Loma꞉ 9:31 - Panake Pi La: Ula: Buka pita: Kine Pieke Buka

³¹ Kutu pa꞉la꞉pate hande talopu mea haena꞉ la꞉la꞉ wanda꞉halima꞉ta꞉ ikita꞉ Koda꞉ yaapo tikitiki yao hamina꞉ lolo peleme pi ula꞉ ekimanu weimikipate na handa꞉ wimikime.

Loma꞉ 9:31 ပူးပေါင်းရင်းမြစ်များ

Loma꞉ 10:20

Kutupa Aisayama꞉ Koda꞉na꞉eki lawaaso hata꞉ doolema꞉ na homeke dupa leekeme. I̱ na weimi wanda꞉halima꞉ kone I̱ handa꞉ wimime laata꞉ I̱ haloeki lota꞉ na pimi wanda꞉hali pa꞉ta꞉ kone yaka kone peneme yao waloa꞉me laa leekeme.

Loma꞉ 11:7

Koto pa꞉la꞉ ekina꞉ nikana꞉ma꞉ eki pi loluma꞉pe. Isulai wanda꞉halima꞉ ika꞉ weimiki ekita꞉ na handa꞉ wimikime. Koda꞉ma꞉ hande talopu mea haena꞉ leeke wanda꞉hali tepo tepo homeke handa꞉ wimikipate mo mandane wanda꞉halima꞉ta꞉ Koda꞉ma꞉ wi leeke ekita꞉ na opimikime.

Loma꞉ 3:20

Do ekina꞉ yeke loa꞉me. Ma꞉nda꞉ hali a꞉nda꞉ma꞉ hande Lo Pimanu opua pa꞉la꞉ ekina꞉ Koda꞉ pa꞉ta꞉ tikitiki yao hapeke na ya꞉la꞉me. Mo hande Lo Pi manuma꞉ pita꞉la꞉ ekita꞉ wanda꞉halima꞉ ika꞉ hoke hau pelemeeki hone wina꞉ pita꞉la꞉me.

Loma꞉ 3:27

Koto hali ma꞉nda꞉ epima꞉ eki hau pita꞉la꞉ ekina꞉ ipika꞉ hakoko lia꞉peke ya꞉la꞉pe. Dia꞉me. Hakoko lia꞉peke na ya꞉la꞉me. Ekipekepe. Ipikana꞉ma꞉ mo hande Lo Pimanu opua pita꞉la꞉ ekina꞉ Koda꞉ma꞉ ipiki yaapo tikitiki yao na haena꞉ leliepe. Dia꞉me. Ota꞉ hakoko lia꞉peke na ya꞉la꞉me. Ipikana꞉ma꞉ hande Lo Pimanu opua pita꞉la꞉ ekina꞉ Koda꞉ma꞉ ipiki yaapo tikitiki yao na haena꞉ leliepate mo halima꞉ hone tulaasa꞉ ekina꞉ haena꞉ lelieke.

Ka꞉leisia 3:21

Koto alo ekina꞉ta꞉ mo pi ula꞉eki manuma꞉ta꞉ mo Koda꞉na꞉ pi la꞉ ula꞉eki hoeyaaluekema꞉ wia pa꞉la꞉pe. Dia꞉me. Ota꞉ dia꞉me. Mo pi ula꞉eki homekema꞉ wanda꞉hali da꞉taapeke ya꞉ka꞉na꞉ yoluta꞉ kota꞉ kotota꞉ paeyaoma꞉ koto pi ula꞉eki opua miniki hata꞉ Koda꞉ yaapo tikitiki halo pimipate

Pilipai 3:6

Kutupa Koda꞉na꞉ hau puluekema꞉ hone wopu witolo hata꞉ I̱ma꞉ mo siosi wanda꞉hali pa꞉ta꞉ tanda hala꞉tiki pu haowa꞉me. Homekema꞉ mo hande pi ula꞉eki paeyao miniki haasa꞉ hauma꞉ tikitiki haasa꞉ hali hapeke ya꞉ka꞉na꞉ta꞉ kota꞉ I̱ma꞉ta꞉ hau ma꞉nda꞉ na pu hoeyaowa꞉me.