Loma꞉ 8:9 - Panake Pi La: Ula: Buka pita: Kine Pieke Buka

⁹ Kutupu halemepate ika꞉ lokena꞉ hone pa꞉la꞉eki manuma꞉ iki na handeteke hatiki pita꞉la꞉pateta꞉ Koda꞉ ipika꞉ Sipitidita꞉ iki tukiki pa꞉ta꞉ ota꞉ pitia꞉ka꞉na꞉ta꞉ kota꞉ hande Sipitidima꞉ walo hala꞉eki pea꞉tiki pu halememe. Hali ma꞉nda꞉ pa꞉ta꞉ Ketiso ipika꞉ Sipitidi na pitia꞉ka꞉na꞉ta꞉ kota꞉ ipikita꞉ Ketisona꞉eki dia꞉me.

Loma꞉ 8:9 ပူးပေါင်းရင်းမြစ်များ

Luku 11:13

Ikita꞉ hoke haliweki halemepate kone ika꞉ weki wandiki pa꞉ta꞉ta꞉ epeke epeke alemanu halo halememe. Koto hau ota꞉ lombei peaaso hata꞉ta꞉ oli ya nane hala꞉ Apa꞉ma꞉ta꞉ mo Holi Sipitidi honke aleme wanda꞉hali pa꞉ta꞉ta꞉ ota꞉ halieke laa leekeme.

Dioni 14:23

Kutupa Yesuma꞉ ipika꞉ pi hombo peaaso alota꞉ Hali epima꞉ I̱ pa꞉ta꞉ pukima꞉ homea꞉ka꞉na꞉ta꞉ I̱ma꞉ alo pi opua pilieke. Kutupa yaka Apa꞉ma꞉ koto hali pa꞉ta꞉ pukima꞉ homilieke. Kutupa yaka Apa꞉ dikita꞉ mo hali pa꞉ta꞉ a꞉pa ipiki ame̱le̱ hao halumeke.

Dioni 3:34

Koda꞉ma꞉ tapaala꞉ halima꞉ta꞉ Koda꞉na꞉ pimanu lalieke. Koda꞉ma꞉ ipiki pa꞉ta꞉ Holi Sipitidi hala꞉la꞉ ekita꞉ tombo wia na hala꞉la꞉ ekina꞉ loa꞉me.

Dioni 3:6

weki mondu hala꞉ ale manuma꞉ta꞉ ipika꞉ loke hala꞉eki kone mondu hala꞉pate mo Sipitidima꞉ta꞉ ipikima꞉ handekeeki kone pitaalieke laa leekeme.

Aposolo 16:7

Kutupa Maisia nane teke pa꞉ta꞉ opolo epemekepate Bidinia nane poluekema꞉ pu handemekepate Yesu ipika꞉ Sipitidima꞉ sa꞉sa꞉ piekeme.

Loma꞉ 7:5

Amba꞉ nikita꞉ nika꞉ hone pa꞉la꞉ ekimanu homeke pu haoma꞉ dina꞉ hande Lo Pi manuma꞉ta꞉ nikana꞉ma꞉ hoke hau peomonoyeke nika꞉ lokena꞉ hone pa꞉la꞉ ekimanu pu tiaaso haena꞉ niki homaapeke yeekeme.

Loma꞉ 8:1

Koto ekina꞉ Yesu Ketiso ame̱le̱ ta꞉ma꞉ni pea haloma꞉ wanda꞉hali pa꞉ta꞉ta꞉ ma꞉nda꞉ma꞉ hoke yenki kia꞉peke na ya꞉la꞉me.

Loma꞉ 8:11

Hande Yesu homeekepate kone paa mea tiaeyeke Koda꞉ ipika꞉ Sipitidi iki tukiki pa꞉ta꞉ pitia꞉ka꞉na꞉ta꞉ kota꞉ hande Ketiso homeekepate kone paa mea tiaeyeke Koda꞉ma꞉ta꞉ iki tukiki pa꞉ta꞉ pitaala꞉ ipika꞉ Sipitidima꞉ kone ika꞉ homolo peleme lokemanu mea da꞉taalieke.

Loma꞉ 8:2

Do ekina꞉yeke loa꞉me. Nikita꞉ Yesu Ketiso ame̱le̱ ta꞉ma꞉ni pea ota꞉ hamono la꞉la꞉ Sipitidita꞉ ipikana꞉ma꞉ kone I̱ handeteke hata꞉ walo hala꞉ ekima꞉ta꞉ mo hoke hau pita꞉ homa꞉la꞉eki yaapo pu tiaasa꞉ hauma꞉ tonka pelia hala꞉eki ka꞉la꞉pa꞉ tapaala꞉me.

