Luku 11:2 - Panake Pi La: Ula: Buka pita: Kine Pieke Buka

² Koto leeke Yesuma꞉ iki pa꞉ta꞉ walolo hata꞉ alota꞉ Ikana꞉ma꞉ yeni pimika꞉na꞉ta꞉ dupa pia꞉pa꞉peke. Apa꞉o. Naka꞉ yako piki bikita꞉ ota꞉ manda wia haena꞉e. Naka꞉ Kilu Tombuao Haleeki do ane opolo epena꞉e.

Luku 11:2 ပူးပေါင်းရင်းမြစ်များ

Ma꞉tiu 10:32

Ma꞉nda꞉ epima꞉ wanda꞉halina꞉ leke popelekena꞉ peneme yaaso hata꞉ I̱ta꞉ Ketisona꞉ halie lea꞉ka꞉na꞉ta꞉ kota꞉ I̱ma꞉ make mo ya hepeni hala꞉ Apa꞉na꞉ leke poto poto hata꞉ ipiki pa꞉ta꞉ make homeke hau kone pulueke.

Ma꞉tiu 3:2

Mo hande hepenina꞉ Kilu Tombuao Hala꞉ ekita꞉ teke pa꞉ta꞉ ya꞉la꞉ma꞉ ika꞉ hoke haumanu paeyao mina꞉pa꞉lao hoki wala꞉pa꞉peke leekeme.

Ma꞉tiu 5:16

Koto tupa꞉ kone wanda꞉halima꞉ ika꞉ epeke haumanu handolo hata꞉ ika꞉ hepeni hala꞉ Apa꞉ pa꞉ta꞉ yeiya꞉ lawaena꞉ma꞉ paeyaoma꞉ handena꞉ ika꞉ pa̱a̱ peapeke haumanu pu hapa꞉peke.

Luku 11:1

Nate ma꞉nda꞉na꞉ Yesuta꞉ ala꞉ta꞉ ma꞉nda꞉ pa꞉ta꞉ pua yeni pu pitiekeme. Yeni pu paeyaeyeketa꞉ ipika꞉ disaipolo hali ma꞉nda꞉ma꞉ ipiki pa꞉ta꞉ alota꞉ Tekehalio amba꞉ hande Dionima꞉ ipika꞉ disaipolo haliweki yeni pina꞉yeke waleeke tupa꞉ niki pa꞉ta꞉ make koto tupa꞉ wala꞉e leekeme.

Loma꞉ 1:7

Koto pa꞉la꞉ ekina꞉ Koda꞉ma꞉ pukima꞉ homaata꞉ ota꞉ ipika꞉ wanda꞉hali hamina꞉ wi la꞉la꞉ Loma꞉ wanda꞉halio. Iki paeyao pa꞉ta꞉ wape do pitolome. Nika꞉ Apa꞉ Koda꞉ma꞉ make pa Tekehali Yesu Ketisoma꞉ make iki pa꞉ta꞉ a꞉ta꞉ma꞉ homolo hata꞉ ika꞉ puki lopao hamina꞉ lepeka꞉na꞉ta꞉ epelieke.

Loma꞉ 8:15

Koda꞉ma꞉ iki ka꞉la꞉ Sipitidima꞉ta꞉ iki paala꞉ tiao pa hameke e pokaasa꞉ hali leke na hamina꞉ la꞉la꞉me. Dia꞉me. Koto hau na pita꞉la꞉me. Hande Sipitidima꞉ ikita꞉ Koda꞉ ipika꞉ wekiwandiki hamina꞉ la꞉la꞉me. Koto pa꞉la꞉ ekina꞉ Sipitidi ipika꞉ wele pita꞉la꞉ ekina꞉ nikana꞉ma꞉ Koda꞉ pa꞉ta꞉ wi alo alota꞉ Apa꞉o. Yaka Apa꞉o lo haloma꞉me.

1 Kotindi 1:3

Nika꞉ Apa꞉ Koda꞉ma꞉ pita꞉ Tekehali Yesu Ketiso yaapoma꞉ iki pa꞉ta꞉ pa hameke a꞉ta꞉ma꞉ homolo hata꞉ ika꞉ puki lopa꞉niawaena꞉e laa alopa꞉me.

2 Kotindi 1:2

Nika꞉ Apa꞉ Koda꞉ma꞉ make Tekehali Yesu Ketisoma꞉ make iki pa꞉ta꞉ a꞉ta꞉ma꞉ homa tamba꞉ mina꞉la꞉eki make puki lopaniaasa꞉eki make kina꞉e.

Ka꞉leisia 1:4

Ketisoma꞉ nika꞉ Apa꞉ Koda꞉na꞉ hone pa꞉la꞉ ekina꞉ ipika꞉ kakena꞉ homolo hata꞉ nika꞉ hoke hauna꞉ yenkita꞉ ipika꞉ lokema꞉ mina꞉ homeekeme. Kutu pieke ekita꞉ do hoke natena꞉ haloma꞉eki pa꞉ta꞉ niki peteluekema꞉ piekeme.

Epesese 1:2

Koda꞉ nika꞉ Apa꞉ma꞉ make Yesu Ketiso nika꞉ Tekehalima꞉ make ipilikana꞉ma꞉ iki pa꞉ta꞉ pa hameke a꞉ta꞉ma꞉ homolo hata꞉ ika꞉ puki lopa꞉niaepeka꞉na꞉ta꞉ epelieke.

