Luku 10:20 - Panake Pi La: Ula: Buka pita: Kine Pieke Buka

²⁰ Koto pa꞉la꞉ma꞉ mo hoke temoko manuma꞉ ika꞉ pi opua pilia꞉eki pa꞉ta꞉ ta꞉na꞉ma꞉ na homa꞉pa꞉peke. Pate ika꞉ bikita꞉ amba꞉ hepeni nane wape pea ula꞉ma꞉ ta꞉na꞉ma꞉ homa꞉pa꞉peke leekeme.

Luku 10:20 ပူးပေါင်းရင်းမြစ်များ

Ma꞉tiu 10:1

Yesuma꞉ ipika꞉ hoki nane telimiki 12 haliweki wi la꞉ mea momba꞉lao hata꞉ mo hoke temokomanu tolu lia꞉peke welemanu make hoke yeni tekemanu make wamo pea꞉peke welemanu make iki pa꞉ta꞉ ana꞉na꞉ haleekeme.

Ma꞉tiu 26:24

Koto pa꞉la꞉pate mo Wanda꞉halina꞉ Eiyeke pa꞉ta꞉ Baibolona꞉ wape pa꞉la꞉ tupa꞉ homilia꞉pate pa Wanda꞉halina꞉ Eiyeke mina꞉yeke a꞉nda꞉ lomba꞉la꞉ halita꞉ ota꞉ a꞉ta꞉ tiekee. Koto halita꞉ na mendia꞉ka꞉na꞉ yoluta꞉ epolo pia꞉me leekeme.

Ma꞉tiu 27:5

Koto lemekeeki Diudasima꞉ opu haota꞉ hande 30 silipa mani mo tembolo da pukuna꞉ hoelo baota꞉ opolu bao ipika꞉ kone pu naa homeekeme.

Pilipai 4:3

Kutupa ya Ketiso ta꞉ma꞉ni epekeo. Neke pa꞉ta꞉ make mo wanda꞉ yaapoma꞉ hone homeke wina꞉ tamba꞉ mia꞉peke alome. Pa ekipeke mo wanda꞉ yaapo make Ka꞉lemiti make mo ya e mandake pokoloma꞉ wanda꞉hali paeyaoma꞉ tonka꞉na꞉ mo Ketisona꞉ Pi Seliapota꞉ peo lao daeyaena꞉yeke I̱ma꞉ iki ame̱le̱ weleke we wopu pea e tieke pokoma꞉me. Koto wanda꞉halina꞉ biki paeyaota꞉ mo Koda꞉na꞉ deto hala꞉ tapakena꞉ biki ula꞉ bukana꞉ wape pa ula꞉me.

Hibulu 12:23

Ikita꞉ Koda꞉na꞉ mo hepeni nane biki wape pa ula꞉ titina꞉ haemeke wanda꞉halina꞉ momba꞉la꞉la꞉ eki pa꞉ta꞉ make mo wanda꞉hali paeyaona꞉ pi yokaalu pulu pa꞉la꞉ Koda꞉ pa꞉ta꞉ make mo amba꞉ titina꞉ haemeke tikitiki piki wanda꞉hali epeaeyeke temokomanu pa꞉ta꞉ make opolo epelememe.

Peneme Yaeyekeeki 13:8

Do kenkena꞉ hala꞉ wanda꞉hali paeyaoma꞉ta꞉ mo sayale pa꞉ta꞉ panda꞉puniao yeiya꞉ laaso hata꞉ yeni pilimikie. Pate do kenke a̱i̱ na wepiki haena꞉ kone ika꞉ biki manuta꞉ mo deto hala꞉ wanda꞉halina꞉ biki ula꞉ bukana꞉ laala꞉ wanda꞉hali homeke homekema꞉ kotoeki na pilimikie. Koto biki ula꞉ bukata꞉ hande limiki Sipisipi Ma꞉na꞉ Ikikina꞉ bukae.

Peneme Yaeyekeeki 17:8

Koto sayaleta꞉ amba꞉ta꞉ da꞉ta haya꞉pate ameta꞉ na da꞉taa hala꞉me. Ipikita꞉ ame do siki mo honiki na wiki naku kiake pa꞉ta꞉ hama opolu bao ipiki hoeyaena꞉ pelieke. Do kenkena꞉ haleme wanda꞉hali ika꞉ biki manuta꞉ do kenke a̱i̱ na wepiki haena꞉ kone mo deto hala꞉ wanda꞉halina꞉ biki ula꞉ bukana꞉ ika꞉ biki na lake wanda꞉halita꞉ mo hande sayale handolo hata꞉ penkilipa꞉tia pomilimikie. Amba꞉ a꞉nda꞉ta꞉ da꞉ta haya꞉pate ameta꞉ na deteke hala꞉me. Pate paa opolo ipilieke.

Peneme Yaeyekeeki 20:12

Kutupa mo homemeke wanda꞉hali aneke make natehali make paeyao mandakena꞉ mo kini seana꞉ puki tikitiki haemeeki handoa꞉me. Buka manuta꞉ lumbia꞉me. Kutupa buka ma꞉nda꞉ta꞉ mo da꞉ta꞉la꞉ wanda꞉halina꞉ buka lumbia꞉me. Mo homemeke wanda꞉hali paeyaota꞉ mo buka manuna꞉ lao wieke tupa꞉ ika꞉ pimiki tupa꞉ siki kone ma̱leke lia telipia꞉me.

Peneme Yaeyekeeki 20:15

Kutupa make ma꞉nda꞉ epi ipika꞉ bikita꞉ mo da꞉ta꞉la꞉ wanda꞉halina꞉ bukana꞉ na laeya꞉ someta꞉ oni ti uleke kiake pa꞉ta꞉ yola꞉ mea lopaeya꞉me.

Peneme Yaeyekeeki 21:27

Pate mo ha̱i̱ piki ala꞉ta꞉ ma꞉nda꞉ koto daoni pa꞉ta꞉ na honda꞉ pambilieke. Koto tupa꞉ kone ma꞉nda꞉ epima꞉ yaala꞉piki haumanu pu o yayapiki pi lo hala꞉ some make na honda꞉ pambilieke. Mo Sipisipi Ma꞉na꞉ Ikiki ipika꞉ da꞉ta꞉la꞉ tapakena꞉ biki ula꞉ bukana꞉ biki laala꞉ wanda꞉hali homeke koto daoni pa꞉ta꞉ honda꞉ pambilimikie.

Peneme Yaeyekeeki 3:5

Ma꞉nda꞉ epima꞉ a꞉nda꞉ pea bepolaeya꞉ka꞉na꞉ta꞉ kota꞉ dupiki hake piki dau yamilieke. Kutupa ika꞉ bikita꞉ mo deto haleme wanda꞉halina꞉ bukana꞉ ula꞉ ekita꞉ I̱ma꞉ na honulueke. Yaka Apa꞉ make ipika꞉ enisolo manuna꞉ leke popelekena꞉ peneme yao hata꞉ Ikita꞉ yaka tapakee lolueke lea꞉me.