Loma꞉ 9:20 - Panake Pi La: Ula: Buka pita: Kine Pieke Buka

²⁰ Kutupiki pi lelipi halita꞉ neketa꞉ epi ya꞉ka꞉ta꞉pe. Koda꞉na꞉ leke pa꞉ta꞉ lia halipikii. Kenkema꞉ wa꞉pa꞉la꞉ kanake holiki ma꞉nda꞉ma꞉ mo wa꞉pa꞉la꞉ hali pa꞉ta꞉ pi dupa na lelieke. I̱ta꞉ dupiki kanakena꞉ ekipa wepia hano la pipe laa na lelieke.

Loma꞉ 9:20 ပူးပေါင်းရင်းမြစ်များ

Ma꞉tiu 20:15

Ya manima꞉ta꞉ ya hone pa꞉la꞉ tupa꞉ kone pea꞉peke dia꞉ ya꞉la꞉pe o I̱ma꞉ ta꞉na꞉ma꞉ homolo hata꞉ mandane wanda꞉hali pa꞉ta꞉ ale mandaneeki pa halo halo ekina꞉ neketa꞉ I̱ yaapo ta꞉na꞉ma꞉ na homelepe laa lota꞉ piekeme.

Luku 12:14

Yesuma꞉ ipika꞉ pi hombo peaaso alota꞉ Someo. Ipilika꞉ alemanu telipaano make ipilika꞉ pi tikitiki yawaanota꞉ I̱ta꞉ epima꞉ mea haena꞉ la꞉la꞉pe leekeme.

Loma꞉ 14:4

Hali ma꞉nda꞉na꞉ e pokaasa꞉ hali pa꞉ta꞉ hone u hoeyaasa꞉ hali neketa꞉ epi ya꞉ka꞉ta꞉pe. Pu hoeyaaleme laa make epeke peleme laa make ipika꞉ Tekehalima꞉ homeke lelieke. Ipika꞉ Tekehalima꞉ epeke tupa꞉ pina꞉ lapeke ya꞉la꞉ ekima꞉ mo halima꞉ epeke tupa꞉ pilieke.

Loma꞉ 2:1

Nakana꞉ma꞉ hali ma꞉nda꞉ pa꞉ta꞉ kiki ma̱leke lika꞉na꞉ta꞉ kota꞉ neke pa꞉ta꞉ ketete wilieke. Do ekina꞉yeke loa꞉me. Ma꞉nda꞉ma꞉ pa꞉la꞉ ekina꞉ nakana꞉ma꞉ pu hata꞉ kone mo some pa꞉ta꞉ kiki ma̱leke lika꞉na꞉ta꞉ kota꞉ neke kone kiki ma̱leke liteleme.

Loma꞉ 2:3

pa nakana꞉ma꞉ta꞉ hali ma꞉nda꞉ma꞉ pa꞉la꞉ ekina꞉ kiki ma̱leke lika꞉na꞉ta꞉ neke make pu hata꞉ kone laaseme. Kota꞉ Koda꞉ma꞉ neke pa꞉ta꞉ pi yokaalu pulu pa꞉la꞉ ekita꞉ paka꞉lao ulueke hone witelepe.

Loma꞉ 9:21

Kanake wepu hala꞉ halima꞉ta꞉ mo kenke meata꞉ ipika꞉ hone pa꞉la꞉ tupa꞉ wepilieke. Ipikana꞉ma꞉ homeke kenke penkema꞉ kone kanake homeketa꞉ hoto homeke homekema꞉ mea pa꞉tiki pea꞉pekeeki wepiata꞉ kanake ma꞉nda꞉ta꞉ nate paeyao mea pa꞉tiki pu hapekeeki wepia꞉ka꞉na꞉ta꞉ ana꞉ pilieke.

Loma꞉ 9:22

Kota꞉ Koda꞉ma꞉ koto tupa꞉ pea la꞉la꞉me. Ipika꞉ mineke panka꞉la꞉eki waluekema꞉ make ipika꞉ wele pita꞉la꞉eki wanda꞉halima꞉ handena꞉ loluekema꞉ make hone piekeme. Koto ekina꞉ Koda꞉ma꞉ mineke pankolo hata꞉ pi yokaalu pea꞉peke yeeke wanda꞉halita꞉ hande hoeyaapeke wanda꞉halita꞉ pota꞉ haena꞉ ipikana꞉ma꞉ koto wanda꞉halita꞉ yuwia hao hatiki piekeme.

1 Kotindi 1:20

Koto ekina꞉ mo hande hone wotu witeme haliwekita꞉ ekipape o mo hande wape pa꞉la꞉eki wopu handeleme haliwekita꞉ ekipape o do kenkena꞉ mo pi hotia꞉la꞉meeki wotu handeleme haliwekita꞉ ekipape. Koda꞉ma꞉ walolota꞉ Do kenkena꞉ hone wotu wita꞉la꞉ ekita꞉ Pa alee laa wala꞉leke handa loa꞉me.

1 Kotindi 7:16

Ketiso wanda꞉o. Naka꞉ haliki tamba꞉ minolo halena꞉ ipikita꞉ Ketiso hali haliepe o na haliepe nakana꞉ma꞉ na handeleme. Kutupa Ketiso hali neke make naka꞉ wanda꞉ tamba꞉ minolo halena꞉ ipikita꞉ Ketiso wanda꞉ haliepe o na haliepe nakana꞉ma꞉ na handeleme.

1 Timodi 6:5

kima꞉ na homeke pi yokaalu alu pita꞉la꞉ ekimanu make kota꞉ hao paeyao mo wanda꞉hali tukiki pa꞉ta꞉ wala꞉ tiao hala꞉me. Kutu piki wanda꞉halima꞉ta꞉ mo hande ota꞉ pimanu mina꞉pa꞉laaso hata꞉ta꞉ pa mo Koda꞉na꞉ hau pita꞉la꞉ ekita꞉ hamoko hapeke pota꞉e hone u halememe.

2 Timodi 2:20

Mo hamoko da tieke pa꞉ta꞉ta꞉ paata꞉ piki make noka꞉ wiki kawaso ta꞉ta꞉ ta꞉ta꞉ pikieki wopu ula꞉me. Mo kawaso manuta꞉ silipama꞉ make koloma꞉ make wa꞉peleme. Kutupa mandane ekita꞉ tima꞉ make kenkema꞉ make wa꞉peleme. Do kawaso mandaneeki manuta꞉ hau tieke pitolo mea꞉pekeeki wina꞉ laata꞉ mandane ekita꞉ pa nate paeyao pa mu hapekeeki wina꞉ la꞉la꞉me.

Taitasi 2:9

Mo pa hameke e pokaasa꞉ haliweki pa꞉ta꞉ta꞉ dupiki pi lapeke. Ika꞉ e pokemeeki paeyaoma꞉ mo ika꞉ handeteke hala꞉ haliwekina꞉ pi oto pa꞉ta꞉ hata꞉ ika꞉ epeke e pokeme ekima꞉ iki ta꞉na꞉ma꞉ homaapa꞉peke. Kutu pimika꞉na꞉ta꞉ mo iki handeteke hala꞉ haliwekina꞉ pi eto eto na lao make

Dia꞉mesi 2:20

Neketa꞉ hone na wiki halio. Hande ota꞉ hau na piki pa pima꞉ homeke Ketiso pa꞉ta꞉ hone tulao halome ala꞉ ekita꞉ paeki pita꞉la꞉me la walonope.