Pilipai 1:2

Nika꞉ Apa꞉ Koda꞉ pita꞉ nika꞉ Tekehali Yesu Ketiso yaapoma꞉ iki pa꞉ta꞉ mo a꞉ta꞉ma꞉ homa tamba꞉ mina꞉la꞉eki make mo puki lopa꞉niaasa꞉eki make kina꞉e.

Pilipai 4:20

Nate paeyao nika꞉ Apa꞉ Koda꞉ yeiya꞉ yeiya꞉ lao hamana꞉e. Kutu pina꞉e.

Kolosi 1:2

Mo Kolosi nane haleme Koda꞉na꞉ wanda꞉hali Ketiso pa꞉ta꞉ hata꞉ ki hone na wiki pa putia pu haleme kametonu iki pa꞉ta꞉ tapaasopa꞉me. Nika꞉ Apa꞉ Koda꞉ma꞉ iki pa꞉ta꞉ a꞉ta꞉ma꞉ homolo tamba꞉ mina꞉la꞉eki make puki lopa꞉niaasa꞉eki make kina꞉e.

1 Desalonaika 1:1

Polo Sailasi Timodi niki tepoma꞉ta꞉ mo Desalonaika siosi wanda꞉halita꞉ nika꞉ Apa꞉ Koda꞉na꞉eki make Tekehali Yesu Ketisona꞉eki make haleme ekina꞉ iki pa꞉ta꞉ tapaasoma꞉me. Koda꞉ma꞉ta꞉ ipika꞉ pa a꞉ta꞉ma꞉ homa꞉la꞉eki make puki lopa꞉niaasa꞉eki make iki pa꞉ta꞉ pitaeya꞉ka꞉na꞉ta꞉ epelieke.

1 Desalonaika 1:3

Ikana꞉ma꞉ hone tulao hata꞉ epeke hau pimieki make ika꞉ pukima꞉ homa hata꞉ e wotu pokemeeki make nika꞉ Tekehali Yesu Ketiso handeteke hata꞉ puki hana꞉ noka꞉pa haemeeki make nikana꞉ma꞉ hone u haloma꞉ ekina꞉ loa꞉me.

2 Desalonaika 2:16

Koda꞉ nika꞉ Apa꞉ma꞉ niki pukima꞉ homolo hata꞉ ipika꞉ a꞉ta꞉ma꞉ homa tamba꞉ mina꞉la꞉ ekina꞉yeke mo na paelo pa꞉la꞉ aela꞉ baasa꞉ hau make epeke hone tulaasa꞉ hau make niki kia꞉me.

Peneme Yaeyekeeki 11:15

Kutupa mo watake hata꞉ enisoloma꞉ ipika꞉ bu kanake lia꞉ dina꞉ta꞉ oli hepeni nane pi ho̱la̱꞉make tieke tieke manuma꞉ alota꞉ Mo kenke handeteke halo pa꞉la꞉ honkoputa꞉ ameta꞉ nika꞉ Tekehali pita꞉ ipika꞉ ma̱leke lila꞉ hali Ketiso pa꞉ta꞉ ula꞉me. Kutupa hoto paeyao handeteke hao halieke lememe.

Peneme Yaeyekeeki 15:4

Tekehali neketa꞉ epima꞉ paala꞉ma꞉ na homilia꞉pe. Naka꞉ hau tieke laaluekema꞉ta꞉ epima꞉ kiaalia꞉pe. Neke homeke homeke yako peleme. Wanda꞉hali paeyaota꞉ neke pa꞉ta꞉ a꞉pa panda꞉ puniao yeiya꞉ laaso hata꞉ yeni pilimikie. Pa ekipeke naka꞉ yakopiki hau manuta꞉ paeyaoma꞉ amba꞉ handelememe lememe.

Peneme Yaeyekeeki 19:6

Kutupa e̱ ala꞉eki ma꞉nda꞉ta꞉ mo wanda꞉hali hombuta꞉ hombeleke hata꞉ make ikali dou lopolo make tutu tieke litolo make leke nono pia꞉eki dupa opua꞉me. Haleluya. Mo Tekehali nika꞉ Aneke Koda꞉ta꞉ kini hala꞉me.

Peneme Yaeyekeeki 20:4

Kutupa kini seamanu handoa꞉me. Koto seana꞉ pitimi haliwekita꞉ pi yokaalu pulu pimi wele halea꞉me. Kutupa make mo hande Yesuma꞉ peneme yaeya꞉ ota꞉eki waleme ekina꞉ make Koda꞉na꞉ pi waleme ekina꞉ limiki wanda꞉halina꞉ temokomanu handoa꞉me. Ikana꞉ma꞉ta꞉ mo hande sayale tieke hombeleke make ipiki manda꞉ meao wepimiki ale yaapo pa꞉ta꞉ panda꞉puniao yeiya꞉ laaso hata꞉ yeni na pimi make ika꞉ wenoko o popeke nane kikina꞉ mo sayalena꞉ maka na mimikime. Ikita꞉ paa da꞉ta hata꞉ 1 daoseni bapi manuna꞉ Ketiso ame̱le̱ kini pita꞉ handeteke haememe.