Loma꞉ 9:9 - Panake Pi La: Ula: Buka pita: Kine Pieke Buka

⁹ Koda꞉ma꞉ pi la꞉ witolota꞉ dupa la꞉ wiekeme. I̱ma꞉ ya hone pilie natena꞉ta꞉ paa la꞉ka꞉la ipulua꞉ dina꞉ta꞉ Setama꞉ haliweki mendilieke leekeme.

Loma꞉ 9:9 ပူးပေါင်းရင်းမြစ်များ

Kini Pieke 17:21

Pate I̱ma꞉ta꞉ naka꞉ weki Aisa꞉ke yaapo yaka pi la꞉ witoloeki miniki halueke. Ipikita꞉ do homeke natena꞉ kone mo bapina꞉ Setama꞉ mendilieke leekeme.

Kini Pieke 18:10

Hali homeke ma꞉nda꞉ma꞉ alota꞉ Ame do kini pea kaisepo kiki homekena꞉ mandane ekina꞉ tonkopuna꞉ta꞉ I̱ paa epoa꞉ka꞉na꞉ta꞉ kota꞉ naka꞉ wanda꞉ Setata꞉ weki mendilieke leekeme. Setata꞉ mo halikina꞉ hoki nane mo palai da pota꞉ kake pa꞉ta꞉ hata꞉ opiekeme.

Kini Pieke 18:14

Koto mo Tekehalima꞉ na pea꞉peke ya꞉la꞉ hau ma꞉nda꞉ ula꞉pe. Amba꞉ mo loa꞉ handa꞉e. Ame do kini pea kaisepo kiki homekena꞉ mandane ekina꞉ tonkopuna꞉ta꞉ I̱ paa epoa꞉ka꞉na꞉ta꞉ Setama꞉ weki mendilieke laa loa꞉me leekeme.

Kini Pieke 21:2

Eipoloha꞉ma꞉ta꞉ koke ya꞉na꞉ kone Setama꞉ weki loke lomba Eipoloha꞉ma꞉na꞉ hali weki mendiaeyekeme. Mo wekita꞉ hande Koda꞉ma꞉ mendiliekee laa la꞉ wieke natena꞉ kone mendiekeme.

Aposolo 5:38

Koto ekina꞉ ame make do pita꞉la꞉ ekima꞉ I̱ma꞉ iki pa꞉ta꞉ do alome. Do haliweki pa꞉ta꞉ ikana꞉ma꞉ hau ma꞉nda꞉ na pea꞉pa꞉peke. Pa haena꞉ paape. Do ekina꞉yeke loa꞉me. Do haliweki ika꞉ piteleme hau manuta꞉ kenke halima꞉ hone wia ika꞉ e walea꞉ka꞉na꞉ta꞉ kota꞉ pa alema꞉ handilieke.

Hibulu 11:17

Koda꞉ma꞉ Eipoloha꞉ma꞉ makea handeeke dina꞉ta꞉ Eipoloha꞉ma꞉ma꞉ hone tulaaso hata꞉ ipika꞉ eiyeke Aisa꞉ke lia haluekema꞉ peekeme. Koda꞉ma꞉ ipiki pa꞉ta꞉ weki wandiki wopu kuluekee laa pi la꞉ wieke pi miniki hayekepate kone Eipoloha꞉ma꞉ ipika꞉ weki siki homeke kone Koda꞉ pa꞉ta꞉ lia haluekema꞉ tikitiki yaeyekeme.