Luku 1:76 - Panake Pi La: Ula: Buka pita: Kine Pieke Buka

⁷⁶ Koto ekina꞉ ya wekio. Neketa꞉ Ota꞉ Manda Hala꞉ Koda꞉ ipika꞉ pi la꞉mea halo hala꞉ hali haleme laa lelimikie. Kutupa Tekehali wetepena꞉ epena꞉ nakana꞉ma꞉ ipika꞉ pota꞉ tikitiki yawaluekema꞉ amba꞉la pelipikie.

Luku 1:76 ပူးပေါင်းရင်းမြစ်များ

Ma꞉tiu 14:5

Koto leeke pita꞉ma꞉ kone Hetodima꞉ Dioni luekema꞉ piekepate mo Diu wanda꞉hali pa꞉ta꞉ paala꞉ma꞉ homeekeme. Pa ekipeke. Mo Diu wanda꞉halina꞉ honema꞉ Dionita꞉ ota꞉ potopede halie hone wimikime.

Ma꞉tiu 21:26

Kutaa make ikana꞉ma꞉ alo hata꞉ta꞉ Pa kenke wanda꞉halina꞉ ekie lolo poloma꞉eki make do wanda꞉hali paala꞉ pa꞉la꞉me. Pa ekipeke iki paeyaoma꞉ Dionita꞉ Koda꞉na꞉ pi la꞉ mea halo haya꞉ halie lo halememe lemekeme.

Ma꞉tiu 3:11

I̱ma꞉ta꞉ ika꞉ hoke haumanu mina꞉pa꞉laemekeeki peneme yaaluekema꞉ ikalima꞉ bapitaisi peaowalopate mo ya hoki nane ipilia꞉ halima꞉ta꞉ mo Holi Sipitidi pita꞉ ti tala꞉eki yaapoma꞉ iki bapitaisi pealieke. Mo someta꞉ I̱ ota꞉ lombeipiki some halekena꞉ ipika꞉ anke dake kone I̱ma꞉ mea tiaapeke ana꞉ na pa꞉la꞉me.

Ma꞉tiu 3:3

Do Dioni pa꞉ta꞉ta꞉ mo hande potopede hali Aisayama꞉ pi ma꞉nda꞉ la꞉ wiekeme. Koto la꞉ wieke pita꞉ dupa. Ma꞉nda꞉ halima꞉ mo hapiki kenke pa꞉ta꞉ hata꞉ pi taka꞉lake lo hala꞉me. Ipikana꞉ma꞉ alota꞉ Mo Tekehalina꞉ pota꞉ pilaowapa꞉peke. Ipiki epeke alena꞉ yapena꞉ ipika꞉ pota꞉ wopu tikitiki yawapa꞉peke ala꞉me leekeme.

Maka 11:32

Kenke wanda꞉halina꞉ ekie loluma꞉pe lemekepate wanda꞉hali paeyaoma꞉ Dionita꞉ Koda꞉ ipika꞉ pi la꞉ mea halo haya꞉ halie lo halemeke handaa mo wanda꞉hali pa꞉ta꞉ paala꞉ma꞉ homemekeme.

Luku 1:32

Kutupa ipiki daeyaata꞉ hali tieke halieke. Kutupa ipikita꞉ Ota꞉ Manda Hala꞉ Koda꞉na꞉ Eiyeke lelimikie leekeme. Kutupa mo hande Tekehali Koda꞉ma꞉ ipika꞉ amba꞉ titina꞉ kini hali Deipidina꞉ kilu tombuao hayekeeki ipikana꞉ma꞉ mina꞉ lelieke.

Luku 1:35

Mo hande enisoloma꞉ ipika꞉ pi hombo peaaso alota꞉ Mo Holi Sipitidi neke pa꞉ta꞉ ipilieke. Kutupa make Ota꞉ Manda Hala꞉ Koda꞉ ipika꞉ wele pita꞉la꞉eki neke pa꞉ta꞉ a꞉pa pitilieke. Kutu pita꞉la꞉ ekima꞉ta꞉ mo hande nakana꞉ma꞉ mondulu pele yako piki weki ipikita꞉ Koda꞉na꞉ Eiyekee lelimikie.

Luku 6:35

Dia꞉me. Ika꞉ a꞉nda꞉ tunkuliki wanda꞉hali pa꞉ta꞉ pukima꞉ homa iki pa꞉ta꞉ epeke hau homeke pu hapa꞉peke. Ikana꞉ma꞉ wanda꞉hali ma꞉nda꞉ pa꞉ta꞉ ala꞉ta꞉ ma꞉nda꞉ tondiki halemeka꞉na꞉ta꞉ paa muluekema꞉ hone na u hapa꞉peke. Kutu pu haemeka꞉na꞉ta꞉ ika꞉ yenki aneke hapu meata꞉ oli Koda꞉ Manda Hala꞉ Tiekena꞉ eiyeke titi halimikie. Ekipeke Koda꞉ma꞉ta꞉ mo ipika꞉ epeke haumanu pita꞉la꞉ ekina꞉ ta꞉na꞉e pi na lo haleme wanda꞉hali make mo hoke haumanu wotu pu haleme wanda꞉hali pa꞉ta꞉ make epeke hau pu hala꞉me.

Dioni 1:23

Dionima꞉ ika꞉ pi hombo peaaso alota꞉ I̱ halo ekita꞉ dupae. Hali homekema꞉ mo hapu hala꞉ alena꞉ hata꞉ wi ala꞉ ekita꞉ dupae. Tekehali epena꞉yeke pota꞉ tikitikina꞉ pilaapa꞉peke. Koto leeke pita꞉ mo potopede hali Aisayama꞉ wape pieke pi kone leekeme.

Dioni 1:27

Koto halita꞉ ya hoki nane ipula꞉pate ipika꞉ anke dake limbiti pa꞉la꞉ pu I̱ma꞉ ka꞉la꞉papeke ana꞉ na pa꞉la꞉me leekeme.

Dioni 3:28

I̱ta꞉ Ketiso dia꞉me. Koda꞉ma꞉ titina꞉ I̱ amba꞉la tapaala꞉me laa iki pa꞉ta꞉ la kua꞉ ekita꞉ amba꞉ opimime leekeme. Hande wanda꞉ mina꞉la꞉ ekita꞉ mo wanda꞉ta꞉ halikina꞉eki halieke laa

Aposolo 16:17

Kutupa Polo nika꞉ hoke nanema꞉ teli mea ipulu hata꞉ wi la꞉tiki pea alota꞉ Do haliwekita꞉ ota꞉ oli manda hala꞉ Koda꞉ tieke ipika꞉ e pokaaseme haliweki hata꞉ mo hande deto hala꞉ pota꞉ iki walelememe lea꞉me.