Loma꞉ 9:3 - Panake Pi La: Ula: Buka pita: Kine Pieke Buka

³ I̱ma꞉ iki tamba꞉ mulueke alo hata꞉ pa Koda꞉ma꞉ I̱ hoeyaena꞉ laata꞉ Ketiso yaapo ta꞉ma꞉ni pea haloeki ka꞉taalu pea ta꞉ta꞉ halo polo pua꞉ka꞉na꞉ yoluta꞉ koto ana꞉ polu pia꞉me.

Loma꞉ 9:3 ပူးပေါင်းရင်းမြစ်များ

Kini Pieke 29:14

Leibenima꞉ alota꞉ Aowe. Ota꞉e. Neketa꞉ yaka loke homeke make we homekee leekeme. Kutupa Dieikopeta꞉ sumba꞉ homeke koto pa꞉ta꞉ hayekeme.

Aposolo 13:26

Eipoloha꞉ma꞉ tapake haliweki ya kametitio. Koda꞉ pa꞉ta꞉ panda꞉puniao yeni pu haleme Diendaili wanda꞉hali paeyao iki make Koda꞉ma꞉ do hande niki da꞉taapeke ya꞉la꞉ pi niki pa꞉ta꞉ epena꞉ la꞉la꞉me.

Aposolo 22:5

Mo yeni peao haleme you haliwekina꞉ you halima꞉ make mo ka̱le̱sete haliwekima꞉ make handememe leekeme. Mo haliweki pa꞉ta꞉ ika꞉ Damasikasi hameke titina꞉ pasemanu meaka꞉na꞉ oli da nane Ketiso wanda꞉hali muluekema꞉ poa꞉me leekeme. Mo wanda꞉hali mea tonkao Diutuseleme da nane hatuku a꞉pa panisi peaaluekema꞉ pua꞉me leekeme.

Aposolo 28:21

Kutupa ikana꞉ma꞉ ipiki pa꞉ta꞉ alota꞉ Diudia nanema꞉ neke pa꞉ta꞉ wape pea ipula꞉ pasemanu na muma꞉me. Kutupa do ane epea꞉ kame homekema꞉ pi ma꞉nda꞉ hoke pi make neke pa꞉ta꞉ na la꞉la꞉me lememe.

Loma꞉ 1:3

Do Pi Seliapota꞉ ipika꞉ Eiyeke hande nika꞉ Tekehali Yesu Ketisoma꞉ pulu pieke ekina꞉ eki loa꞉me. Ipikita꞉ kenke hali leke hayeke ekita꞉ Deipidina꞉ tapake hali hayekeme.

Loma꞉ 11:1

Koto pa꞉la꞉ ekina꞉ I̱ma꞉ lota꞉ pitolo ekita꞉ dupa. Koda꞉ma꞉ta꞉ ota꞉ ipika꞉ wanda꞉hali kiaeyekepe. Ota꞉ dia꞉me. I̱ kone Isulai hali hata꞉ Eipoloha꞉ma꞉ta꞉ yaka apa꞉mei hayekepate I̱ta꞉ Benisamini tapake hali halome.

Loma꞉ 11:14

Pa mata꞉la꞉me. Mandane ya tapake wanda꞉hali I̱ma꞉ honditi peaaso hata꞉ da꞉ta꞉la꞉eki mina꞉ lolua꞉pe mata꞉la꞉me.

Loma꞉ 16:11

Ya tapake Diu hali Hetodioni pa꞉ta꞉ make mo hande Nasisasi tapake Ketiso wanda꞉hali pa꞉ta꞉ make a꞉taloe pi la꞉niaasome.

Loma꞉ 16:21

Dika꞉ mandakena꞉ e pokao halopa꞉ hali Timodima꞉ make iki pa꞉ta꞉ a꞉taloe pi la꞉niaasa꞉me. Lusiasima꞉ make Dieisonima꞉ make Sosipeidema꞉ make mo mandane Diu tapake haliweki ikana꞉ma꞉ make iki pa꞉ta꞉ a꞉taloe pi la꞉niaasememe.

Loma꞉ 16:7

Hande nika꞉ mandakena꞉ dipula pituma꞉ Diu hali yaapo A꞉ndotonaikusi pita꞉ Diuniasi yaapo pa꞉ta꞉ make a꞉taloe pi la꞉niaasome. Mo hande aposolo haliwekima꞉ta꞉ koto hali yaapo wotu handa wilimime. I̱ta꞉ pi a̱i̱ na miki hano kone ipilikana꞉ma꞉ amba꞉la Ketiso haliweki haepekeme.

