Luku 1:68 - Panake Pi La: Ula: Buka pita: Kine Pieke Buka

⁶⁸ Tekehalima꞉ ipika꞉ wanda꞉hali tamba꞉ mulu a꞉paata꞉ iki tonkaala꞉ alemanu ka꞉la꞉pa wala꞉ ekina꞉ Isulai wanda꞉halina꞉ Koda꞉ ipika꞉ pi laamana꞉e.

Luku 1:68 ပူးပေါင်းရင်းမြစ်များ

Kini Pieke 14:20

Mo naka꞉ a꞉nda꞉ tunkuliki haliweki bepolaena꞉ lea꞉ Manda Hala꞉ Koda꞉na꞉ biki mina꞉liamana꞉e leekeme. Kutupa Eipola꞉ma꞉ma꞉ta꞉ mo mia꞉ ala꞉ta꞉ ala꞉ta꞉ paeyao telipa kiki yaapo yeketa꞉ homeke ma꞉nda꞉ta꞉ Melekisedeke pa꞉ta꞉ haleekeme.

Kini Pieke 24:27

Mo yaka you some Eipoloha꞉ma꞉na꞉ Tekehali Koda꞉na꞉ biki mea mina꞉lianoe. Ipikana꞉ma꞉ta꞉ yaka you some pa꞉ta꞉ ipika꞉ pi la꞉ ula꞉ ekita꞉ ota꞉ peneme yala꞉me. Mo Tekehalima꞉ta꞉ yaka you somena꞉ tapake pa꞉ta꞉ kone mea hatuku mea a꞉pa꞉la꞉me laa leekeme.

Kini Pieke 9:26

Mo Semena꞉ Tekehali Koda꞉na꞉ biki mina꞉liape. Keinanita꞉ Semena꞉ pa hameke e pokaasa꞉ hali halieke.

Luku 1:71

Niki ame̱le̱ a꞉nda꞉ liteleme haliwekima꞉ make leke tankema꞉ handeleme haliwekina꞉ wele pita꞉la꞉eki manuma꞉ make niki bepolaapa꞉na꞉ niki mea tamba꞉ muluekema꞉yeke ipikana꞉ma꞉ pi amba꞉ la꞉ wiekeme.

Luku 19:44

Ikana꞉ma꞉ neke make naka꞉ pape tukiki pa꞉ta꞉ haleme wanda꞉hali paeyaota꞉ ota꞉ lia paeyaalimikie. Kutupa naka꞉ toopi ma꞉nda꞉ ipika꞉ ula꞉ alena꞉ ota꞉ na wina꞉ lelimikie. Pa ekipeketa꞉ nakana꞉ma꞉ Koda꞉ma꞉ neke peteluekema꞉ peneme yao epena꞉ lea꞉ nate leketa꞉ na handa꞉ wima꞉e leekeme.

Luku 2:38

Mo wanda꞉ta꞉ koto pita꞉ kone ipikana꞉ma꞉ koto pa꞉ta꞉ opolo puata꞉ mo weki handaata꞉ Koda꞉ pa꞉ta꞉ keiyae pi laata꞉ Koda꞉ma꞉ mo Diutuseleme wanda꞉hali da꞉taena꞉yeke handeteke haemeke wanda꞉hali paeyaoma꞉ opina꞉ mo wekina꞉ pi wotu leekeme.

Luku 24:21

Kutupa nika꞉ honema꞉ta꞉ ipikana꞉ma꞉ta꞉ mo Isulai wanda꞉hali lombo tapaalo pa꞉la꞉ halie hone uma꞉me. Koto haumanu pa꞉la꞉ ekita꞉ ameta꞉ tepo peao natee.

Luku 7:16

Koto ekina꞉ta꞉ wanda꞉hali paeyaoma꞉ dupiki hau hando hao pututuma꞉ homolo hata꞉ Koda꞉na꞉ biki mea miniliaaso hata꞉ alota꞉ Ota꞉ aneke potopede ma꞉nda꞉ niki tukiki pa꞉ta꞉ a꞉pa꞉la꞉me. Koda꞉ma꞉ ipika꞉ wanda꞉hali tamba꞉ muluekema꞉ yeke a꞉pa꞉la꞉me lemekeme.

Epesese 1:3

Tekehali Yesu Ketiso ipika꞉ Apa꞉ Koda꞉na꞉ pi nikana꞉ma꞉ laamana꞉e. Nikita꞉ Ketiso yaapo hamonota꞉ Koda꞉ma꞉ niki ota꞉ epeaala꞉ ekina꞉ loa꞉me. Hepeni nane hala꞉ ekimanu paeyaota꞉ nika꞉ temoko tamba꞉ mina꞉yeke amba꞉ ka꞉la꞉me.

Epesese 1:7

Ketiso homeeke ekima꞉ nikita꞉ ka꞉la꞉pa꞉ tapao hamono laata꞉ nika꞉ hoke hau poloma꞉ ekimanu ipika꞉ wema꞉ pa paeyaala꞉me. Koda꞉ ipika꞉ pa hameke a꞉ta꞉ma꞉ homa꞉la꞉ ekita꞉ ota꞉ wopue.

Hibulu 9:12

Ketisoma꞉ mo da tukiki pa꞉ta꞉ pua mo Ota꞉ Yako Piki Da Panda꞉ pa꞉ta꞉ honda꞉ pamba puluta꞉ hande kao o sipisipina꞉ we Koda꞉ pa꞉ta꞉ haluekema꞉ na mea peekepate ota꞉ ipika꞉ we kone mea peekeme. Koto wema꞉ nika꞉ deto halo poloma꞉eki meala꞉me.

1 Pida 1:3

Nika꞉ Tekehali Yesu Ketisona꞉ Apa꞉ Koda꞉ pa꞉ta꞉ keiyae pi lomana꞉e. Ipikana꞉ma꞉ a꞉ta꞉ma꞉ homa tamba꞉ mieke handa Yesu Ketiso homa paa tiaeyeke ekima꞉ta꞉ niki pa꞉ta꞉ panake da꞉ta꞉la꞉eki kia꞉me. Koto pa꞉la꞉ ekima꞉ta꞉ nika꞉ hone pa꞉ta꞉ deto hala꞉ hone ti laasa꞉eki tumbao hala꞉me.