Loma꞉ 9:30 - Panake Pi La: Ula: Buka pita: Kine Pieke Buka

³⁰ Koto ekina꞉ do aloma꞉ pita꞉ eki epina꞉ aloma꞉pe dupae. Diendaili wanda꞉halima꞉ta꞉ Koda꞉ yaapo tikitiki yao haluekema꞉ pota꞉ na weimikipate ikana꞉ma꞉ Koda꞉ pa꞉ta꞉ hone tulaaleme ekima꞉ Koda꞉ma꞉ ikita꞉ ipiki yaapo tikitiki hamina꞉ la꞉la꞉me.

Loma꞉ 9:30 ပူးပေါင်းရင်းမြစ်များ

Loma꞉ 10:10

Do ekina꞉yeke loa꞉me. Nika꞉ puki pa꞉ta꞉ hone tulaasoma꞉ ekina꞉ Koda꞉ma꞉ nikita꞉ ipiki yaapo tikitiki yao hamono ala꞉me. Nika꞉ kakema꞉ peneme yao aloma꞉ ekina꞉ nikita꞉ da꞉ta haloma꞉me.

Loma꞉ 10:20

Kutupa Aisayama꞉ Koda꞉na꞉eki lawaaso hata꞉ doolema꞉ na homeke dupa leekeme. I̱ na weimi wanda꞉halima꞉ kone I̱ handa꞉ wimime laata꞉ I̱ haloeki lota꞉ na pimi wanda꞉hali pa꞉ta꞉ kone yaka kone peneme yao waloa꞉me laa leekeme.

Loma꞉ 10:6

Koto la꞉la꞉pate hande Koda꞉ pa꞉ta꞉ hone tulao hata꞉ ipiki yaapo tikitiki yao haluekema꞉ pita꞉la꞉eki pa꞉ta꞉ mo Baibolo bukana꞉ wape pa꞉la꞉ ekita꞉ dupae. Nakana꞉ma꞉ naka꞉ kone dupa lota꞉ na pea꞉peke. Oli hepeni naneta꞉ epi a꞉meiliepe laa lea꞉ka꞉na꞉ta꞉ kota꞉ mo Ketiso niki pa꞉ta꞉ hola꞉pa꞉niao epena꞉yeke honke lolo a꞉meilu pele ekina꞉ loa꞉me.

Loma꞉ 3:5

Koto pa꞉la꞉pate mandane haliwekima꞉ alota꞉ Hoke hau puma꞉ka꞉na꞉ta꞉ wanda꞉halima꞉ Koda꞉ma꞉ tikitiki hau pita꞉la꞉eki wotu handilimikie alemepate koto aleme pi hombo peaasota꞉ eki lomana꞉pe. Mo kenke haliwekima꞉ lo haleme tupa꞉ Koda꞉ma꞉ niki panisi kia꞉ka꞉na꞉ta꞉ hokeeki pitolo pita꞉la꞉me laa lomana꞉pe.

Loma꞉ 4:11

Mo sekemesaisi piki hauta꞉ wetepe nane piekeme. Kutupata꞉ ipika꞉ sekemesaisi hau pieke ekita꞉ ti witolo tombo dupa piekeme. Ipikita꞉ sekemesaisi hau na piki hata꞉ kone Koda꞉ pa꞉ta꞉ hone tulao hayeke ekina꞉ Koda꞉ma꞉ ipiki pa꞉ta꞉ tikitiki yao haena꞉ leeke ekita꞉ ti witolo tombo wiekeme. Kutu pa꞉la꞉ ekina꞉ haliweki paeyaoma꞉ sekemesaisi hau na piki hata꞉ kone Koda꞉ pa꞉ta꞉ hone tulao haleme ekina꞉ Koda꞉ma꞉ ipiki pa꞉ta꞉ tikitiki yao haena꞉ la꞉la꞉ haliwekina꞉ apa꞉ta꞉ Eipoloha꞉ma꞉ ika꞉ apa꞉ hala꞉me.

Loma꞉ 4:13

Koda꞉ma꞉ta꞉ Eipoloha꞉ma꞉ pa꞉ta꞉ alota꞉ Do kenke paeyaota꞉ neke pa꞉ta꞉ make naka꞉ hoki nane halo peleme wanda꞉hali pa꞉ta꞉ make kulueke laa la꞉ witolo leekeme. Koda꞉ma꞉ do pi la꞉ wieke ekita꞉ Eipoloha꞉ma꞉ma꞉ hande Lo Pimanu opua pu hayeke ekina꞉ na leekeme. Eipoloha꞉ma꞉ta꞉ hone tulao hata꞉ Koda꞉ pa꞉ta꞉ tikitiki yao hayeke ekina꞉ leekeme.

