Luku 1:43 - Panake Pi La: Ula: Buka pita: Kine Pieke Buka

⁴³ Yaka Tekehalina꞉ ama꞉ma꞉ I̱ handolo epele ekita꞉ do hau tiekena꞉ pa ekipeke epelepe leekeme.

Luku 1:43 ပူးပေါင်းရင်းမြစ်များ

Ma꞉tiu 12:46

Yesuma꞉ koto wanda꞉hali pa꞉ta꞉ pimanu panake alo haena꞉ta꞉ ipika꞉ inkiki hameketonu opolo epemekeme. Ikana꞉ma꞉ da hama꞉ nane a꞉pa hata꞉ Yesu pa꞉ta꞉ pi lomono epena꞉e laa honke lemekeme.

Ma꞉tiu 3:14

Kutu piekepate Yesuna꞉ hone topo pina꞉yeke Dionima꞉ ipiki pa꞉ta꞉ dupa leekeme. Nakana꞉ma꞉ I̱ bapitaisi peapekealeo. Pa neketa꞉ I̱ma꞉ bapitaisi peano I̱ pa꞉ta꞉ epeka꞉ta꞉me leekeme.

Luku 1:42

anekema꞉ alota꞉ Wanda꞉weki poluna꞉ kone Koda꞉ma꞉ neke mea epeaala꞉me laata꞉ Nakana꞉ma꞉ mondulu pele weki make Koda꞉ma꞉ amba꞉ epeaala꞉me.

Luku 1:44

Naka꞉ keiyae pi leeki opitolo hano kone ya weleke pa꞉ta꞉ pila꞉ wekima꞉ ta꞉na꞉ma꞉ homolo hata꞉ tia liaeya꞉me.

Luku 2:11

Ame do timbata꞉ oni hande Deipidina꞉ da teke pa꞉ta꞉ta꞉ ika꞉ da꞉taalo pa꞉la꞉ Tekehali amba꞉ mendia꞉la꞉me. Ipikita꞉ Tekehali Ketisoe.

Luku 7:7

Neke ya da pa꞉ta꞉ epoelena꞉ loluekema꞉ta꞉ I̱ta꞉ epeke hali dia꞉ya꞉la꞉ ekina꞉ na ipilipikie laa Neke hale alena꞉ a꞉pa꞉peke make ota꞉ ana꞉ na pa꞉la꞉me. Nakana꞉ma꞉ta꞉ ipika꞉ yeni pa paena꞉e pi homeke leka꞉na꞉ta꞉ kota꞉ ya e pokaasa꞉ someta꞉ tialieke.

Dioni 13:13

Ikana꞉ma꞉ I̱ biki yaapo alo hata꞉ Disa make Tekehali make aleme ekita꞉ ana꞉piki pi alememe. I̱ta꞉ koto polome.

Dioni 20:28

Tomasima꞉ alota꞉ Neketa꞉ yaka Tekehali make yaka Koda꞉ make haleme leekeme.

Pilipai 2:3

Kutupa make naka꞉ honumake homeke hone witolo o honumake hau o handaena꞉ hau ma꞉nda꞉ na pea꞉pa꞉peke. Kotoeki na pikita꞉ iki paeyao homu pu alualu pea hata꞉ ma꞉nda꞉ pa꞉ta꞉ ika꞉ hauma꞉ta꞉ nika꞉ hau lombei pa꞉la꞉me laa hone u hapa꞉peke.

Pilipai 3:8

Koto alemanu homeke dia꞉ya꞉la꞉pate pa ya pu haowa꞉ hau paeyao tapaota꞉ ota꞉ pa alee hone witolome. Pa ekipeke. Mo ota꞉ titina꞉ hauta꞉ ya Tekehali Yesu Ketiso handuluekema꞉ yeke alome. I̱ta꞉ ipika꞉ e pokaasa꞉ hali homeke haluekema꞉ yeke ya pu haowa꞉ hau paeyao kiao baowa꞉me. Ketiso ya Tekehali haena꞉ ta꞉ma꞉ni pea haluekema꞉ yeke mo hande hau paeyaota꞉ pa mo pa tana baasa꞉ punku piki alemanue hone witolome.