Luku 11:10 - Panake Pi La: Ula: Buka pita: Kine Pieke Buka

¹⁰ Do ekina꞉ yeke loa꞉me. Honke la꞉tiki pu haya꞉ka꞉na꞉ta꞉ kota꞉ koto somema꞉ milieke. Kutaa make ma꞉nda꞉ epima꞉ weiya꞉tiki pu haya꞉ka꞉na꞉ta꞉ ipikana꞉ma꞉ handa꞉ wilieke. Epima꞉ pota꞉ lia꞉tiki pu haya꞉ka꞉na꞉ta꞉ kota꞉ mo pota꞉ta꞉ koto some pa꞉ta꞉ lombawalieke.

Luku 11:10 ပူးပေါင်းရင်းမြစ်များ

Ma꞉tiu 5:42

Ma꞉nda꞉ma꞉ neke pa꞉ta꞉ ala꞉ta꞉ ma꞉nda꞉ honke lea꞉ka꞉na꞉ta꞉ hala꞉peke. Kutupa make naka꞉ ala꞉ta꞉ ma꞉nda꞉ ta꞉ka꞉li kie lea꞉ka꞉na꞉ta꞉ kota꞉ pa ta꞉ka꞉li hala꞉peke.

Ma꞉tiu 7:8

Homeke epima꞉ honke la꞉tiki pu haya꞉ka꞉na꞉ta꞉ kota꞉ koto somema꞉ milieke. Kutaa make ma꞉nda꞉ epima꞉ weiya꞉tiki pu haya꞉ka꞉na꞉ta꞉ ipikana꞉ma꞉ handa꞉ wilieke. Epima꞉ pota꞉ lia꞉tiki pu haya꞉ka꞉na꞉ta꞉ kota꞉ mo pota꞉ta꞉ koto some pa꞉ta꞉ lombawalieke.

Luku 11:11

Do pita꞉ weki wandiki hala꞉ haliweki pa꞉ta꞉ alome. Ika꞉ wekima꞉ iki pa꞉ta꞉ ta꞉peli teekeeki honke lea꞉ka꞉na꞉ta꞉ hoke keto mea halimikipe.

Luku 11:9

Koto ekina꞉ iki pa꞉ta꞉ do pi alome. Honke leka꞉na꞉ta꞉ ota꞉ kilieke. Weika꞉na꞉ta꞉ handa꞉ wilipikie. Kilikili laeka꞉na꞉ta꞉ pota꞉ lombawalieke.

Luku 18:1

Kutupa Yesuma꞉ta꞉ ipika꞉ disaipolo haliwekima꞉ kima꞉ na homeke hoto paeyao yeni pea꞉tiki pina꞉yeke onkoluma꞉ laa dupa leekeme.

Dia꞉mesi 4:3

Kutupa Koda꞉ pa꞉ta꞉ ika꞉ honke alemeeki make ana꞉ na pa꞉la꞉me. Ika꞉ hone pa꞉la꞉ hau puluekema꞉ hone u hoeyaaso hata꞉ honke aleme ekina꞉ na minelememe.

Dia꞉mesi 5:11

Kutupa mo hande puki hana꞉ noka꞉pa haemeke haliweki pa꞉ta꞉ nikana꞉ma꞉ta꞉ Koda꞉ma꞉ mo haliweki amba꞉ epeaala꞉me lo haloma꞉eki hone wia꞉pa꞉peke. Hande Tekehalima꞉ honkopu hao handeteke hayekeeki make mo paelo pieke dina꞉ Koda꞉ma꞉ ipiki epeaeyekeeki make amba꞉ opuelememe. Tekehalima꞉ niki pa꞉ta꞉ a꞉ta꞉ma꞉ homa꞉la꞉eki make hone wopu wita꞉la꞉eki make amba꞉ handelememe.