Loma꞉ 4:22

Kutu pieke handaa Koda꞉ma꞉ Eipoloha꞉ma꞉ma꞉ hone tulaeyekeeki hando haota꞉ ipiki yaapo tikitiki yao haena꞉ leekeme.

Loma꞉ 4:9

Do hande Deipidima꞉ la꞉la꞉ ta꞉na꞉ma꞉ homa hapeke ekita꞉ pa mo sekemesaisi hau pea haleme haliweki pa꞉ta꞉ homeke la꞉la꞉pe. Dia꞉me. Mo sekemesaisi hau na piki haleme haliweki pa꞉ta꞉ make la꞉la꞉me. Hande Baibolo bukana꞉ wape pa꞉la꞉eki loa꞉ tupa꞉ Eipoloha꞉ma꞉ Koda꞉ pa꞉ta꞉ hone tulao hayekeme. Koda꞉ma꞉ta꞉ Eipoloha꞉ma꞉ ipika꞉ hone tulao hayeke ekina꞉ ipikita꞉ tikitiki yao haena꞉ leekeme wape pa꞉la꞉me.

Loma꞉ 5:1

Nika꞉ hone tulaaloma꞉ ekima꞉ Koda꞉ma꞉ nikita꞉ ipiki yaapo tikitiki hamono la꞉la꞉me. Kutu pa꞉leke handa Koda꞉ma꞉ nika꞉ puki lopao ipiki ame̱le̱ hamono la꞉la꞉me. Nika꞉ Tekehali Yesu Ketisoma꞉ pa꞉la꞉ ekina꞉ pa꞉la꞉me.

Loma꞉ 9:14

Koto pa꞉la꞉ ekina꞉ nikana꞉ma꞉ta꞉ Koda꞉ma꞉ tikitiki piki hau na pa꞉la꞉me laa loluma꞉pe. Ota꞉ dia꞉me.

Loma꞉ 9:31

Kutu pa꞉la꞉pate hande talopu mea haena꞉ la꞉la꞉ wanda꞉halima꞉ta꞉ ikita꞉ Koda꞉ yaapo tikitiki yao hamina꞉ lolo peleme pi ula꞉ ekimanu weimikipate na handa꞉ wimikime.

Ka꞉leisia 2:16

Koto poloma꞉pate koneta꞉ ma꞉nda꞉ hali epima꞉ Koda꞉ pa꞉ta꞉ tikitiki yao haluekema꞉ta꞉ kota꞉ titina꞉ pea꞉peke hauta꞉ Yesu Ketiso pa꞉ta꞉ hone tulaalimi ekima꞉ homeke tikitiki yao halimikie. Pa mo Lo Pi ula꞉ ekimanu miniki haleme ekima꞉ ota꞉ dia꞉me. Koto pa꞉la꞉eki handolo hata꞉ niki make Yesu pa꞉ta꞉ hone tulaaloma꞉me. Pa Koda꞉ pa꞉ta꞉ tikitiki yao haluekema꞉yeke kutupiki hau ota꞉ poloma꞉me. Pate pa mo Mosesina꞉ pi ula꞉ ekimanu miniki haloma꞉ ekima꞉ dia꞉me. Koda꞉ pa꞉ta꞉ tikitiki yao haluekema꞉ta꞉ hali homeke ma꞉nda꞉ma꞉ mo Lo Pi ula꞉ ekimanu opua pu hala꞉ ekima꞉ ota꞉ pea꞉peke na ya꞉la꞉me.

Ka꞉leisia 3:24

Koto ekina꞉ mo hone tulaasa꞉ hau pa꞉ta꞉ yama꞉ Koda꞉ yaapo tikitiki yao hamono mo Lo Pi ula꞉ ekima꞉ niki handeteke hatiki puaata꞉ Ketiso ipulu kinaeyekeme.