1 Kotindi 15:23

Kutu piliepate pa Koda꞉ma꞉ lelie natena꞉ kone paa tiaalieke. Dupae. Hande puki napeke ne tupa꞉ Ketiso titina꞉e. Kutupa wetepena꞉ mo Ketisona꞉ ipilie natena꞉ta꞉ ipika꞉ wanda꞉hali mea tiaalieke.

1 Kotindi 3:16

Ikita꞉ Koda꞉na꞉ yakopiki da hamina꞉ta꞉ kutupa Koda꞉na꞉ Sipitidi iki tukiki pa꞉ta꞉ amba꞉ pitaala꞉eki make ikana꞉ma꞉ hone na witelemepe.

1 Kotindi 6:17

Kutu pita꞉la꞉pate hali epima꞉ Tekehali pa꞉ta꞉ ta꞉ma꞉ni pea haya꞉ka꞉na꞉ta꞉ kota꞉ ipilika꞉ temokota꞉ homeke kone halipipikie.

1 Kotindi 6:19

Ika꞉ lokemanu tukiki pa꞉ta꞉ta꞉ mo Holi Sipitidi pitina꞉ ipika꞉ yakopiki da haleme ekita꞉ hone na witelemepe. Kutupa mo Holi Sipitidi pila꞉ ekita꞉ Koda꞉ma꞉ iki pa꞉ta꞉ kita꞉la꞉ ekita꞉ hone na witelemepe. Ikita꞉ ika꞉eki dia꞉me. Koda꞉na꞉eki halememe.

2 Kotindi 10:7

Ikana꞉ma꞉ta꞉ mo ala꞉ta꞉ ala꞉ta꞉na꞉ hama꞉ naneeki handelememe. Iki ame̱le̱ ma꞉nda꞉ma꞉ ipikita꞉ Ketiso pa꞉ta꞉ tunaalome ala꞉ some hala꞉pe. Kota꞉ ipikana꞉ma꞉ ipika꞉ hau pita꞉la꞉eki kone pa hone wina꞉e. Pa ekipeke ipikana꞉ma꞉ pita꞉la꞉ tupa꞉ kone niki make Ketiso pa꞉ta꞉ tunaaloma꞉me.

2 Kotindi 6:16

Mo Koda꞉na꞉ tembolota꞉ mo pi na miki wanda꞉halina꞉ toopi ti wepia ula꞉ alemanu yaapota꞉ ekipa hone homeke wia꞉peke ya꞉la꞉pe. Pa ekipeke. Nikita꞉ mo da꞉ta hao hala꞉ Koda꞉na꞉ tembolo da haloma꞉me. Koda꞉ ipikana꞉ma꞉ leeke tupa꞉ta꞉ dupae. Yaka data꞉ yaka wanda꞉hali ame̱le̱ wepulueke. Kutupa iki ame̱le̱ hao halueke. I̱ta꞉ ika꞉ Koda꞉ halueke. Kutupa ikita꞉ yaka wanda꞉hali halimikie leekeme.

Ka꞉leisia 4:6

Ikita꞉ Koda꞉na꞉ wekiwandiki haleme ekina꞉ta꞉ Koda꞉ma꞉ ipika꞉ wekina꞉ Sipitidita꞉ nika꞉ puki pa꞉ta꞉ pitina꞉ tapaeya꞉me. Mo Apa꞉o. Ya Apa꞉o lo hala꞉ Sipitidita꞉ niki pa꞉ta꞉ tapaeya꞉me.

Ka꞉leisia 5:24

Mo Yesu Ketisona꞉ wanda꞉halima꞉ta꞉ ika꞉ lokena꞉ hau make koto loke ipika꞉ namonamo hata꞉ na꞉na꞉ na꞉na꞉ pitolo loke tiaasa꞉eki make koto hau paeyaota꞉ Ketiso yaapo apa꞉tao mo a꞉ka꞉tei wape piki tina꞉ lia endialememe.

Epesese 1:13

Koto ekita꞉ iki pa꞉ta꞉ make pa꞉la꞉me. Ikana꞉ma꞉ta꞉ hande iki mea da꞉taalo pieke Pi Seliapo opuata꞉ Ketiso pa꞉ta꞉ hone tulaememe. Kutu pimiki handata꞉ Koda꞉ma꞉ ipika꞉ la꞉ wieke Holi Sipitidi iki kitolo hata꞉ta꞉ ikita꞉ ipika꞉ekie laa ti wia꞉me.

