Loma꞉ 9:21 - Panake Pi La: Ula: Buka pita: Kine Pieke Buka

²¹ Kanake wepu hala꞉ halima꞉ta꞉ mo kenke meata꞉ ipika꞉ hone pa꞉la꞉ tupa꞉ wepilieke. Ipikana꞉ma꞉ homeke kenke penkema꞉ kone kanake homeketa꞉ hoto homeke homekema꞉ mea pa꞉tiki pea꞉pekeeki wepiata꞉ kanake ma꞉nda꞉ta꞉ nate paeyao mea pa꞉tiki pu hapekeeki wepia꞉ka꞉na꞉ta꞉ ana꞉ pilieke.

Loma꞉ 9:21 ပူးပေါင်းရင်းမြစ်များ

Aposolo 9:15

Koto leekepate Tekehalima꞉ alota꞉ Pue. Do halita꞉ yaka amba꞉ molo halima꞉ pa꞉la꞉me leekeme. Yaka bikita꞉ Diendaili wanda꞉halima꞉ make kini haliwekima꞉ make Isulai wanda꞉halima꞉ make opina꞉ pua꞉ma꞉ pue leekeme.

Loma꞉ 9:11

Koda꞉ma꞉ta꞉ mo weki yaapota꞉ ma꞉nda꞉ hondo muluekema꞉ ipika꞉ hone wia kone inkiki pa꞉ta꞉ alota꞉ Mupeke wekima꞉ta꞉ wetepe nane wekina꞉ e pokaalieke laa leekeme. Koto leeke pita꞉ mo weki yaapo a̱i̱ na mendiki haena꞉ make epeke hau o hoke hau ma꞉nda꞉ a̱i̱ na piki haena꞉ kone Koda꞉ma꞉ leekeme. Koto ekina꞉ Koda꞉ma꞉ talopu mea haena꞉ la꞉la꞉ ekita꞉ mo weki yaapoma꞉ pipiki ekina꞉ dia꞉ yekepate pa ipika꞉ hone wia kone wi leekeme.

Loma꞉ 9:18

Koto pa꞉la꞉ ekina꞉ Koda꞉ma꞉ ipika꞉ hone pa꞉la꞉ hali pa꞉ta꞉ a꞉ta꞉ma꞉ homolueke hone wia꞉ka꞉na꞉ta꞉ kota꞉ a꞉ta꞉ma꞉ homilieke. Kutupa ipika꞉ hone pa꞉la꞉ hali ma꞉nda꞉ make honke pea haena꞉ lolueke hone wia꞉ka꞉na꞉ta꞉ kota꞉ honke pea haena꞉ lelieke.

Loma꞉ 9:20

Kutupiki pi lelipi halita꞉ neketa꞉ epi ya꞉ka꞉ta꞉pe. Koda꞉na꞉ leke pa꞉ta꞉ lia halipikii. Kenkema꞉ wa꞉pa꞉la꞉ kanake holiki ma꞉nda꞉ma꞉ mo wa꞉pa꞉la꞉ hali pa꞉ta꞉ pi dupa na lelieke. I̱ta꞉ dupiki kanakena꞉ ekipa wepia hano la pipe laa na lelieke.