Luku 11:26 - Panake Pi La: Ula: Buka pita: Kine Pieke Buka

²⁶ Koto pa꞉leketa꞉ mo hoke temoko pua pa mandane watake hata꞉ hoke temokomanu paeyao hatuku milieke. Koto hoke temoko manuna꞉ hoke hau pita꞉la꞉ ekita꞉ mo ipiki make lu ankulalimikie. Iki paeyao mandake pa꞉ta꞉ a꞉pa halimikie. Kutu pimika꞉na꞉ta꞉ mo halita꞉ amba꞉ta꞉ hoke tupa꞉ hao pelia꞉pate ameta꞉ ota꞉ hoke tupa꞉ hao pelieke laa leekeme.

Luku 11:26 ပူးပေါင်းရင်းမြစ်များ

Ma꞉tiu 12:45

Kutupa ipika꞉ pu hala꞉ hoke haumanu ota꞉ lombei peao pu hake hoke mandane watake hata꞉ temokomanu ma꞉nda꞉ hatuku mea a꞉paata꞉ ipiki ame̱le̱ mo hande da pa꞉ta꞉ honda꞉ pamba hao halimikie. Kutu pimika꞉na꞉ta꞉ mo hande halima꞉ hande amba꞉ pieke hoke hau ota꞉ lombei peake hoke hau pilieke. Kutu piki hauta꞉ ame do haleme hoke wanda꞉hali pa꞉ta꞉ make opolo ipilieke alome leekeme.

Ma꞉tiu 23:15

Iki mo Lo Pi ula꞉eki walo haleme haliweki make Pa꞉tisi haliweki make iki paeyaona꞉ hoke yenki tieke ipuleke handolo ekina꞉ I̱ paala꞉e. Ikita꞉ hoke makeaaso yayapiki hau pu haleme haliwekie. Ikana꞉ma꞉ta꞉ pa mo hande homeke hali mea ika꞉ tapakena꞉ tunao haena꞉e laa lapeke ekina꞉ kone mo da yu paeyao lia lopao pomu haleme haliwekie. Kutaa mo some handa꞉ wia꞉ka꞉na꞉ta꞉ kota꞉ ipikita꞉ iki mo ti to hala꞉ ekina꞉ eiyeke tonu halemeeki ota꞉ lombei peao haena꞉ lelimikie.

Luku 11:25

ipikana꞉ma꞉ la꞉ka꞉la pua mo da a꞉pa handilia꞉pate ma꞉nda꞉ na hake wamo pea bao epeke tupa꞉ halia꞉eki handilieke.

Luku 11:27

Yesuma꞉ koto pi lo paeyeketa꞉ mo wanda꞉hali anka꞉lopuna꞉ pitieke wanda꞉ ma꞉nda꞉ma꞉ anekema꞉ alota꞉ Neke ma꞉nda꞉la꞉ make andu ka꞉la꞉ wanda꞉ta꞉ ta꞉na꞉ma꞉ homolo pa꞉la꞉me leekeme.

Dioni 5:14

Wetepena꞉ mo tembolo da tukiki pa꞉ta꞉ Yesuma꞉ hande hali handa꞉ wia alota꞉ Handa꞉e. Ame neketa꞉ epeke loke haleme. Hoke hau paa na pea꞉peke. Neke pa꞉ta꞉ ka꞉nda꞉ma꞉ homa꞉la꞉ hau tieke a꞉paama꞉na꞉ loa꞉me leekeme.

1 Dioni 5:16

Iki ame̱le̱ homekema꞉ ipika꞉ hamekema꞉ mo homena꞉ na la꞉la꞉ hoke hau ma꞉nda꞉ pita꞉la꞉eki handea꞉ka꞉na꞉ta꞉ kota꞉ mo somena꞉eki Koda꞉ pa꞉ta꞉ yeni peaapeke ya꞉la꞉me. Kutupa Koda꞉ma꞉ ipiki da꞉taena꞉ lelieke. Koto hauta꞉ pa mo homena꞉ lapeke na ya꞉la꞉ hoke hau pu haleme wanda꞉hali pa꞉ta꞉ loa꞉me. Pate mo homa꞉la꞉eki pa꞉ta꞉ hatuku polo pa꞉la꞉ hoke hauta꞉ ta꞉ta꞉ ma꞉nda꞉e. Koto hauna꞉ I̱ma꞉ta꞉ Koda꞉ pa꞉ta꞉ yeni pea꞉peke laa na loa꞉me.