Ka꞉leisia 3:8

Baiboloma꞉ dupa la꞉ wiekeme Koda꞉ma꞉ mo hande Diendaili wanda꞉hali ika꞉ hone tulaleme ekina꞉ Koda꞉ ipiki ame̱le̱ epea halimikie laa la꞉ wiekeme. Kota꞉ mo Baiboloma꞉ Eipoloha꞉ma꞉ pa꞉ta꞉ dupiki pi seliapo la halolo alota꞉ Neke pa꞉ta꞉ yama꞉ta꞉ Koda꞉ma꞉ wanda꞉hali paeyao wamo pilieke leekeme. Mo koto leeke ekita꞉

Ka꞉leisia 5:5

Nikana꞉ma꞉ta꞉ Koda꞉ma꞉ niki tikitiki yaena꞉ yeke ipiki pa꞉ta꞉ ti lao haloma꞉me. Do hauta꞉ Koda꞉ ipika꞉ Holi Sipitidina꞉ welema꞉ nika꞉ hone tulaasoma꞉eki pa꞉ta꞉ yama꞉ peaalieke hone wia hone bao haloma꞉me.

Epesese 2:12

Koto pita꞉ta꞉ ikita꞉ Ketiso teke pa꞉ta꞉ na hake ika꞉ ta꞉ta꞉ papate haemekeme. Ikita꞉ Koda꞉ma꞉ talopu mea haena꞉ la꞉la꞉ wanda꞉hali apa꞉tao na hake tapake ta꞉ta꞉ wanda꞉hali haemekeme. Koda꞉ma꞉ ipika꞉ wanda꞉hali pa꞉ta꞉ pimanu la꞉ wiekeeki manuta꞉ iki pa꞉ta꞉ na leekeme. Ikita꞉ amba꞉ do kenkena꞉ haemeke dina꞉ta꞉ Koda꞉ ame̱le̱ na hake ipiki pa꞉ta꞉ epekeeki muluekema꞉ hone na wiki pa hao haemekeme.

Pilipai 3:9

Koto ekina꞉ mo tikitiki yao hala꞉ ekita꞉ ya kone na polome. Hande Mosesima꞉ mieke Lo Pimanu opua pu hao mea꞉peke ya꞉la꞉ ekima꞉ na polome laa loa꞉me. Mo Koda꞉ma꞉ Yesu Ketiso pa꞉ta꞉ hone tulaasome wanda꞉hali pa꞉ta꞉ ku hala tikitiki yao hala꞉ ekita꞉ ame molome. Do tikitiki yao haasa꞉ ekina꞉ teketa꞉ hone tulaasa꞉ekie.

1 Timodi 6:11

Nakana꞉ma꞉ Koda꞉na꞉ hali hata꞉ta꞉ koto hau manuta꞉ mone hata꞉ pina꞉ kiao papate leke hapeke. Kutu puluekema꞉ta꞉ kota꞉ nakana꞉ma꞉ mo tikitiki piki hau make Koda꞉na꞉ hau leke pita꞉la꞉ hau make hone tulaasa꞉ hau make pukima꞉ homa꞉la꞉ hau make ki hone na wiki pita꞉la꞉ hau make kimele piki hau pita꞉la꞉ hau make koto hau paeyao ota꞉ muluekee hone u paleke pu hapeke.

Hibulu 11:7

Koda꞉ma꞉ wetepe epolo pieke hau manuta꞉ Noa pa꞉ta꞉ kinki piekeme. Koto hau manuta꞉ Noama꞉ handa꞉peke na yekepate kone ipika꞉ hone tulaaso hata꞉ Koda꞉na꞉ pi opiekeme. Koto leeke Koda꞉na꞉ kakena꞉ homolo mo wepie leeke kawaso tieke wepiekeme. Koto kawasoma꞉ta꞉ ipiki make ipika꞉ wekiwanda꞉ make peteleekeme. Noama꞉ mo hande Koda꞉ma꞉ leeke pi telia pieke handaa Koda꞉ma꞉ mo hone tulaasemeke hala꞉la꞉ tikitiki piki hauta꞉ Noa pa꞉ta꞉ haleekepate paa pa haemeke mandane wanda꞉hali paeyaota꞉ ota꞉ hoeyaeyekeme.

1 Pida 4:3

Amba꞉ta꞉ ikana꞉ma꞉ mo pi na miki wanda꞉halima꞉ ika꞉ hone pa꞉la꞉ hau pu haleme hau pimime. Koto hauna꞉ta꞉ nate ana꞉na꞉ paeyaememe. Mo yola꞉la꞉ hau pita꞉la꞉eki make leke pola꞉paasa꞉eki make hoke ikali naa keaasa꞉eki make (ne hoke ikali tieke pamba naa keao) siaka꞉ hake hau pita꞉la꞉eki make mo yeni hau pita꞉la꞉ alemanu pa꞉ta꞉ handa꞉peke na yo moka꞉laapeke na yo piki yeni hau pita꞉la꞉eki make koto hau manuna꞉ ika꞉ nate paeyaememe.