Luku 1:65 - Panake Pi La: Ula: Buka pita: Kine Pieke Buka

⁶⁵ Koto ekina꞉ta꞉ koto pa꞉ta꞉ haemeke wanda꞉halima꞉ paala꞉ma꞉ homemekeme. Kutupa mo pieke ekimanu mo Diudia nane peiyene pa꞉ta꞉ hayeke da sunu paeyao pa꞉ta꞉manu la꞉tia pomimikime.

Luku 1:65 ပူးပေါင်းရင်းမြစ်များ

Ma꞉tiu 2:1

Mo hande Hetodi kini hayeke dina꞉ta꞉ Yesu Diudia kenke pa꞉ta꞉ hayeke da Beteleha꞉ma꞉ nane mendiekeme. Hosiki hao hoki naneta꞉ hombulanka꞉ yata꞉pu haemeke mandane haliwekima꞉ nate opa꞉la꞉ nanema꞉ yama꞉ Diutuseleme da nane a꞉pa

Luku 1:39

Koto pita꞉ kone Metita꞉ tiao Diuda nane peiyene wieke pa꞉ta꞉ hayeke da ma꞉nda꞉ pa꞉ta꞉ a̱i̱ya peekeme.

Luku 2:18

Kota꞉ koto haliwekima꞉ la halemeke ekimanu opimiki wanda꞉hali paeyaoma꞉ta꞉ penkilipa꞉tia pomimikime.

Luku 5:26

Kutupa koto piekeeki handaata꞉ mo hande wanda꞉hali manuta꞉ penkilipa꞉tia pomua ikita꞉ pututuma꞉ homolo hata꞉ Koda꞉na꞉ biki mea miniliaaso alota꞉ Ameta꞉ nikana꞉ma꞉ na handeke epeke haumanu wotu handoma꞉me lemekeme.

Luku 7:16

Koto ekina꞉ta꞉ wanda꞉hali paeyaoma꞉ dupiki hau hando hao pututuma꞉ homolo hata꞉ Koda꞉na꞉ biki mea miniliaaso hata꞉ alota꞉ Ota꞉ aneke potopede ma꞉nda꞉ niki tukiki pa꞉ta꞉ a꞉pa꞉la꞉me. Koda꞉ma꞉ ipika꞉ wanda꞉hali tamba꞉ muluekema꞉ yeke a꞉pa꞉la꞉me lemekeme.

Aposolo 19:17

Koto piekeeki mo Epesese da Kitiki pita꞉ Diu wanda꞉hali paeyaoma꞉ opuaka꞉na꞉ paala꞉ma꞉ homemekeme. Kutupa Tekehali Yesuna꞉ bikita꞉ kende tia wiekeme.

Aposolo 2:43

Kutupa Koda꞉ma꞉ wele peaaso haena꞉ mo aposolo haliwekima꞉ na hando haemeke ekimanu wotu pimiki handaa wanda꞉hali paeyaoma꞉ paala꞉ma꞉ homemekeme.

Aposolo 5:11

Kutupa koto siosi wanda꞉hali paeyaota꞉ pa mo opimiki wanda꞉hali make paala꞉ma꞉ homolo hata꞉ kone leke opa꞉ mina꞉ bepi pu alu alu pimikime.

Aposolo 5:5

Do leeke ekimanu opuaata꞉ A꞉na꞉naisi kenkena꞉ honda꞉pa lopa homeekeme. Kutupa koto hao yapeeke haliwekima꞉ doeki opimiki haliwekima꞉ make paala꞉ma꞉ homolo hata꞉ leke opo handa꞉hake wimikime.

Peneme Yaeyekeeki 11:11

Koto nate tepo paeya nate ma꞉nda꞉na꞉ tukikina꞉ta꞉ da꞉ta꞉la꞉eki hala꞉la꞉ pomo Koda꞉ pa꞉ta꞉ yama꞉ a꞉pa mo hali yaapo pa꞉ta꞉ honda꞉ pambeeketa꞉ mo hali yaapo tialu pipime. Kutupa mo hali yaapo handeme wanda꞉hali paeyaota꞉ pututuma꞉ homememe.