Luku 11:1 - Panake Pi La: Ula: Buka pita: Kine Pieke Buka

¹ Nate ma꞉nda꞉na꞉ Yesuta꞉ ala꞉ta꞉ ma꞉nda꞉ pa꞉ta꞉ pua yeni pu pitiekeme. Yeni pu paeyaeyeketa꞉ ipika꞉ disaipolo hali ma꞉nda꞉ma꞉ ipiki pa꞉ta꞉ alota꞉ Tekehalio amba꞉ hande Dionima꞉ ipika꞉ disaipolo haliweki yeni pina꞉yeke waleeke tupa꞉ niki pa꞉ta꞉ make koto tupa꞉ wala꞉e leekeme.

Luku 11:1 ပူးပေါင်းရင်းမြစ်များ

Luku 10:42

pa ota꞉ pea꞉peke hau homeke homeke na peleme. Metima꞉ta꞉ hone wia ota꞉ hau ma꞉la꞉ ekita꞉ ma꞉nda꞉ma꞉ pendilao mea꞉peke na ya꞉lieke leekeme.

Luku 11:2

Koto leeke Yesuma꞉ iki pa꞉ta꞉ walolo hata꞉ alota꞉ Ikana꞉ma꞉ yeni pimika꞉na꞉ta꞉ dupa pia꞉pa꞉peke. Apa꞉o. Naka꞉ yako piki bikita꞉ ota꞉ manda wia haena꞉e. Naka꞉ Kilu Tombuao Haleeki do ane opolo epena꞉e.

Luku 6:12

Koto dina꞉ta꞉ Yesuta꞉ Koda꞉ pa꞉ta꞉ yeni puluekema꞉yeke pote ma꞉nda꞉ a꞉meiya peekeme. Koto timba andusa꞉na꞉ Yesuma꞉ yeni paa pitolo ombu pitina꞉ta꞉ da paa kelepeekeme.

Luku 7:13

Tekehalima꞉ mo hande kineke wanda꞉ handaata꞉ ipika꞉ pukima꞉ a꞉ta꞉ tiekema꞉ homolo hata꞉ ipikana꞉ma꞉ mo wanda꞉ pa꞉ta꞉ alota꞉ E na lapee leekeme.

Luku 7:19

alota꞉ Tekehali pa꞉ta꞉ pua dupa lota꞉ pea꞉pa꞉peke. Neketa꞉ hande Dionima꞉ Ipilieke leeke niki paeyaoma꞉ yu wia haloma꞉ hande hali ya꞉ka꞉ta꞉pe o hali ma꞉nda꞉ epena꞉ yu wia hamonope laa Yesu pa꞉ta꞉ lota꞉ pea꞉pa꞉peke leekeme.

Luku 9:18

Nate ma꞉nda꞉na꞉ Yesuma꞉ ipika꞉ honumake hata꞉ yeni pitolo haena꞉ta꞉ ipika꞉ disaipolo haliweki opolo epemekeme. Yesuma꞉ mo haliweki pa꞉ta꞉ lota꞉ pitolo alota꞉ Wanda꞉halima꞉ I̱ta꞉ Epina꞉ biki lo halemepe leekeme.

Luku 9:28

Yesuma꞉ dupiki pi laa pula homekemanu paeyeketa꞉ yeni puluekema꞉ pote ma꞉nda꞉ pa꞉ta꞉ peekeme. Ipikana꞉ma꞉ta꞉ Pida Dioni Dia꞉mesi hatuku opa꞉liaemekeme.

Hibulu 5:7

Yesuma꞉ do kenkena꞉ hata꞉ta꞉ mo hande homa꞉la꞉ ekima꞉ ipiki meaama꞉na꞉ mo ipika꞉ pa꞉ta꞉la꞉peke yeke Koda꞉ pa꞉ta꞉ ipika꞉ yeni pieke ekima꞉ make honke leeke ekima꞉ make e̱ wi tieke laa e̱ pankeke lopolo haena꞉ yeni piekeme. Koto yenita꞉ homu pikima꞉ pieke handaa Koda꞉ma꞉ ota꞉ opiekeme.

Diudi 1:20

Koto pa꞉la꞉pate ya yankeke tonuo. Ikana꞉ma꞉ta꞉ ika꞉ mo hande wataapeke na ya꞉la꞉ ta꞉ta꞉ putupa ula꞉ hone tulaasa꞉eki pa꞉ta꞉ puki hana꞉ noka꞉pa꞉tiki pu hapa꞉peke. Holi Sipitidina꞉ honkopuma꞉ yeni pu hapa꞉peke.