Epesese 2:22

Ikita꞉ Yesu Ketiso yaapo ta꞉ma꞉ni pea hamina꞉ make mo mandane Ketiso wanda꞉hali paeyao make mea apa꞉tao Koda꞉ma꞉ ikita꞉ ipika꞉ da haena꞉ loluekema꞉ a꞉eta꞉la꞉me. Koto da tukiki pa꞉ta꞉ Koda꞉ ipika꞉ Sipitidi hao halieke.

Epesese 3:17

Kutupa make ikana꞉ma꞉ hone tulao hamina꞉ Ketisota꞉ ika꞉ puki pa꞉ta꞉ hao haena꞉yeke honke alome. Ti pikimanu kenkena꞉ lopa꞉niaaseme tupa꞉ ikana꞉ma꞉ make Koda꞉na꞉ pukima꞉ homa꞉la꞉eki pa꞉ta꞉ ika꞉ pikimanu lopa꞉niao haota꞉

Pilipai 1:19

Pa ekipeke mo ikana꞉ma꞉ yeni peao halemeke mo Yesu Ketisona꞉ temokoma꞉ I̱ tamba꞉ mina꞉la꞉ ekina꞉ make I̱ta꞉ dipula da mina꞉pa꞉lao pomu halueke hone ulume.

2 Timodi 1:14

Mo neke pa꞉ta꞉ ka꞉la꞉ epeke epeke hau manuta꞉ ota꞉ wopu handeteke ke haluekema꞉ kota꞉ nakana꞉ma꞉ mo nika꞉ puki pa꞉ta꞉ pila꞉ Holi Sipitidina꞉ wele peaasa꞉ ekina꞉ welema꞉ wopu handeteke hapeke.

1 Pida 1:11

Ketisona꞉ temokoma꞉ mo potopede haliweki tukiki pa꞉ta꞉ pita꞉ Ketiso ipika꞉ tanda mulu piekeeki make ipika꞉ pa̱a̱ma꞉ telimea epolo piekeeki make la꞉ wia waleeke pita꞉ma꞉ta꞉ ikana꞉ma꞉ koto hau manuta꞉ ekipa handima꞉ ipiliepe laa handuluekema꞉ weiyu taapo haemekeme.

1 Dioni 3:24

Ma꞉nda꞉ epima꞉ Koda꞉na꞉ pi ula꞉ ekimanu opua pia꞉ka꞉na꞉ta꞉ ipikita꞉ Koda꞉ yaapo tunao hala꞉ make Koda꞉ta꞉ ipiki yaapo tunao hala꞉me. Kutupa mo Koda꞉ma꞉ niki pa꞉ta꞉ Sipitidi ka꞉leketa꞉ kota꞉ Koda꞉ta꞉ niki ame̱le̱ tunao hala꞉me hone uluma꞉me.

1 Dioni 4:13

Nikita꞉ Koda꞉ ame̱le̱ ta꞉ma꞉ni pea haloma꞉ make ipikita꞉ niki ame̱le̱ ta꞉ma꞉ni pea hala꞉ ekita꞉ nikana꞉ma꞉ hone uluma꞉me. Pa ekipeke ipikana꞉ma꞉ta꞉ niki pa꞉ta꞉ ipika꞉ Sipitidi ka꞉la꞉mee.

1 Dioni 4:4

Pate yaka wekiwandikio. Ikita꞉ Koda꞉na꞉ ekie. Kutupa mo makeaaso potopede manuta꞉ amba꞉ bepolalememe. Pa ekipeke mo iki pa꞉ta꞉ pila꞉ Sipitidita꞉ do kenkena꞉ wanda꞉hali tukiki pa꞉ta꞉ pila꞉ sipitidi tupa꞉ dia꞉me. Iki pa꞉ta꞉ pila꞉ Sipitidita꞉ wele wopu pikieki pileke loa꞉me.

Peneme Yaeyekeeki 13:8

Do kenkena꞉ hala꞉ wanda꞉hali paeyaoma꞉ta꞉ mo sayale pa꞉ta꞉ panda꞉puniao yeiya꞉ laaso hata꞉ yeni pilimikie. Pate do kenke a̱i̱ na wepiki haena꞉ kone ika꞉ biki manuta꞉ mo deto hala꞉ wanda꞉halina꞉ biki ula꞉ bukana꞉ laala꞉ wanda꞉hali homeke homekema꞉ kotoeki na pilimikie. Koto biki ula꞉ bukata꞉ hande limiki Sipisipi Ma꞉na꞉ Ikikina꞉ bukae.

Peneme Yaeyekeeki 20:15

Kutupa make ma꞉nda꞉ epi ipika꞉ bikita꞉ mo da꞉ta꞉la꞉ wanda꞉halina꞉ bukana꞉ na laeya꞉ someta꞉ oni ti uleke kiake pa꞉ta꞉ yola꞉ mea lopaeya꞉me.