiu 3:7

Mo hande Pa꞉tisi tapake make Sa꞉dusi tapake make koto tapake yaapona꞉ haliweki wopu Dionima꞉ bapitaisi peaena꞉ epemekeeki handaa ipikana꞉ma꞉ iki pa꞉ta꞉ alota꞉ Ketoma꞉ handeke some hombo iki pa꞉ta꞉ mo Koda꞉ma꞉ a̱i̱ taapolo pa꞉la꞉ panisi tieke wendia꞉pekee pita꞉ epima꞉ lakia꞉pe.

Maka 8:38

Do hande Koda꞉ pa꞉ta꞉ hone na wiki ti teke yoko haleme wanda꞉hali ame̱le̱ hala꞉ hali ma꞉nda꞉ epima꞉ I̱ pa꞉ta꞉ tonka꞉na꞉ yaka pi alemanu pa꞉ta꞉ tonka꞉na꞉ hunkupuma꞉ homea꞉ka꞉na꞉ta꞉ kota꞉ koto hali pa꞉ta꞉ mo Wanda꞉halina꞉ Eiyekema꞉ hunkupuma꞉ homilieke. Ipika꞉ Atekena꞉ pa̱a̱ pa꞉la꞉eki tukiki pa꞉ta꞉ hao hande yakopiki enisolo tonu ame̱le̱ ipilia꞉ dina꞉ta꞉ kota꞉ koto hali handa꞉peketa꞉ hunkupuma꞉ homilieke.

Luku 11:16

Mandane wanda꞉halima꞉ Yesu tamuluekema꞉ alota꞉ Nakana꞉ma꞉ hepeni nanema꞉ ipula꞉ patehau ma꞉nda꞉ nikana꞉ma꞉ handomono pie lemekeme.

Luku 11:50

Koto ekina꞉ta꞉ mo hande do ya yu kini pea a꞉pa ame do limiki potopede haliweki paeyao limiki ekina꞉ hoke yenkita꞉ ame do haleme wanda꞉halima꞉ milimikie.

Luku 12:1

Wanda꞉hali pisetekema꞉ ika꞉ ika꞉ kone lu tumbapeke nono pea mombololo haena꞉ Yesuma꞉ ipika꞉ disaipolo haliweki pa꞉ta꞉ amba꞉la alota꞉ Ikana꞉ma꞉ mo Pa꞉tisi haliwekina꞉ palaowa pombeiyaasa꞉ ale yisiti wotu handeteke hapa꞉peke. Doeki alo ekita꞉ ika꞉ yayapiki makeaaso hauna꞉ loa꞉me.

Luku 9:41

Koto ekina꞉ta꞉ Yesuma꞉ ipika꞉ pi hombo peaaso alota꞉ Ikita꞉ hone wopu na tulaake ata꞉ka꞉ peao haleme wanda꞉halie. Nate ekipuna꞉ iki ame̱le̱ ombu hao hanope. Nate ekipuna꞉ ika꞉ ka꞉nda꞉ kiteleme ekimanu meanope laata꞉ mo hali pa꞉ta꞉ alota꞉ Naka꞉ weki I̱ pa꞉ta꞉ hatuku epoe leekeme.

Dioni 2:18

Mo Diu haliwekima꞉ ipika꞉ pi hombo peaaluekema꞉ lota꞉ pitolo alota꞉ Do pitele hauta꞉ naka꞉ biki ula꞉eki niki pa꞉ta꞉ta꞉ waluekema꞉ eki wele piteleeki pilipiki lemekeme.

Dioni 6:30

Mo wanda꞉halima꞉ ipika꞉ pi hombo peaaso alota꞉ Nikana꞉ma꞉ neke pa꞉ta꞉ hone tulamonoyeke eki wele pita꞉la꞉eki ma꞉nda꞉ nikana꞉ma꞉ handomono pilipikipe lemekeme.

Dioni 8:44

Ikita꞉ ika꞉ apa꞉ Sadanina꞉ eiyeke titi halememe. Koto peleme ekina꞉ ika꞉ apa꞉na꞉ hone pa꞉la꞉ ekimanu puluekema꞉ pitelememe. Titi panake pa꞉ta꞉ kone ipikita꞉ hali lita꞉la꞉ hali hayekeme. Ipiki pa꞉ta꞉ ota꞉ hau pita꞉la꞉eki ma꞉nda꞉ na ula꞉ ekina꞉ ipikana꞉ma꞉ ota꞉ hau pea꞉peke na ya꞉la꞉me. Yayapiki pi lea꞉ka꞉na꞉ta꞉ ipika꞉ pita꞉la꞉eki kone ala꞉me. Ipikana꞉ma꞉ yayapiki pi lo hala꞉ ekina꞉ make ipikita꞉ yayapiki pi ala꞉ teke hali hala꞉ ekina꞉ make loa꞉me.

1 Kotindi 1:22

Mo Diu wanda꞉halima꞉ Na hando haloma꞉eki handoma꞉ka꞉na꞉ta꞉ kota꞉ opulumeke laa alememe. Kutupa hande Kitiki wanda꞉halima꞉ta꞉ hone wotu witemeeki weitelememe.