Loma꞉ 9:2

I̱ma꞉ta꞉ yaka wanda꞉hali ota꞉ yaka Diu tapake wanda꞉hali pa꞉ta꞉ hone witolo hata꞉ a꞉ta꞉ tieke pu hala꞉ ekima꞉ ya puki pa꞉ta꞉ tanda pia꞉tiki pu hala꞉me.

1 Kotindi 12:3

Koto ekina꞉ ikana꞉ma꞉ hone uemena꞉yeke do alome. Hali homeke ma꞉nda꞉ a꞉nda꞉ma꞉ta꞉ Koda꞉na꞉ Holi Sipitidima꞉ handeteke haena꞉ alo hata꞉ alota꞉ Yesuta꞉ hoeyaena꞉e laa pi lapeke na ya꞉la꞉me. Kutupa ma꞉nda꞉ma꞉ make Yesuta꞉ ota꞉ Tekehalie laa loluekema꞉ mo Holi Sipitidima꞉ na handeteke haena꞉ kone kutupiki pi lapeke na ya꞉la꞉me.

1 Kotindi 16:22

Tekehali pa꞉ta꞉ pukima꞉ na homeke pa kiaasa꞉ hali epita꞉ ota꞉ hoeyaena꞉e. Nika꞉ Tekehalio. Epoe.

2 Kotindi 12:15

Koto ekina꞉ yaka ta꞉na꞉ pa꞉la꞉ ekita꞉ iki tamba꞉ muluekema꞉ yeketa꞉ yaka wia halo ale paeyao make I̱ kone make pa baalueke laata꞉ I̱ hone wopu pa꞉la꞉me. I̱ma꞉ta꞉ iki pukima꞉ wopu homolo ekina꞉ yeke ikana꞉ma꞉ta꞉ I̱ta꞉ hosikima꞉ kone puki kilimikipe.

Ka꞉leisia 1:8

Kota꞉ nikana꞉ma꞉ kone make o mo hepeni nane a꞉pa꞉la꞉ enisoloma꞉ make amba꞉ mo nikana꞉ma꞉ iki pa꞉ta꞉ waloma꞉ pi seliapoma꞉ na handeke ata꞉ka꞉piki pi seliapo ma꞉nda꞉ iki pa꞉ta꞉ walea꞉ka꞉na꞉ta꞉ kutu piki hau pita꞉la꞉ someta꞉ ota꞉ hoke ti to hala꞉ pa꞉ta꞉ mea lopaapeke alee.

Ka꞉leisia 1:9

Amba꞉ hande loma꞉pate ame I̱ma꞉ paa alome. Ma꞉nda꞉ epima꞉ mo ikana꞉ma꞉ amba꞉ miniki haeme pi seliapoma꞉ na handeke ta꞉ta꞉ piki pi a꞉nda꞉ iki pa꞉ta꞉ walea꞉ka꞉na꞉ta꞉ kota꞉ kutupiki hau pita꞉la꞉ someta꞉ ota꞉ hoke ti to hala꞉ pa꞉ta꞉ mea lopaapeke alee.

Ka꞉leisia 3:10

Epi amedama꞉ mo Lo Pi ula꞉eki pitolo ekima꞉ta꞉ I̱ ana꞉na꞉ epeaalieke laa hone ti laeya꞉ka꞉na꞉ta꞉ kota꞉ ipikita꞉ mo Koda꞉na꞉ esihou pi oto pa꞉ta꞉ hala꞉me. Kota꞉ mo Baiboloma꞉ alota꞉ Epima꞉ mo wape pea ula꞉ pi ula꞉eki paeyao ota꞉ tana꞉ paeyaona꞉ opua na pu haya꞉ka꞉na꞉ta꞉ kota꞉ koto some epita꞉ Koda꞉ ipika꞉ esihou pi yu wia hala꞉eki oto pa꞉ta꞉ hala꞉me ala꞉me.

Ka꞉leisia 3:13

Hali epima꞉ ti manda endiaeya꞉ka꞉na꞉ta꞉ kota꞉ koto halita꞉ Koda꞉na꞉ esihou pi la꞉la꞉eki oto pa꞉ta꞉ hala꞉me mo Baibolona꞉ wape pea ula꞉ tupa꞉ Ketisoma꞉ mo pi ula꞉ ekina꞉ esihou pi niki pa꞉ta꞉ a꞉paama꞉na꞉yeke ipikana꞉ma꞉ nika꞉ anketeke mieke handaata꞉ mo esihou pita꞉ ipiki pa꞉ta꞉ yapeekeme.

Epesese 6:5

E pa hameke pokaaseme haliwekio ika꞉ handeteke haleme haliwekina꞉ pi paala꞉ma꞉ homolo hata꞉ opua꞉pa꞉peke. Makeaasa꞉ hau na piki Ketisona꞉ e pokaaseme tupa꞉ opua pea꞉pa꞉peke.